Бирғәлин Айнур Азамат улы
| Бирғәлин Айнур Азамат улы | |
|---|---|
 | |
| Дине | ислам |
| Титул | Башҡортостан Республикаһы мосолмандары Диниә назараты мөфтөйө |
| Положение | мөфтөй |
| Тыуған көнө | 17 октябрь 1989 (34 йәш) |
| Тыуған урыны | Башҡорт АССР-ы, Учалы районы, Баттал ауылы |
| Ил |
 СССР→ Рәсәй Федерацияһы |
| Алдан килеүсе | Ниғмәтуллин Нурмөхәмәт Мәғәфүр улы |
| dumrb.ru | |
Бирғәлин Айнур Азамат улы (17 октябрь 1989 йыл) — Ислам дине әһеле. 2019 йылдың 16 октябренән Башҡортостан Республикаһы мосолмандары Диниә назараты мөфтөйө (рәйесе).
Биографияһы
1989 йылдың 17 октябрендә Башҡорт АССР-ы Учалы районы Баттал ауылында тыуған[1].
Өфөлә Рәсәй мосолмандары Үҙәк Диниә назаратының Рәсәй ислам университетында белем алған. Мысырҙың баш ҡалаһы Ҡаһирәләге Әл-Әзһәр халыҡ-ара ислам университетының Сәнәүиә институтын тамамлаған[2].
2011 йылдан Өфөнөң «Рамаҙан» мәсетенең имам-хатибы була[2]. Һуңынан Өфө ҡалаһының 8 Март ҡасабаһында «Фәтхислам» мәсетен төҙөй[1] һәм уның имам-хатибы була[2].
«Таймаҫ-Престиж» компанияһының директоры. Рәсәй Федерацияһы Мосолман эшҡыуарҙары ассоциацияһының Башҡортостан бүлексәһенең етәксеһе була. Грэпплинг буйынса Башҡортостан чемпионы[1].
2016 йылда Башҡорт дәүләт университетының башҡорт филология һәм журналистика факультетының башҡорт-ғәрәп бүлеген тамамлаған[2].
2018 йылда Башҡортостан Республикаһы мосолмандары Диниә назараты мөфтөйө Ниғмәтуллин Нурмөхәмәт Мәғәфүр улының урынбаҫары итеп тәғәйенләнә[2].
2019 йылдың 28 апреленән Башҡортостан Республикаһы мосолмандары Диниә назараты мөфтөйө (рәйесе) вазифаһын ваҡытлыса башҡарыусы.
Башҡортостан мосолмандары Диниә назаратының 2019 йылдың 16 октябрендә үткән VIII отчет-һайлау съезында Айнур Бирғәлин күпселек тауыш менән мөфтөй вазифаһына һайланды[3].
Ғаиләһе
Өйләнгән, биш бала тәрбиәләй.
Иҫкәрмәләр
- ↑ 1,0 1,1 1,2 Аскарова Минзаля. И.о. главы ДУМ Башкирии Айнур Биргалин: «Говорят, я молодой и злой» // МК-сеть. Дата обращения: 13 май 2019.
- ↑ 2,0 2,1 2,2 2,3 2,4 Рахматуллин Тимур. Айнур Биргалин: «Мы не собираемся что-то выклянчивать у власти, садиться на шею Хабирову» // Реальное время. Дата обращения: 13 май 2019.
- ↑ Өфөлә Башҡортостан мосолмандары Диниә назаратының 8-се съезында яңы рәйес һайланды. «Башинформ» мәғлүмәт агентлығы, 16 октябрь 2019 йыл (Тикшерелеү көнө: 17 октябрь 2019)