Хәбирова Разия Исхаҡ ҡыҙы
Хәбирова Разия Исхаҡ ҡыҙы (26 ғинуар 1933 йыл — 14 февраль 2015 йыл) — педагог, дәүләт хеҙмәткәре. «Почёт Билдәһе» ордены кавалеры.
Биографияһы
Разия Исхаҡ ҡыҙы Хәбирова 1933 йылдың 26 ғинуарында Башҡорт АССР-ының Маҡар районы (хәҙерге Стәрлетамаҡ районы) Алатана ауылында тыуған.
1952 йылдан Әхмәр ауылының тулы булмаған урта мәктәбендә уҡытыусы булып эшләй.
1960 йылда Стәрлетамаҡ дәүләт педагогия институтын тамамлай, Ишембай районының төрлө мәктәптәрендә уҡыта.
Ишембай районының Һайран ауылында йәшәгәндә улдары Радий (1964 йылда) тыуа. Был ваҡытта ғаилә башлығы Фәрит Барый улы мәктәптең директоры булып эшләй.
Улдарына 6 йәш тулғанда, ғаилә Ишембай ҡалаһына күсенә[1]
Разия Исхаҡ ҡыҙы Хәбирова артабан халыҡ депутаттарының Ишембай район Советы секретары вазифаһын башҡара.
2015 йылдың 14 февралендә Өфө ҡалаһында вафат була[2], Ишембай ҡалаһында ерләнгән.
Наградалары
- «Почёт Билдәһе» ордены (????)
- 1983 йылда Башҡорт АССР-ы Юғары Советы Президиумының Почёт грамотаһы менән бүләкләнгән[3].
Ғаиләһе
- Ире — педагог Хәбиров Фәрит Барый улы менән Рәмил, Ришат һәм Радий исемле улдар үҫтергәндәр.
- Улы — Хəбиров Радий Фəрит улы
Иҫкәрмәләр
- ↑ Учителя Радия Хабирова рассказали о его детстве
- ↑ Республика Башкортостан(недоступная ссылка)
- ↑ О награждении Почётной грамотой Президиума Верховного Совета Башкирской АССР Хабировой Р.И(недоступная ссылка)