Яҡупов Ғимран Гәрәй улы

Ғимран Гәрәй (ҡайһы бер документтарҙа Ғәббәс улы^{[сығанаҡ 1869  көн күрһәтелмәгән]}) Яҡупов 1913 йылда Йомағужа (хәҙер Мәләүез) районы Түбәнге Таш ауылында донъяға килгән. Һуғышҡа тиклем ауылда колхоз рәйесе булып эшләгән. 1941 йылда хәрби хеҙмәткә саҡырыла, 112-се Башҡорт кавалерия дивизияһы составында ул ваҡыттағы Курск өлкәһе (хәҙерге Липецк өлкәһе) Икенсе Тербуны ауылы янында Брянск фронтының бер участкаһында 1942 йылдың июлендә немец ғәскәрҙәренә ҡаршы алыштарҙа ҡатнаша. Майор Ғариф Маҡаевтың 313-сө кавалерия полкында хеҙмәт иткән. 1942 йылдың 22 июлендә һәләк булған, туғандар ҡәберлегендә ерләнгән^[1].

Ҡатыны — Хәйриә Кинйәбулат ҡыҙы (1915—2013), 1942 йылда фронтҡа китер алдынан иптәшен һуңғы тапҡыр Алкино станцияһына барып күрә. Дүрт балаһын яңғыҙы ҡарап үҫтерә.

Ғимран Гәрәй улы Яҡупов исеме Липецк өлкәһе Икенсе Тербуны ауылындағы туғандар ҡәберлегендәге обелискка яҙылып ҡуйылған^[2].