Башҡортостан (гәзит)
| «Башҡортостан» | |
|---|---|
 | |
| Тип | ижтимағи-сәйәси гәзит |
| Форматы | киң форматлы |
| Хужаһы | Башҡортостан Республикаһы |
| Баш мөхәррир | Вәдүт Ғәйфулла улы Исхаҡов |
| Нигеҙләү датаһы | 1917 |
| Теле | башҡорт теле |
| Төп офисы |
450079, Башҡортостан Республикаhы, Өфө ҡалаhы, Октябрҙең 50 йыллығыурамы, 13 |
| Тиражы | 30 мең (2011) |
| Наградалары |
 |
| Веб-сайты | bash.bashgazet.ru |
«Башҡортостан» — ижтимағи-сәйәси гәзит. Башҡортостан Республикаһының дәүләт телдәренең береһе булған башҡорт телендә Өфө ҡалаһында нәшер ителә[1].
Гәзитте ойоштороусылар — Башҡортостан Республикаһы Дәүләт Йыйылышы — Ҡоролтай һәм Башҡортостан Республикаһы Хөкүмәте[1].
Гәзит «Башҡорт иттифаҡи бюроһының мөхбире» тигән исем менән 1917 йылдың 14 июнендә сыға башлаған[1].
Баҫма республиканың район һәм ҡалаларындағы көндәлек ижтимағи-сәйәси хәлдәрҙе яҡтырта, башҡорт халҡының тарихы, мәҙәниәте һәм әҙәбиәте буйынса, шулай уҡ Рәсәйҙең башҡорттар күпләп йәшәгән төбәктәренән төрлө характерҙағы материалдарҙы даими биреп бара. Халҡыбыҙҙың арҙаҡлы улдары һәм ҡыҙҙары тураһында очерктар һәм һүрәтләмәләр һәр һан да тиерлек донъя күрә. Бынан тыш гәзиттә көнитмештең төрлө яҡтарына ҡағылған һәм сәнәғәт, иҡтисад, хоҡуҡ, әхлаҡ, мәғариф, һаулыҡ һаҡлау, тирә-яҡ мөхит, спорт өлкәләрен яҡтыртҡан һәм башҡа темаларға ла, уҡыусылар хаттарына ла күпләп урын бирелә.
ХХ быуаттың һуңғы һәм ХХI быуаттың тәүге ун йыллыҡтарында гәзит аҙнаһына биш мәртәбә, һуңғы йылдарҙа аҙнаға өс тапҡыр — шишәмбе, шаршамбы һәм йома көндәрендә сыға, һуңынан аҙнаһына ике тапҡыр: шишәмбе (8A2 форматында), йома (24А3 форматында) нәшер ителә. Йома һаны «Башҡортостан» — «Йома» исеме менән донъя күрә[1].
Тарихы
- Гәзит 1917 йылдың июнь айынан Ырымбурҙа «Башҡорт иттифаҡи бюроһының мөхбире» тигән исем менән башлап сыға. Июль айынан исеме «Башҡорт» тип үҙгәртелә.
- 1918 йылдың мартында Башҡортостандың Ваҡытлы революцион советы «Башҡортостан» гәзитен сығара.
- 1919 йылдан «Башҡортостан» һәм «Башҡорт» гәзиттәре нигеҙендә «Башҡортостан хәбәрҙәре» исемендә Стәрлетамаҡта нашер ителә.
- 1922 йылдан «Башҡортостан» исемендә Өфөлә башҡорт һәм татар телдәрендә сыға.
- 1924 йылдың авгусынан башҡортса ғына баҫтырыла.
- 1929 йылдан гәзит көн һайын сыға башлай.
- 1937 йылда гәзит исеме «Qьđьl Başqortostan» («Ҡыҙыл Башҡортостан»), 1951 йылда «Совет Башҡортостаны» тип үҙгәртелә.
