Сабирхужин Рөстәм Вил улы
Сабирхужин Рөстәм Вил улы (. 4 ғинуар 1978 йыл) — спортсы, Рәсәй һәм Ҡаҙағстан бишбәйге көрәшсеһе, Рәсәйҙең атҡаҙанған спорт мастеры (2006), хәҙерге заман бишбәйгеһе буйынса Ҡаҙағстан республикаһы халыҡ-ара класлы спорт мастеры (1998). Команда беренселегендә донъя чемпионы (2004,2005),3 тапҡыр команда һәм эстафетала Европа чемпионы (2004,2005,2008).
Биографияһы
Рөстәм Вил улы Сабирхужин — 1978 йылдың 4 ғинуарында Өфө ҡалаһында тыуған.
1986 йылда Өфө ҡалаһында күнекмәләр башлай. Уның 25 йыл дауамында тренеры В. М. Чудновский була. 2011 йылда Рәсәй йыйылма командаһына инә алмай, Астана ҡалаһына күсеп китә, Ҡаҙағстан йыйылма командаһы өсөн сығыш яһай башлай.
Хәҙерге заман бишбәйгеһе буйынса бер нисә донъя һәм Европа чемпионаттары еңеүсеһе һәм призёры була.
2004 һәм 2012 йылдарҙағы Олимпия уйындарында ҡатнаша.
Лондондағы Олимпиада-2012 өсөн лицензия ала, Ҡаҙағстан йыйылма командаһы өсөн сығыш яһай.
Олимпиадала 21-се урынды ала, 5564 мәрәй йыйып, фехтованиеға эләгә һәм еңеү яулай.
2012 йылда Өфөлә ипподром «Аҡбуҙатта». олимпия уты эстафетаһында ҡатнаша.
2009 йылда Өфө дәүләт авиация техник университетын тамамлай.
Олимпия уйындары
- Олимпия уйындарында 2004 йылда Афинала (Греция). Рөстәм Сабирхужин Моисеев Андрей менән бергә шәхси беренселеккә Рәсәй командаһы өсөн сығыш яһай. .
| Урын | Спортсылар | Йәше |  Атыумәрәй/һөҙөмтә |
 Фехтование |
 Йөҙөүмәрәй/һөҙөмтә |
 Конкур |
 Кроссмәрәй/һөҙөмтә |
 Сумманың
|
|---|---|---|---|---|---|---|---|---|
| Ун | Рөстәм Сабирхужин  Рәсәй Федерацияһы
|
26 йәш | 1156/185 | 888 | 1216/2.12,02 | 908 | 1084/9.39,60 | 5252 |
- 2012 йылдағы Олимпия уйындарында, Лондон (Бөйөк Британия). Рөстәм Сабирхужин Ҡаҙағстан командаһы өсөн сығыш яһай.
| Урын | Спортсылар | Йәше | фехтование
|
йөҙөү һөҙөмтәлә/мәрәй |
конкур
|
Комбайн һөҙөмтәлә/мәрәй |
Сумманың
|
|---|---|---|---|---|---|---|---|
| Егерме бер | Рөстәм Сабирхужин  Ҡаҙағстан
|
34 йәш | 156 | 2.13,21/1204 | 1100 | 10.49,57/2404 | 5504 |
Маҡтаулы исемдәре һәм башҡа бүләктәре
- Хәҙерге бишбәйге буйынса Рәсәйҙең халыҡ‑ара класлы спорт мастеры (1998)
- Рәсәйҙең атҡаҙанған спорт мастеры (2006).
- Башҡортостан Республикаһының күренекле спортсыһы (2000)
- Европа (2007) һәм Рәсәй (1998, 2000) чемпионаттарының көмөш призёры
- Европа чемпионатының бронза призёры (2005)
- Команда зачётында донъя (2004—2005) һәм Европа (2000, 2007) чемпионы
- Европа чемпионаттарының көмөш (2005) һәм бронза (2004) призёры
- Эстафетала Европа чемпионы (2008)
- Донъя (2000, 2003, 2005) һәм Европа (2005) чемпионаттарының көмөш призёры.
- Үҫмер спортсылар араһында Европа (2 тапҡыр, 1998; 1999) һәм Рәсәй (2 тапҡыр, 1998) чемпионы.
Шәхси тормошо
Өйләнгән. Ике ул үҫтерә.
Һылтанмалар
- Сабирхужин Рөстәм Вил улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 3 ғинуар 2023)
- Рустем Сабирхузин — Sports-Reference.com (инг.) сайтында олимпия статистикаһы
- 2012 йылда йәйге олимпия уйындарының рәсми сайтында профиле (инг.)
- Сабирхузин икенсе һулышы
- Rustam Sarbirkhuzin 2011 йылдың 13 август көнөндә архивланған. Архивная копия 13 август 2011 н Wayback Machine
- Рөстәм Сабирхузин: «Һәр ваҡыт шулай килеп сыға ла, килер кеүек» 2012 йылдың 7 июль көнөндә архивланған.