Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Семёнова Ульяна Ларионовна

РУВИКИ интернет-энциклопедияһында Семёнова фамилиялы башҡа кешеләр тураһында мәҡәләләр бар.

Семенова Ульяна Ларионовна (ҡыҙ фамилияһы Иулияка[2]; 9 март 1952 йыл, Зарасай, Литва ССР-ы, СССР) — совет баскетболисткаһы, ике тапҡыр олимпия чемпионы, өс тапҡыр донъя чемпионы, 10 тапҡыр Европа чемпионы. СССР-ҙың атҡаҙанған спорт мастеры (1971).

Спорт тормошо

Беренсе тренеры — Даугавпилс районы Медум урта мәктәбендә физкультура уҡытыусыһы — Игорь Антонович Спогис.

Үҙәктә тороусы. Буйы — 218 см[3]. Элекке СССР-ҙа иң оҙон буйлы ҡатын-ҡыҙҙарҙың береһе, һирәк осрай торған непатологик гигантизм[4].

1993 йылда Спрингфилд Дан залына, 1999 — Теннесс штатында булдырылған ошондай уҡ Ҡатын-ҡыҙҙар баскетбол залына, 2007 йылда — Испанияла халыҡ-ара баскетбол федерацияһының Дан залына индерелгән.

XX быуаттың иң яҡшы Латвия баскетболисткаһы.

1988—1992 йылдарҙа Латвия НОК-ы вице-президенты. 1991 йылдан Олимпиаданың Латвия социаль фонды рәйесе.

Латвия физик культура дәүләт институтын тамамлай (1973).

Ҡаҙаныштары

  • Олимпия уйындары чемпионы — 1976, 1980
  • Донъя чемпионы 1971, 1975, 1983
  • Европа чемпионы 1968, 1970, 1972, 1974, 1976, 1978, 1980, 1981, 1983, 1985
  • СССР чемпионы 1968-73 , 1975-77, 1979-84. СССР чемпионатының көмөш призеры 1974, 1978
  • СССР халыҡтары спартакиадаһы V (1971), VI (1975), VII (1979), VIII (1983) еңеүсеһе
  • СССР кубогы эйәһе 1969
  • Универсиада чемпионы 1973
  • КЕЧ эйәһе 1968-75, 1977, 1981—1982
  • Лилиан Ронкетти Кубогы эйәһе 1987
  • Ленин (1985), Хеҙмәт Ҡыҙыл Байраҡ, Халыҡтар дуҫлығы ордендары, Өс йондоҙ ордены (Латвиялағы юғары награда), Дуҫлыҡ ордены (Рәсәй, 2006) менән бүләкләнгән.

Иҫкәрмәләр

Сығанаҡтар

  • Генкин Зиновий Аронович. Баскетбол: Белешмә / Авт.-төҙ. З. А. Генкин, Р Е Яхонтов. — М.: Физкультура һәм спорт, 1983. — 224 б.

Һылтанмалар

Категориялар