Саҡаева Динә Дамир ҡыҙы
Биографияһы
Динә Дамир ҡыҙы Саҡаева 1967 йылдың 13 ғинуарында Өфө ҡалаһында тыуған. 1984 йылда урта мәктәпте тамамлағандан һуң Башҡорт дәүләт медицина институтының дауалау факультетына уҡырға инә һәм уны 1990 йылда уңышлы тамамлай[1]. 1990—1993 йылдарҙа Өфө ҡалаһының 21-се дауаханаһы базаһында «анестезиология һәм реаниматология» һөнәре буйынса клиник ординатура үтә (Приказ № 568-у. 30.08.1990).
1993 йылдан алып Өфөнөң 18‑се дауаханаһында, 1995 йылдан — Республика клиник онкология диспансерында эшләй, 2007 йылдан башлап химиотерапия буйынса баш табип урынбаҫары[1][2].
1996 йылда Башҡорт дәүләт медицина университетында «медицина фәндәре кандидаты» ғилми исеменә дәғүә итеп кандидатлыҡ диссертацияһы яҡлай (Фән кандидаты дипломы КТ № 022451). 2004 йылдың 7 майында Юғары аттестация комиссияһының ҡарары менән (№ 21д/26) «медицина фәндәре докторы» ғилми исеме бирелә (Фән докторы дипломы ДК № 021799)[2].
Фәнни эшмәкәрлеге онкологик ауырыуҙарҙы дауалағанда шештәргә ҡаршы дарыуҙар тәьҫирен өйрәнеүгә, яман шештәрҙең химиотерапия ысулдарын камиллаштырыуға, иҫкәртеүгә һәм өҙлөгөүҙәрен төҙәтеүгә арналған. Динә Дамир ҡыҙы Саҡаева ҡатнашлығында цитостатик һәм нурланыштан һуңғы лейкопенияны иҫкәртеү һәм дауалау ысулы эшләнә. Ул 170‑тән ашыу фәнни хеҙмәт һәм бер уйлап табыу авторы.
Китаптары
- Клиническая фармакология в онкологии. М., 2007 (авторҙаш);
- Ежедневник врача‑онколога. М., 2011 (авторҙаш);
- Поликлиническая онкология. М., 2014 (авторҙаш).
Маҡтаулы исемдәре һәм башҡа бүләктәре
- Башҡортостан Республикаһының атҡаҙанған табибы (2014)
Иҫкәрмәләр
- ↑ 1 2 3 Саҡаева Динә Дамир ҡыҙы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.
- ↑ 1 2 САКАЕВА ДИНА ДАМИРОВНА 2021 йылдың 8 октябрь көнөндә архивланған.
Һылтанмалар
- Саҡаева Динә Дамир ҡыҙы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.
- САКАЕВА ДИНА ДАМИРОВНА 2021 йылдың 8 октябрь көнөндә архивланған.