Тяжёва Александра Павловна

Александра Павловна Тяжёва Сембер губернаһы Ардатов ҡалаһында (хәҙер Мордовия) 1901 йылдың 14 апрелендә тыуған.

1929 йылда Ҡазан дәүләт университетының физика-математика факультетын «инженер-геолог» һөнәре буйынса тамамлай.

1928 йылдан СССР Фәндәр академияһының Башҡортостан экспедицияһы геология отрядының геология разведкаһы партияһында эшләй. Был эшмәкәрлеккә Башҡорт АССР-ының нефть тармағы тарихы бәйле.

1931—1958 йылдарҙа Көньяҡ Урал геология идаралығының партия әйҙәүсе геологы, начальнигы була.

1952—1973 йылдарҙа Рәсәй Фәндәр академияһының Өфө фәнни үҙәге Геология институтында эшләй. 1952—1958 йылдарҙа — өлкән ғилми хеҙмәткәр, 1958—1970 йылдарҙа — стратиграфия һәм палеонтология лабораторияһы мөдире^[2]

1978 йылдың 14 октябрендә Өфө ҡалаһында вафат була.

• Ленин ордены (1954)
• Башҡорт АССР-ының атҡаҙанған фән эшмәкәре (1951)
• Хеҙмәт Ҡыҙыл Байраҡ ордены (1949).

Фәнни эшмәкәрлеге Көньяҡ Уралдың көнбайыш итәгендәге девон һәм ташкүмер ултырмаларының стратиграфияһы һәм палеонтологияһын тикшереүҙәр менән бәйле. Ул девондың брахиоподтарының яңы төрҙәрен тасуирлай. Көньяҡ Уралдың боксит сығарыу бассейнын асыуҙа ҡатнаша.

Фәнни хеҙмәттәре

• Девонские отложения Башкирии. Ч.1. Стратиграфия. М., 1961 (соавт.);
• Кораллы и брахиоподы пограничных отложений силура и нижнего девона западного склона Южного Урала. М., 1972 (соавт.);
• Кораллы и брахиоподы нижнего девона Южного Урала. М., 1976 (соавт.) и др.
• Брахиoпoды, oстракoды и спoры среднегo и верхнегo девoна Башкирии: (сборник работ) / (соавт.); АН СССР, Башк. фил. Горно-геол. ин-т. — Москва : Изд-во Академии наук СССР, 1962. — 478 с.