Барышовка (Башҡортостан)

Барышовка †
	Бөткән ауыл
Барышовка †
	55°59′09″ с. ш. 58°30′08″ в. д.HGЯO
Ил	Рәсәй Федерацияһы
Федерация субъекты	Башҡортостан
Муниципаль район	Мәсетле
Ауыл Советы	Кесе Ыҡтамаҡ ауыл Советы (Мәсетле районы)
Тарихы һәм географияһы
Бөткән ауыл с	1968 йыл
Сәғәт бүлкәте	UTC+6:00
Рәсми тел	урыҫ теле и башҡортса‎
Һанлы идентификаторҙар
Автомобиль коды	02, 102
Показать/скрыть карты

Барышовка (рус. Барашовка, Бараш) — бөткән ауыл. Башҡортостан Республикаһының Мәсетле районы Кесе Ыҡтамаҡ ауыл Советы билмәһенә тура килә. 1968 йылда Башҡорт АССР-ы Юғары Совет президиумы ҡарары менән рәсми исемлектән алынған. .

Географияһы

Кесе Ыҡтамаҡ ауылынан 10 км алыҫлыҡта урынлашҡан.

Нигеҙләнеү тарихы

19-20 быуаттарҙа Пермь губернаһының Красноуфимск өйәҙе составында була. 1926 йылда Башҡортостан составына тапшырыла, Оло Аҡа улусына инә (1926 йылдың 7 июнендәге документ № 49). 1930 йылда Барышовка «Партизан» колхозы составында була. 1932 йылдан, үҙгәртеп ҡороуҙан һуң, Барышовка, Түбәнге Бобин, Үрге Бобин ауылдары Киров исемендәге колхозға инәләр. 1941 йылда Барышовка базаһында «Заря» колхозы ойошторола (рәйесе И. Е. Ярушин). 1950 йылда «Заря» колхозы Үрге һәм Түбәнге Бобин менән берләштерелә, яңы колхоз Сталин исеме ала (рәйесе М. В. Скрябин). 1968 йылда Барышовка йәшәүҙән туҡтай (31.10.1968 № 6-2 / 180)^[1] .

XIX быуат башында (яҡынса 1810—1812 йылдарҙа) Көңгөр мещаны Миней Барашов тарафынан Һоя йылғаһының һул ярында, Ташлыкүл үҙәне янындағы тауҙа нигеҙ һалына. Тарихтан билдәле булыуынса, Барашов бер тырыз баҡыр аҡсаға (күләме яҡынса бер литр) Һоя йылғаһының уң ярында «Каравашка» исеме аҫтында йөрөгән ҡалҡыулыҡта күсенеп йәшәүсе башҡорттарҙан мең дисәтинә ер һатып ала. Килешеүҙе ҡул ҡыҫышып, ҡағыҙҙар тултырмайынса (юридик документтар табылмай) нығыталар^[1]^[2]. Йылдар үткәс, ревизия ваҡытында Барашовтың ерҙәрен тартып ала башлайҙар, сөнки Барашовтың ер бүлеменә документтары булмай. Барашов Красноуфимскта адвокат Кунгуриев ярҙамы менән ер бүлеменә документтар эшләтә, адвокат хеҙмәте өсөн 500 дисәтинә ерҙе үҙенә ала. Ҡалған 500 дисәтинә ер урманы менән Миней Барашов исеменә герблы ҡағыҙҙа рәсмиләштерелә.

Инфраструктураһы

Бөйөк Ватан һуғышы алдынан Барышовкала ат һарайы, иген келәте, ферма, клуб, ясле төҙөлә. 1936 йылда башланғыс мәктәп төҙөлә. Эреләтеү менән бәйле инфраструктура Барышовканан Түбәнге Бобинға күсерелә, мәктәп, магазин ябыла^[1].

Халҡы

Халыҡ иҫәбен алыу мәғлүмәттәре буйынса 1939 йылда 68 кеше, 1959 йылда 99 кеше йәшәгән^[1]^[2].

Бөйөк Ватан һуғышына Барышовканан 41кеше китә, 13 кеше генә әйләнеп ҡайта ^[1]^[2].

Шулай уҡ ҡарағыҙ

Әҙәбиәт

Населенные пункты Башкортостана. Ч.111. Башреспублика, 1926. — Уфа: Китап, 2002.- С.112.

Иҫкәрмәләр

↑ ¹ ² ³ ⁴ ⁵ История села Малоустьикинское | Администрация сельского поселения Малоустьикинский сельсовет
↑ ¹ ² ³ Архивированная копия (билдәһеҙ). Дата обращения: 23 февраль 2012. Архивировано 2 апрель 2015 года. 2015 йылдың 2 апрель көнөндә архивланған.

[autogenerated2-1] ¹ ² ³ ⁴ ⁵ История села Малоустьикинское | Администрация сельского поселения Малоустьикинский сельсовет

[autogenerated1-2] ¹ ² ³ Архивированная копия (билдәһеҙ). Дата обращения: 23 февраль 2012. Архивировано 2 апрель 2015 года. 2015 йылдың 2 апрель көнөндә архивланған.

[1]

[2]