- 1968 йылда Хеҙмәт Ҡыҙыл Байраҡ ордены менән бүләкләнә.
- 1990 йылдан «Башҡортостан» исеме менән донъя күрә.
Махсус биттәр
Рубрикалар
- Мәғлүмәттәр
- Йәмғиәт
- Шәхестәр
- Башҡортостан Республикаһының норматив-хоҡуҡи акттары
- Сәйәсәт һәм хоҡуҡ
- Иҡтисад
- Социаль мәсьәлә
- Рухиәт
- Әҙәбиәт һәм мәҙәниәт
- Спорт һәм туризм
- Экология
- Ҡырағай мөхит
Гәзиттең төрлө йылдарҙағы баш мөхәррирҙәре
- Шәфиев Бәхтигәрәй Әғзәм улы (1918)
- Фәхретдинов Ғ. Р. (1919)
- Йомағолов Харис Йомағол улы (1919)
- Йосопов Заһит Ғәйфулла улы (Шәрҡи Заһит) (1919—1921)
- Дауыт Юлтый (1921—1924)
- Иҙелғужин Кәрим Абдулла улы (1924—1926)
- Төхфәт Йәнәби (1926—1937)
- Аҙнабаев Ҡасим Ҡотлобирҙе улы (1937—1938)
- Ғөзәйеров Ғарифулла Вәли улы (1938—1940)
- Зөлҡәрнәев Ғәли Камал улы (1940—1945)
- Ғафаров Ғ. Ғ. (1945—1955)
- Рамаҙанов Ғилемдар Йыһандар улы (1955—1958)
- Нафиҡов Вәли Вәли улы (1958—1966)
- Исмәғилев Абдулла Ғиниәт улы (1966—1986)
- Әйүпов Мансур Әнүәр улы (1986—1990)
- Сәғитов Тәлғәт Ниғмәтулла улы (1990—1998)
- Хисамов Ғәлим Афзал улы (1998—1999)
- Кинйәбаев Рәлиф Мөстәҡим улы (1999—2011)
- Сәлимов Ниязбай Булатбай улы (2011—2015)
- Юлдашбаев Азамат Рәмил улы (2015—2018)
- Исхаҡов Вәдүт Ғәйфулла улы — 2018 йылдан[2]
Тиражы
|
Маҡтаулы исемдәре һәм башҡа бүләктәре
- Хеҙмәт Ҡыҙыл Байраҡ ордены (1968)
Республика кимәлендә ойошторған саралары
- Өфөлә «Башҡортостан» гәзитенең 100 йыллығы уңайынан уҡтан атыу буйынса беренселек үтә. «Башинформ» мәғлүмәт агетлығы, 6 декабрь 2016 йыл (Тикшерелеү көнө: 6 декабрь 2016).
Галерея
.jpg)
.jpg)
.jpg)
.jpg)
Иҫкәрмәләр
- ↑ 1 2 3 4 «Башҡортостан» төбәк интерактив энциклопедик порталы. «БАШҠОРТОСТАН», ижт.-сәйәси гәзит (Тикшерелеү көнө: 8 апрель 2025)
- ↑ Вәдүт Исхаҡов «Башҡортостан» гәзитенең баш мөхәррире итеп тәғәйенләнде «Башинформ» мәғлүмәт агентлығы, 2018, 22 июнь (Тикшерелеү көнө: 25 июнь 2018)
Һылтанмалар
- «Башҡортостан» төбәк интерактив энциклопедик порталы. «БАШҠОРТОСТАН», ижт.-сәйәси гәзит. Дата публикации: 10.10.2019. Дата последнего обновления публикации: 24.07.2023 (Тикшерелеү көнө: 8 апрель 2025)
- «Башкортостан» гәзите сайты
- Башҡортостан Республикаһының Әхмәтзәки Вәлиди исемендәге Милли китапханаһының электрон бүлегендәге тупланмаһы.
- «Башҡорт», «Башҡортостан хәбәрҙәре»
