Раменки (спорт комплексы)

Мәскәүҙең Раменки спорт-һауыҡтырыу комплексы 1989 йылда асыла. Спорт комплексында районда йәшәүселәр өсөн спорт дисциплиналары буйынса һайлап шөғөлләнеү мөмкинлектәре асылған: төркөм программаһы бүлмәһе үҙ эсенә аэробиканы, пилатесты, йоганы ала, һуғыш сәнғәте бүлмәһе — каратэ-до, тхэквондо, хапкидо, тай боксы, теннис майҙаны һәм тренажёр залы бар^[2].

1992 йылда Чак Норрис «Раменки» клубының почетлы ҡунағы була. Уны Мәскәүгә чемпион Ричард Хилл менән уның дәғүәсеһе Вадим Украинцев араһындағы кикбоксинг матчына судья роленә саҡыралар^[3].

Спорт комплексы 2020 йылға тиклем эшләй. Һуңынан, 2020 йылдың 23 июненән, реконструкциялау өсөн ябырға ҡарар ителә^[4]. Ремонт эштәре 2022 йылдың июнендә башлана һәм 2024 йылдың февраленә тиклем дауам итә. 29 мартта Мәскәү мэры Сергей Собянин «Раменки» спорт комплексын асыуҙа ҡатнаша; яңыртылған объекттың үҙенсәлеге булып 2 бассейн тора^[1][5].

Физкультура-һауыҡтырыу комплексының яңыртылған фасады аҡ ламель, архитектура яҡтыртыуы һәм витражлы быяла менән биҙәлгән. Интерьеры — заманса стилдә^[5].

Спорт комплексы составында^[5][1]:

— 2 һауыҡтырыу йөҙөү бассейны (25 × 8,5 метр) һәм 7 йәшкә тиклемге балаларҙы йөҙөргә өйрәтеү өсөн (6 × 4 метр);

— 200 м² майҙанлы тренажер залы;

— бокс залы (15 × 12 метр);

— 2 көрәш залы (һәр береһе 12 × 9 метр);

— баскетбол, волейбол, мини-футбол һәм теннис буйынса күнекмәләр үткәреү өсөн күп тармаҡлы уйын залы;

— махсус физкультура залы (9 х 9 метр);

— 2 хореография, йога, пилатес, художестволы һәм сәләмәтлек гимнастикаһы өсөн зал (һәр береһе 9 х 9 метр);

— административ-техник биналар^[5].

Спортсылар душ һәм бәҙрәф менән йыһазландырылған уңайлы кейем алмаштырыу бүлмәләрен файҙалана ала. Шулай уҡ тренерҙар өсөн айырым бүлмәләр, табип кабинеты булған медицина блогы, дауаланыу бүлмәһе, көтөү урыны, гардероб, буфет бар^[1].

Бинала хәрәкәтсәнлеге сикләнгән кешеләр өсөн уңайлыҡтар булдырылған: тактиль мәғлүмәт билдәләре, тотҡолар, махсус көҙгөләр, ярҙам саҡырыу системаһы һәм унда йөрөүҙе уңайлығы өсөн башҡа саралар бар^[1].

Спорт комплексында бер юлы 184 кеше шөғөлләнә ала, улар өсөн йөҙөү, аквааэробика, көрәш, бокс, хореография, художестволы һәм сәләмәтлек гимнастикаһы буйынса дәрестәр ойошторолаref name="Собянин открыл спорткомплекс с бассейном для жителей района Раменки" />.

Объекттың техник мөмкинлектәре^[5]:

• тәүлегенә яҡынса 1500 кешене ҡабул итеү мөмкинлеге;
• 4 ҡат, подвал һәм техник ҡат;
• майҙаны участкаһы — 0,295 га;
• төҙөлөш майҙаны — 1731 м²;
• объекттың дөйөм майҙаны 6075 м²;
• дөйөм төҙөлөш күләме — 39792 м^3[5].