Ниғәмәтйәнов Әлфит Рафаил улы

Ниғәмәтйәнов Әлфит Рафаил улы 1982 йылдың 14 мартында Башҡорт АССР-ының (хәҙер Башҡортостан Республикаһы) Тәтешле районы Иҫке Һикәяҙ ауылында тыуған^[1].

Хеҙмәт эшмәкәрлеген 1998 йылда үҙ ауылындағы Э. Тельман исемендәге ауыл хужалығы етештереү кооперативында комбайнер ярҙамсыһы булып башлай^[2].

1999—2002 йылдарҙа Өфө финанс-иҡтисад колледжы махсус белем биреү дәүләт учреждениеһында «бюджет һәм бюджет иҫәбе» һөнәре һәм «финансист» квалификацияһы (рус.)баш. буйынса махсус урта белем ала^[3].

2002—2004 йылдарҙа саҡырыу буйынса Рәсәй Ҡораллы Көстәрендә хеҙмәт итә. Икенсе Чечня һуғышына эләгә. Хәрби хәрәкәттәр һәм хәрби хеҙмәт ветераны^[3].

2005—2006 йылдарҙа «НеФАЗ» асыҡ акционерҙар йәмғиәтендә слесарь, артабан йәмғиәттең Сифат хеҙмәте идаралығында инженеры була^[1].

2007—2010 йылдарҙа шәхси эшҡыуарҙа һатыу буйынса менеджер (рус.)баш. булып эшләй. Һуңынан 2011 йылға тиклем Өфө ҡалаһы хакимиәтенең халыҡты гражданлыҡ яҡлауының ҡотҡарыу хеҙмәтендә оператив дежурный була. Бер үк ваҡытта Башҡортостан Республикаһы Президенты ҡарамағындағы Башҡортостан дəүлəт хеҙмəте һəм идара итеү академияһында (хәҙер Башҡортостан Республикаһы Башлығы ҡарамағындағы Башҡортостан дəүлəт хеҙмəте һəм идара итеү академияһы) «финанс һәм кредит» йүнәлеше буйынса юғары белемле «иҡтисадсы» һөнәре ала^[3].

2012—2021 йылдарҙа Хәрби хәрәкәттәр инвалидтарының Башҡортостан республика йәмәғәт ойошмаһы реабилитация (рус.)баш. комиссияһы рәйесе була. 2018 йылда икенсе юғары белем алып, Башҡорт дәүләт университетын «юриспруденция» һөнәре буйынса тамамлай^[2].

2021 йылдан алып Хәрби хәрәкәттәр инвалидтарының Башҡортостан республика йәмәғәт ойошмаһы рәйесе^[3].

2023 йылда Башҡортостан Республикаһының 7-се саҡырылыш Дәүләт Йыйылышы—Ҡоролтай депутаты итеп һайлана^[1]. Парламенттың Һаулыҡ һаҡлау, социаль сәйәсәт һәм ветерандар эштәре буйынса комитеты^[4] һәм «Берҙәм Рәсәй» сәйәси партияһының Дәүләт Йыйылышы — Ҡоролтайҙағы фракцияһы ағзаһы^[2].

• Хәрби хәрәкәттәр инвалидтарының Башҡортостан республика йәмәғәт ойошмаһы рәйесе булараҡ, Әлфит Рафаил улы махсус хәрби хәрәкәттәр инвалидтарына ғына түгел, махсус хәрби операцияла ҡатнашҡан яугирҙарға һәм уларҙың ғаиләләренә хоҡуҡи ярҙам күрһәтә, яраланғандан һуң реабилитация үтергә булышлыҡ итә^[5].

• Башҡортостан Республикаһының Почёт грамотаһы (2020);
• II дәрәжә «Ватан алдындағы ҡаҙаныштары өсөн» ордены миҙалы (2023)^[6];
• Жуков миҙалы;
• «За боевые отличия» миҙалы;
• «За укрепление боевого содружества» миҙалы;
• «За заслуги в увековечении погибших защитников Отечества» миҙалы;
• Тәфтиш комитетының «За содействие» миҙалы.