Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Белов Владимир Викторович

РУВИКИ интернет-энциклопедияһында Белов фамилиялы башҡа кешеләр тураһында мәҡәләләр бар.

Белов Владимир Викторович (1960 йылдың 1 октябре, Дәүләкән, Башҡорт АССР-ы) — Рәсәйҙең опера йырсыһы (тенор), сәнғәт өлкәһе хеҙмәткәре. 2021 йылдан — Тверь филармонияһы директоры[1]. Рәсәй Федерацияһының атҡаҙанған (2003), Башҡортостан Республикаһының халыҡ (1994) артисы[2].

Биографияһы

Владимир Викторович Бело́в 1960 йылдың 1 октябрендә Башҡорт АССР-ының Дәүләкән ҡалаһында тыуған[2].

1988 йылда Өфө дәүләт сәнғәт институтын (М. Ғ. Мортазина класы) тамамлай[2].

1987—1988 йылдарҙа һәм 1990 йылдан алып — хәҙерге Башҡорт дәүләт академия опера һәм балет театры, 1988—1990 йылдарҙа — Свердловск опера һәм балет театры, 1997—2003 йылдарҙа — Прага дәүләт операһы солисы[2].

2003 йылдан — Башҡортостан Республикаһының Милли симфоник оркестры директоры[2].

2012 йылдан — Өфө сәнғәт училищеһы директоры[2].

2021 йылдың ноябренән Тверь филармонияһы директоры[1].

И. К. Архипова һәм М. Л. Биешу менән бергә сығыш яһай. Рәсәй, Германия, Италия, АҠШ, Франция, Японияла гастролдәрҙә була.

Вокаль партиялары

Ротшильд («Ротшильд скрипкаһы», В. И. Флейшман һәм Д. Д. Шостакович; дебют, 1987), Владимир Игоревич («Кенәз Игорь», А. П. Бородин), Герман («Пиковая дама», П. И. Чайковский), Герцог («Риголетто»), Манрико («Трубадур»), Радамес («Аида», Дж. Верди), Хозе («Кармен», Ж.Бизе), Бохаир («Салауат Юлаев»), Аҡмырҙа («Шәурә»), «Реквием»-дә (Верди (1994)), Л. Бетховендың Туғыҙынсы симфонияһында (1998) партиялар. Йырсының репертуарында — рус һәм сит ил композиторҙарының операларынан ариялар, рус халыҡ йырҙары һәм романстары.

Маҡтаулы исемдәре һәм башҡа бүләктәре

  • М. И. Глинка исемендәге Халыҡ-ара конкурс лауреаты (Смоленск ҡалаһы, 1993)
  • С. Я. Лемешев исемендәге халыҡ-ара опера йырсылары конкурсы дипломанты (Тверь ҡалаһы, 1992)
  • Дж. Ғайяр исемендәге халыҡ-ара йырсылар конкурсы дипломанты (Памплона ҡалаһы, Испания, 1996)
  • Башҡортостан Республикаһының халыҡ артисы (1994)
  • Рәсәй Федерацияһының атҡаҙанған артисы (2003)

Иҫкәрмәләр

  1. ↑ 1 2 Владимир Белов — директор Тверской филармонии. Сайт «Музыкальное обозрение» (9 ғинуар 2022). Мөрәжәғәт итеү датаһы: 25 сентябрь 2025. (рус.)
  2. ↑ 1 2 3 4 5 6 С. М. Платонова. Белов Владимир Викторович (башҡ.). «Башҡортостан» төбәк интерактив энциклопедик порталы (10 октябрь 2019). Мөрәжәғәт итеү датаһы: 25 сентябрь 2025.

Әҙәбиәт

  • Александрова Н. Владимир Белов: «Моя Родина всегда со мной» //Ватандаш. 2004. № 4.

Һылтанмалар

Категориялар