Рафиҡов Зәйнетдин Фәсхетдин улы
Рафиҡов Зәйнетдин Фәсхетдин улы (11 март 1923 йыл — 2007 йыл) — башҡорт шағиры, публицист. Хәрби хеҙмәткәр, отставкалағы полковник. Бөйөк Ватан һуғышында ҡатнашыусы. Мәләүез районының Булат Рафиҡов исемендәге премияһы лауреаты (2002)[2].
Биографияһы
Зәйнетдин (Зәйни) Фәсхетдин улы Рафиҡов 1923 йылдың 11 мартында Башҡорт АССР-ының Стәрлетамаҡ кантоны [3] Дәүләтҡол ауылында тыуған. 1940—1946 йылдарҙа Ҡыҙыл Армияһы сафында хеҙмәт итә. Бөйөк Ватан һуғышында ҡатнаша.
1946 йылдың көҙөндә Зәйни Рафиҡов тыуған яҡтарына ҡайта. 1949 йылдың көҙөндә яңынан Совет Армияһы сафына саҡырыла. Ул отставкалағы полковник.
Уның «Һалдат уйҙары», «Йондоҙло кешеләр» тигән шиғри йыйынтыҡтары һәм публицистик китаптары бар. 1994 йылдан Яҙыусылар союзы ағзаһы.
II дәрәжә Ватан һуғышы ордены (06.04.1985)[4].
Иҫкәрмәләр
- ↑ хәҙер Башҡортостан Республикаһының Мәләүез районы
- ↑ Зайни Рафиков – певец родного края (К 90-летию со дня рождения писателя). ИА «Башинформ», 2013, 11 марта (рус.) (Тикшерелеү көнө: 5 март 2018)
- ↑ хәҙер Башҡортостан Республикаһының Мәләүез районы
- ↑ Бүләкләнеүсенең учёт карточкаһынан мәғлүмәт «Халыҡ батырлығы» мәғлүмәт электрон базаһында
Һылтанмалар
- В. Романов. Зайни Рафиков — певец родного края (К 90-летию со дня рождения писателя) // Башинформ.рф. — 11.03.2013.