Сургучёв Михаил Леонтьевич

Михаил Леонтьевич Сургучёв 1928 йылдың 16 ноябрендә Башҡорт АССР-ының хәҙерге Мәләүез районының Петропавловка ауылында тыуған. Ишембай нефть техникумын тамамлаған.

Куйбышев индустриаль институтын тамамлағандан һуң Л. М. Сургучев «Гипровостокнефть» институтында (Һамар) эшләй, унда кандидатлыҡ (1959), ә һуңынан (1965) докторлыҡ диссертацияһын яҙа.

1966 йылда М. Л. Сургучёвты академик А. П. Крылов Бөтә Союз нефть һәм газ ғилми-тикшеренеү институтына (ВНИИнефть) проектлау методикаһы лабораторияһы етәксеһе, ҡатламдарҙың нефть биреүсәнлеген арттырыу һәм эшкәртеүҙең яңы алымдарын эшләү бүлеге начальнигы итеп эшкә саҡыра, 1974 йылдан фән буйынса директор урынбаҫары.

1986 йылда, илдә фән менән производство интеграцияһының Тармаҡ-ара фәнни-техник комплекс (МНТК) күренешендәге тәүге формалары барлыҡҡа килгәс, СССР Министрҙар Советы М. Л. Сургучёвты «Нефтеотдача» МНТК-һы генераль директоры итеп тәғәйенләй, бер үк ваҡытта ВНИИнефть директоры вазифаһын да башҡара. Ул үҙенең вафатына тиклем ошо бурыстарҙы үтәй.

Нефть һәм газ ятҡылыҡтарын эшкәртеү, ҡатламдарҙың нефть биреүсәнлеген арттырыу өлкәһендә белгес була. Уның етәкселегендә һәм туранан-тура ҡатнашлығында теоретик, эксперименталь һәм тәжрибә-промысла эштәре комплексы үткәрелә, улар ер ҡуйынынан нефтте һурып алыуҙың юғары кимәлен тәьмин итеүсе технологиялар эшләүгә йүнәлтелгән булалар.

Нефть һәм газ ятҡылыҡтарын эшкәртеүҙең яңы ысулдары һәм технологияларының фундаменталь нигеҙеҙәрен үҫтереүгә үҙ өлөшөн индерә. Уның тарафынан нефть ятҡылыҡтарын эшкәртеүҙең блок системаһы фәнни нигеҙләнә, был башта Куйбышев өлкәһендәге ятҡылыҡтарҙа, һуңынан Көнбайыш Себерҙә һәм илдең башҡа нефть сығарыусы төбәктәрендә ҡулланыла. 1966 йылда нефть ятҡылыҡтарын эшкәртеүҙең был системаһын эшләгәне өсөн уға, авторҙаштары менән бергә, Ленин премияһы бирергә ҡарар сығарыла.

Бер нисә нефть ятҡылығын эшкәртеү проекттары авторы. 200-ҙән ашыу ғилми хеҙмәт баҫтырып сығарған, шул иҫәптән 16 монография; 31 уйлап табыуын патентлаған. 19 фән кандидаты әҙерләгән.

Бер нисә ғилми совет ағзаһы, нефть ятҡылыҡтарын эшкәртеү буйынса Үҙәк комиссия рәйесе урынбаҫары, «Нефтяное хозяйство» журналы редколлегияһы ағзаһы булып тора.

1987 йылда Донъя нефть конгресы башҡарма комитеты вице-рәйесе итеп һайлана. 1990 йылдың декабренән СССР Фәндәр академияһының ағза-корреспонденты.

Ғалим 1991 йылдың 1 апрелендә вафат була. Кунцево зыяратында ерләнгән^[1].

• СССР-ҙың почетлы нефтсеһе.
• СССР-ҙың уйлап табыусыһы.
• РСФСР-ҙың атҡаҙанған фән һәм техника эшмәкәре.
• Ленин премияһы лауреаты (1966) — нефть ятҡылыҡтарын эшкәртеүҙең блок системаһын фәнни нигеҙләгәне һәм практикаға индергәне өсөн.
• Хеҙмәт Ҡыҙыл Байраҡ ордены.

• Сургучев М. Л. Регулирование процесса разработки нефтяных месторождений платформенного типа — М.: Гостоптехиздат, 1960. — 58 с.
• Сургучев М. Л. Эффективность современных методов разработки нефтяных залежей — Куйбышев: Куйбыш. кн. изд-во, 1962. — 92 с.
• Колганов В. И., Сургучев М. Л., Сазонов Б. Ф. Обводнение нефтяных скважин и пластов М.: Недра ,1965. — 264 с.
• Сургучев М. Л. Методы контроля и регулирования процесса разработки нефтяных месторождений — М.: Недра, 1968. — 300 с.
• Борисов Ю. П., Сургучев М. Л. Принципы технологического проектирования разработки нефтяных месторождений в условиях заводнения пластов применительно к поздней стадии их эксплуатации — М., 1968. — 24 с.
• Сургучев М. Л. Гидродинамическое, акустическое, тепловое циклические воздействия на нефтяные пласты — М.: Недра, 1975. — 185 с.
• Сургучев М. Л. Применение мицеллярных растворов для увеличения нефтеотдачи пластов — М.: Недра, 1977. — 175 с.
• Сургучев М. Л. Физико-химические микропроцессы в нефтегазоносных пластах — М.: Недра, 1984. — 215 с.
• Сургучев М. Л. Вторичные и третичные методы увеличения нефтеотдачи пластов — М.: Недра, 1985. — 308 с.
• Сургучев М. Л., Колганов В. И., Гавура А. В. [и др.]. Извлечение нефти из карбонатных коллекторов М.: Недра, 1987. — 229 с.
• Шарбатова И. Н., Сургучев М. Л. Циклическое воздействие на неоднородные нефтяные пласты — М.: Недра, 1988. — 121 с.
• Сургучев М. Л.. Методы извлечения остаточной нефти — М.: Недра, 1991. — 347 с.
• Сургучев М. Л. Ресурсосбережение при извлечении нефти — М.: Недра, 1991. — 170 с.
• Амелин И. Д., Сургучев М. Л., [и др.]. Прогноз разработки нефтяных залежей на поздней стадии М.: Недра, 1994. — 308 с.
• Сургучев Л. М., Сургучев М. Л. Процесс ВГВ в неоднородных пластах. «Нефтепромысловое Дело», Москва, No. 6-7, 1993.
• Сургучев Л. М., Сургучев М. Л. Эффективность когенерации и её применение в нефтяной промышленности. М., Нефтяное Хозяйство, No 6, 1989.