Бикбулатова Гөлнара Фәрит ҡыҙы

Гражданлығы	СССР; Рәсәй;
Заты	ҡатын-ҡыҙ
Уҡыу йорто	Башҡорт дәүләт университеты;
Тыуған көнө	14 май 1964 (61 йәш)
Маҡтаулы исемдәре һәм башҡа бүләктәре	Башҡортостан Республикаһының атҡаҙанған юрисы[d]
Һөнәр төрө	сәйәсмән, юрист
Тыуған урыны	Хәйбулла районы, Башҡорт АССР-ы, РСФСР, СССР;

Бикбулатова Гөлнара Фәрит ҡыҙы (14 май 1964 йыл) — хоҡуҡ белгесе. 2018 йылдан Башҡортостан Республикаһының 6-сы саҡырылыш Дәүләт Йыйылышы — Ҡоролтай депутаты. Башҡортостан Республикаһының атҡаҙанған юрисы.

Биографияһы

Гөлнара Фәрит ҡыҙы Бикбулатова 1964 йылдың 14 майында Хәйбулла районының Юлдыбай ауылында билдәле йырсы Фәрит Бикбулатов ғаиләһендә тыуа.

Һуңынан улар Өфө ҡалаһына күсенә. Юғары белемде Гөлнара Фәрит ҡыҙы Башҡорт дәүләт университетында ала. Дипломлы белгес хеҙмәт юлын 1981 йылда баш ҡалаһының Киров районы судында суд ултырышы секретары булып башлай. 1982—1984 йылдарҙа Совет районы судында шул уҡ вазифала эшләй. 1984—1990 йылдар — Башҡорт дәүләт университетының юридик факультеты кафедраһы лаборанты. 1991 йыл — Киров районы прокуратураһының канцелярия мөдире. 1991—1995 йылдар — Башҡорт дәүләт университеты кафедраһы ассистенты. 1995—1997 йылдар — Башҡортостандың янғынға ҡаршы СРСУ-һы ябыҡ акционерҙар йәмғиәтенең кадрҙар-юридик бүлеге начальнигы. Һуңынан 2005 йылға тиклем прокурорҙарҙың арбитраж процесында ҡатнашыуын тәьмин итеү буйынса бүлек прокуроры ярҙамсыһы. 2007 йылғаса — Башҡортостан Республикаһы прокуратураһының федераль ҡануниәтте башҡарыуын күҙәтеү буйынса идаралыҡтың бүлек мөдире. 2007—2018 йылдарҙа Башҡортостан Республикаһы прокуроры урынбаҫары. 2018 йылдан — Башҡортостан Республикаһының 6-сы саҡырылыш Дәүләт Йыйылышы — Ҡоролтай депутаты.

Маҡтаулы исемдәре һәм бүләктәре

РФ генераль прокуроры бойороғона ярашлы сәғәт менән бүләкләнә (2005)^[1]
Башҡортостан Республикаһының атҡаҙанған юрисы
Рәсәй Федерацияһы прокуратураһының маҡтаулы хеҙмәткәре
«Лайыҡлы хеҙмәте өсөн» Рәсәй Федерацияһы генераль прокурорының күкрәккә таға торған билдәһе (2008)
Рәсәй суд приставтары федераль хеҙмәте директоры бойороғо менән "Ҡаҙаныштары өсөн" миҙалы менән бүләкләнә (2009).

Иҫкәрмәләр

↑ [1] 2017 йылдың 29 май көнөндә архивланған.

Сығанаҡтар

Бикбулатова Гульнара Фаритовна
БИКБУЛАТОВА ГУЛЬНАРА ФАРИТОВНА 2017 йылдың 29 май көнөндә архивланған.
Прокуратура России отмечает 295 лет со дня своего основания 2021 йылдың 11 апрель көнөндә архивланған.

[1] [1] 2017 йылдың 29 май көнөндә архивланған.

[1]