Арғынбаева Светлана Роберт ҡыҙы

РУВИКИ интернет-энциклопедияһында Арғынбаева фамилиялы башҡа кешеләр тураһында мәҡәләләр бар.

Светлана Роберт ҡыҙы Арғынбаева (рус. Светлана Робертовна Аргинбаева; 1966 йылдың 8 ғинуары, Сибай, Башҡортостан Республикаhы) — совет, Рәсәй опера йырсыһы (меццо сопрано). 1993 йылдан Башҡорт дәүләт опера һәм балет театры солисы. Башҡортостан Республикаһының халыҡ артисы (2003). Опера йырсыларының Дж. Виотти исемендәге халыҡ-ара конкурсы лауреаты (Верчелли ҡалаһы, Италия, 1994), шулай уҡ күп кенә халыҡ-ара конкурстар дипломанты.

1966 йылдың 8 ғинуарында Башҡорт АССР-ының (1992 йылдан Башкортостан Республикаһы) Сибай ҡалаһында тыуған. Өфө сәнғәт училищеһын (1987), Өфө дәүләт сәнғәт институтын (1993) тамамлаған. 1993 йылдан Башҡорт опера һәм балет театры солисы.

Төп партиялар: Розина («Севилья цирюльнигы», Дж. Россини, дебют, 1994), З. Исмәғилевтың «Салауат Юлаев опера» операһында — Көнбикә, «Шәүрә» операһында — Яубикә, Кармен («Кармен», Ж.Бизе), һ. б. 1994—1997 йылдарҙа Озимо ҡалаһында (Италия) Опера сәнғәте академияһында, 2000 йылда Дж. Россини ис. опера академияһында (Пезаро ҡ., Италия) стажировка үтә. Репертуарында сит ил, үҙ илебеҙ композиторҙары операларынан ариялар, башҡорт халыҡ йырҙары. «Лисео» (Барселона, Испания), «Перес Гальдос» (Лас-Пальмас ҡ., Испания), «Россини» (Пезаро) театрҙарында йырлай^[1].

Башҡортостан Республикаһының атҡаҙанған артисы (1995);
Башҡортостан Республикаһының халыҡ артисы (2003);
Опера йырсыларының Дж. Виотти исемендәге халыҡ-ара конкурсы лауреаты (Верчелли, Италия, 1994);
С. Я. Лемешев исемендәге халыҡ-ара опера йырсылары конкурсы дипломанты (Тверь, 1992);
Ф. Виньяса исемендәге вокалистар конкурсы дипломанты (Барселона, Испания, 1993);
Л. Вольпи исемендәге опера йырсылары конкурсы дипломанты (Латина, Италия, 1995)^[1] .

↑ ¹ ² Г. Л. Галимова. Арғынбаева Светлана Роберт ҡыҙы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.

Сибай: энциклопедия. — Уфа: Башкирская энциклопедия, 2015. — ISBN 978-5-88185-246-7.

Г. Л. Галимова. Арғынбаева Светлана Роберт ҡыҙы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.
Светлана Аргинбаева
Аргинбаева

[БЭ-1] ¹ ² Г. Л. Галимова. Арғынбаева Светлана Роберт ҡыҙы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.

[1]

Арғынбаева Светлана Роберт ҡыҙы

Биографияһы

Ижады

Маҡтаулы исемдәре һәм башҡа наградалары

Иҫкәрмәләр

Әҙәбиәт

Һылтанмалар

Категориялар