Дудко Борис Александрович
Дудко Борис Александрович (22 февраль 1989 йыл) — хәрби хеҙмәткәр, майор. Рәсәй Федерацияһы Геройы (2022).
Биографияһы
Борис Александрович Дудко 1989 йылдың 22 февралендә Башҡорт АССР-ының Бөрө ҡалаһында тыуа. Урындағы 4-се урта мәктәпте тамамлай (2007). Артабан уҡыуын Ҡазан юғары танк команда училищеһында дауам итә. Уны 2011 йылда тамамлағандан һуң, Псков ҡалаһындағы 76-сы гвардия десант-штурм дивизияһына йүнәлтелә. Взвод, рота командиры, батальон командиры урынбаҫары вазифаһында хеҙмәт итә.
Ике тапҡыр Сүриәлә командировкала була.
Махсус хәрби операцияла уның беренсе көнөнән ҡатнаша. Һауа-десант ғәскәрҙәренең 76-сы гвардия десент-штурм дивизияһының 124-се айырым танк батальоны командирының урынбаҫары була. Хәрби бурысын уңышлы үтәгәне өсөн «Рәсәй Федерацияһы Геройы» исеменә лайыҡ була.
Маҡтаулы исемдәре һәм башҡа бүләктәре
Дәүләт наградалары
- Рәсәй Федерацияһы Геройы (2022)[1]
- Суворов миҙалы
Ведомство наградалары
- «За боевые отличия» миҙалы
- II дәрәжә «Хәрби фиҙаҡәрлеге өсөн» миҙалы
- III дәрәжә «За отличие в военной службе» миҙалы
- «Участнику военной операции в Сирии» миҙалы
Төбәк наградалары
- Генерал Шайморатов ордены (2022)[2]
Ғаиләһе
Өйләнгән. Ҡатыны менән ҡыҙ һәм ул үҫтерә.
Иҫкәрмәләр
- ↑ Награждённые медалями «Золотая Звезда». Мөрәжәғәт итеү датаһы: 9 май 2023. Архивировано 9 декабрь 2022 года.
- ↑ Хабиров наградил орденом Шаймуратова Героя России Бориса Дудко / WWW.UFA.KP.RU. Мөрәжәғәт итеү датаһы: 9 май 2023. Архивировано 9 май 2023 года.