Фәхриев Ғәбделхәй Ғимаҙи улы

Ғәбделхәй (Хәй) Ғимаҙи улы Фәхриев 1929 йылдың 4 сентябрендә Башҡорт АССР-ының Стәрлетамаҡ кантоны Өршәкбаш-Ямғырсы ауылында (хәҙерге Башҡортостан Республикаһы Стәрлебаш районы Яңғырсы ауылы) тыуған.

1950 йылда Өфө театр-сәнғәт училищеһын (педагогтары Х. Бухарский, Г. С. Саттаров) тамамлай.

Училищены тамамлағас, Башҡорт АССР-ының Ҡыйғы һәм Ауырғазы райондарының колхоз-совхоз театрҙарында эшләй, аҙаҡ Башҡорт АССР-ының Стәрлебаш районы мәҙәниәт бүлегенең художество етәксеһе, Салауат башҡорт дәүләт драма театры, ә 1970 йылдан — Мәжит Ғафури исемендәге Башҡорт дәүләт академия драма театры артисы.

1991 йылдың 31 авгусында Өфө ҡалаһында вафат була.

• Ғмлмийәрр — «Әсәләр көтәләр улдарын», Ә. Мирзаһитов;
• Заман — «Ҡыңғыраулы дуға», Н. Нәжми;
• Ғәфүр — «Бай һәм хеҙмәтсе», Х. Ниязи;
• Дәрүиш — «Ай тотолған төндә», М. Кәрим;
• Краснов — «Бәлә кеше башынан йөрөй», А. Н. Островский;
• Иван Якутов — «Һуңғы алыш», Т. Бикмаев;
• Әбләй — «Бажалар», И. Абдуллин;
• Байтирәк — «Ҡыйыу ҡыҙҙар», Т. Ғиззәт;
• Кәрим бай — «Башмағым», Х. Ибраһимов;
• Бәҙри — «Ғәлиәбану», М. Фәйзи^[1].

• РСФСР-ҙың халыҡ артисы (1991);
• РСФСР-ҙың атҡаҙанған артисы (1979);
• Хеҙмәт Ҡыҙыл Байраҡ ордены (1976);
• Башҡорт АССР-ының халыҡ артисы (1974);
• Башҡорт АССР-ының атҡаҙанған артисы (1968).

• Өфө ҡалаһында артист йәшәгән йортҡа мемориаль таҡтаташ ҡуйылған.
• Стәрлебаш ауылында һәм Благовещенск ҡалаһында артист исемендәге урамдар бар^[2].