Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Фәйрушин Дамир Зөфәр улы

Фәйрушин Дамир Зөфәр улы (рус. Файрушин Дамир Зуфарович; 10 ғинуар 1947 йыл) — ауыл хужалығы ветераны, йәмәғәтсе. 1990 йылдың 11 октябрендә Башҡорт АССР-ының ун икенсе саҡырылыш Юғары Советының өсөнсө сессияһында республиканың дәүләт суверенитеты тураһында Декларация ҡабул иткән [[Башҡорт АССР-ының 12-се саҡырылыш Юғары Советы депутаттары исемлеге|Башҡорт АССР-ының 12-се саҡырылыш Юғары Советы]] депутаты. Милләте — башҡорт[1].

Биографияһы

Дамир Зөфәр улы Фәйрушин 1947 йылдың 10 ғинуарында Башҡорт АССР-ының Балтас районы Мәнәгәҙ ауылында тыуған.

Юғары белемле — 1969 йылда — Башҡортостан ауыл хужалығы институтын тамамлаған.

Хеҙмәт эшмәкәрлеген өлкән инженер булып башлай, артабан республика «Сельхозтехника» берекмәһендә бүлек мөдире вазифаһын биләй.

1981—1988 йылдарҙа — Башҡорт АССР-ының ауыл хужалығы министры урынбаҫары, Дәүләт агросәнәғәте рәйесе, Дәүләт агросәнәғәт союзы рәйесе урынбаҫары.

1991 йылдан — «Башагропроммеханизация» дәүләт-кооператив берекмәһенең генераль директоры.

Артабан «Башсельхозтехника» ауыл хужалығы предприятиеһы генераль директоры вазифаһында эшләй[2]

Бер үк ваҡытта Башҡорт дәүләт аграр университетының ауыл хужалығын механизациялау факультетында уҡыта[3]

Йәмәғәт эшмәкәрлеге

1990 йылда Ҡырмыҫҡалы районындағы 222-се Ҡырмыҫҡалы һайлау округынан [[Башҡорт АССР-ының 12-се саҡырылыш Юғары Советы депутаттары исемлеге|Башҡорт АССР-ының 12-се саҡырылыш Юғары Советы]] депутаты итеп һайлана. Башҡортостан Республикаһы Юғары Советының сәнәғәт, энергетика, транспорт, элемтә, информатика, төҙөлөш һәм архитектура буйынса комиссияһы ағзаһы булған[1].

Маҡтаулы исемдәре һәм башҡа бүләктәре

Ауыл хужалығындағы күп йыллыҡ ҡаҙаныштары, намыҫлы хеҙмәте өсөн лайыҡ булған:

  • Башҡортостан Республикаһының атҡаҙанған ауыл хужалығы хеҙмәткәре
  • Рәсәй Федерацияһының атҡаҙанған ауыл хужалығы хеҙмәткәре[4]

Ғаиләһе

Өйләнгән, ғаиләһендә ул һәм ҡыҙ тәрбиәләп үҫтергәндәр.

Шулай уҡ ҡарағыҙ

Иҫкәрмәләр

  1. ↑ 1 2 Народные депутаты Республики Башкортостан. Двенадцатый созыв. — Уфа, Китап, 1994. — с. 104
  2. ↑ Указ Президента РФ О присвоении почетных званий Российской Федерации Президент Российской Федерации В.Путин, Москва, Кремль, 26 июля 2000 года N 1381//Файрушину Дамиру Зуфаровичу — генеральному директору государственного сельскохозяйственного предприятия «Башсельхозтехника», Республика Башкортостан
  3. ↑ Файрушин Дамир Зуфарович
  4. ↑ Указ Президента РФ О присвоении почетных званий Российской Федерации Президент Российской Федерации В.Путин, Москва, Кремль, 26 июля 2000 года N 1381

Әҙәбиәт

  • Народные депутаты Республики Башкортостан. Двенадцатый созыв. — Уфа, Китап, 1994. — с. 104

Һылтанмалар

П:
 «Шәхестәр» порталы

Категориялар