Емелин Анатолий Анатольевич

Анатолий Анатольевич Емелин 1964 йылдың 3 октябрендә Өфө ҡалаһында тыуған. Шайбалы хоккей буйынса Рәсәйҙең халыҡ-ара класлы спорт мастеры (1993). А. Н. Емелиндың улы. Урал физик культура академияһы тамамлаған (1997). «Салауат Юлаев» СДЮШОР-ы тәрбиәләнеүсеһе (тренерҙары В. Н. Денисов, В. П. Чариков). Салауат Юлаев исемендәге спорт клубы (1981—87, 1988—90), «Лада» (1990—98) командалары, Швеция клубы (1992—93) өсөн уйнай. Европа Кубогын яулаусы (1997), Бөтә донъя универсиадаһы чемп. (1989), Милләт-ара хоккей лигаһы чемпионаты (1994, 1996) һәм уның Кубогын яулаусы (1994), Европа Суперкубогының (1997), Европа Кубогының ( 1995), Бөтә донъя универсиадаһының (1991), Милләт-ара хоккей лигаһы (1993, 1995) һәм Рәсәй (1997) чемпионаттарының көмөш призёры. Рәсәй йыйылма командаһы ағзаһы (1992—96). Дуҫлыҡ ордены менән бүләкләнгән (1996). 1998 йылда алып тренерлыҡ эшендә.

• Рәсәй чемпионы 1994 һәм 1996 йй.
• Милләт-ара хоккей лигаһы кубогы 1994,
• Европа Кубогын яулаусы 1996/1997,
• Милләт-ара хоккей лигаһы көмөш призёры 1993 һәм 1995 йй.,
• Рәсәй чемпионаттарының көмөш призёры 1997 й.,
• «Известия» гәзит приздарына турнирҙар көмөш призёры
• Универсиада-89,
• Универсиада-91,
• Европа Суперкубогының көмөш призёры 1997

• Дуҫлыҡ ордены (1996).