Хәбиров Ришат Фәрит улы
Ришат Фәрит улы Хәбиров (рус. Ришат Фаритович Хабиров; 1958 йылдың 20 ғинуары, Сәлих, Башҡорт АССР-ы — 2026 йылдың 12 апреле, Стәрлетамаҡ районы, Башҡортостан Республикаhы) — Рәсәйҙең дәүләт хеҙмәткәре. Росреестрҙың Салауат ҡалаһы буйынса территориаль идаралығы начальнигы (1998 йылдан)[1].
Биографияһы
Хәбиров Ришат Фәрит улы 1958 йылдың 20 ғинуарында Башҡорт АССР-ының Ишембай районы Сәлих ауылында тыуған[2].
1983 йылда Мәскәү дәүләт тимер юл университетын тамамлай. Дәүләт регистрацияһы системаһында эшләй[2].
1998 йылдан алып Росреестрҙың Башҡортостан буйынса идаралығының Салауат ҡалаһындағы бүлек начальнигы вазифаһын биләй[1].
Дәүләт хеҙмәтен тамамлағас, күсемһеҙ милек өлкәһендә эшҡыуарлыҡ менән шөғөлләнә[3].
Үлеме
2026 йылдың 12 апрелендә Стәрлетамаҡ районында юл-транспорт фажиғәһенән һуң вафат була[4][5].
Ғаиләһе
- Атаһы — Фәрит Барый улы Хәбиров (1930—2003), педагог. Башҡорт АССР-ының атҡаҙанған уҡытыусыһы (1986), РСФСР-ҙың атҡаҙанған профессиональ-техник белем биреү уҡытыусыһы (1991), Луначарский исемендәге премия лауреаты (1991).
- Әсәһе — Разия Исхаҡ ҡыҙы Хәбирова (1933—2015), педагог. «Почёт Билдәһе» ордены кавалеры, Башҡорт АССР-ы Юғары Советы Президиумының Почёт грамотаһы менән бүләкләнгән (1983).
- Бер туған энеһе — Радий Фәрит улы Хәбиров (1964 йылда тыуған), Башҡортостан Республикаһы Башлығы (2018 йылдан)[4].
Маҡтаулы исемдәре һәм бүләктәре
- «Росреестрҙың почётлы хеҙмәткәре» (2021)[6].
Иҫкәрмәләр
- ↑ 1 2 В результате ДТП скончался брат главы Башкирии (12 апрель 2026). 12 апрель 2026 тикшерелгән. (рус.)
- ↑ 1 2 Брат главы Башкирии Радия Хабирова Ришат погиб в автокатастрофе. РГ (12 апрель 2026). Мөрәжәғәт итеү датаһы: 12 апрель 2026. (рус.)
- ↑ Анна Адамайтес. В ДТП погиб старший брат главы Башкирии. kp.ru. «Комсомольская правда» (12 апрель 2026). Мөрәжәғәт итеү датаһы: 12 апрель 2026. (рус.)
- ↑ 1 2 Жизнь брата Радия Хабирова, разбившегося под Стерлитамаком, не смогли спасти врачи (12.04.2026). 12 апрель 2026 тикшерелгән. (рус.)
- ↑ Лейла Аралбаева. https://www.bashinform.ru/news/social/2026-04-12/skonchalsya-brat-glavy-bashkirii-rishat-habirov-4649347. ИА «Башинформ» (12 апрель 2026). Мөрәжәғәт итеү датаһы: 12 апрель 2026. (рус.)
- ↑ Начальник отдела по г. Салават Управления Росреестра по РБ Ришат Хабиров удостоен звания «Почётный работник Росреестра» (ингл.). rosreestr.gov.ru (21 апрель 2021). Мөрәжәғәт итеү датаһы: 12 апрель 2026. (рус.)