Ғөбәйҙуллина Гөлназ Радик ҡыҙы
Ғөбәйҙуллина Гөлназ Радик ҡыҙы (14 февраль 1992 йыл) — бишалыш менән шөғөлләнеүсе Рәсәй спортсыһы, Рио-де-Жанейро олимпиадаһында Рәсәй вәкиле, заманса бишалыш буйынса донъя чемпионы (2017).
Биография
Гөлназ Ғөбәйҙуллина 1992 йыл 14 февралендә Ямал-Ненец автономиялы округының Яңы Уренгой ҡалаһында тыуған. Ата-әсәһе сығышы менән Башҡортостан Республикаһы Ишембай районы Кинйәкәй ауылынан.
Ун йәшендә ғаиләһе менән Өфөгә күсеп килә. Башта ҡыҙ йөҙөү менән шөғөлләнә, ә 11 йәшендә бишбәйгегә күсә. 2003 йылдан башлап 2014 йылғаса Өфө тренеры Игорь Шохов етәкселегендә шөғөлләнә.
Гөлназ Ғөбәйҙуллина күп тапҡыр бөтә Рәсәй һәм халыҡ-ара ярыштарҙа еңеп сыҡты йә призлы урындар алды. Ул үҫмерҙәр араһында Йәйге Олимпия уйындарында награда яулаған берҙән-бер Рәсәй спортсыһы булды. 2010 йылда шәхси зачетта «бронза» яуланы[1].
Спорт ҡаҙаныштары
Алтын — 2017 йылда Донъя чемпионаты — 1 урын- Халыҡ-ара заманса бишалыш союзының (UIMP) башҡарма комитеты ултырышы йомғаҡтары буйынса донъяның иң яҡшы бишалышсыһы тип Гөлназ Ғөбәйҙуллина таныла[2].
Иҫкәрмәләр
- ↑ Башҡортостан спортсыһы Гөлназ Ғөбәйҙуллина — заманса бишбәйге буйынса донъяның иң яҡшы спортсыһы.
, 2017, 24 ноябрь (Тикшерелеү көнө: 24 ноябрь 2017)
- ↑ Башкирская спортсменка Гульназ Губайдуллина признана лучшей спортсменкой мира по современному пятиборью
Һылтанмалар
- http://www.minsport.gov.ru/press-centre/news/31054/ 2017 йылдың 30 август көнөндә архивланған.
- https://www.azatliq.org/a/27945874.html
