Арыҫланова Динә Ғәбдрәхим ҡыҙы
Динә Ғәбдрәхим ҡыҙы Арыҫланова (рус. Арсланова Дина Габдрахимовна; 1953 йылдың 27 июле, Үрге Этҡол ауылы, Башҡорт АССР-ы) — совет журналисы. 1978 йылдан СССР Журналистар союзы ағзаһы. Башҡортостан Республикаһының атҡаҙанған мәҙәниәт хеҙмәткәре (1998).
Биографияһы
Динә Ғәбдрәхим ҡыҙы Арыҫланова 1953 йылдың 27 июлендә Башҡорт АССР-ының Маҡар районы (хәҙер — Башҡортостан Республикаһының Ишембай районы) Үрге Этҡол ауылында тыуған.
1975 йылда Башҡорт дәүләт университетын тамамлай һәм хеҙмәт эшмәкәрлеген «Совет Башҡортостаны» гәзитендә башлай. 1981 йылдан — «Башҡортостан ҡыҙы» журналы хеҙмәткәре, 2001 йылдан «Башҡортостан» гәзитенең бүлек мөдире.
Башҡорт энциклопедияһы журналист тураһында шулай итеп яҙа:
Социаль һәм әхлаҡи-этик проблемалар буйынса, Башҡортостан Республикаһы халҡын медицина хеҙмәтләндереүе мәсьәләләре буйынса мәҡәләләр серияһы авторы
Башҡортостан хөкүмәте 2013 йылдың июлендә журналистың 60 йәшен билдәләне[1]/
2024 йылда Арсланова Башҡортостан Республикаһында йәшәгән халыҡтар милли мәҙәниәтен, телен, йолаларын тергеҙеүгә һәм сәскә атыуға булышлыҡ итеүсе тыныслыҡты һәм татыулыҡты нығытыу буйынса баҫылған материалдар өсөн «Журналистар» категорияһында икенсе урын яуланы»[2].
2023 йылда уның очерктары һәм социаль әһәмиәтле баҫмалары уҡыусылар тарафынан яҡшы ҡабул ителде. Ауыл хужалығы министрлығы һәм Башҡортостан Республикаһы Хөкүмәте тарафынан юғары баһаға лайыҡ булыуы билдәләнде[3].
Маҡтаулы исемдәре һәм башҡа бүләктәре
- Шәһит Хоҙайбирҙин исемендәге премия (2001)[4].
- Бөтә Рәсәй иң яҡшы әҫәргә конкурсының «Еңеп сығыу» номинацияһында лауреат була (2010)[5][6]
- Башҡортостан Республикаһының атҡаҙанған мәҙәниәт хеҙмәткәре (1998).
- «Журналист» номинацияһында икенсе урын.
Әҙәбиәт
- Арыҫланова Динә Ғәбдрәхим ҡыҙы//Башҡорт энциклопедияһы. 7 т./Баш мөхәррир. Илһамов М. А. Том 1 : А — Б. Өфө: Башҡорт энциклопедияһы, 2005. — 624 б.: илл.: карт. 191. б.
- Ишимбайская энциклопедия|место=Уфа|издательство=Башкирская энциклопедия|год=2015|страницы=76|страниц=656|isbn=978-5-88185-205-4|тираж=3000}}
Иҫкәрмәләр
- ↑ Июль 2013 2015 йылдың 10 ғинуар көнөндә архивланған.
- ↑ ПОБЕДИТЕЛЕЙ ЖУРНАЛИСТСКОГО КОНКУРСА ЖДУТ НАГРАДЫ. 17 сентябрь 2025 тикшерелгән.
- ↑ Какой печатью жизнь отмечена. 17 сентябрь 2025 тикшерелгән.
- ↑ Дина Арсланова - Республиканская премия - Лауреаты - Каталог статей - Шагит Худайбердин. shagit.ru. Мөрәжәғәт итеү датаһы: 3 февраль 2026.
- ↑ Итоги всероссийского конкурса на лучшее журналистское произведение в номинации «ПРЕОДОЛЕНИЕ» за 2010 год 2015 йылдың 10 ғинуар көнөндә архивланған.
- ↑ Журналисты Башкирии привезли награды с московского Бала прессы // РЕСПУБЛИКА | новости башинформ.рф