Труд (гәзит)

1921 йылдың 19 февраленән Мәскәүҙә нәшер ителә^[4]. Гәзиттә билдәле яҙыусылар һәм шағирҙар — Владимир Маяковский һәм Николай Рубцов, Юрий Нагибин, Евгений Евтушенко баҫыла^[5].

1988 йылдың ғинуарында гәзиттең ҡушымтаһы — «Ветеран» гәзите сыға башлай. Ул — һуғыш һәм хеҙмәт ветерандарының Бөтә Союз ойошмаһы баҫмаһы була.

1990 йылдар башына тиклем ВЦСПС органы. Гәзиттең төп уҡыусылары — 30 йәштән 45 йәшкә тиклемге кешеләр^[6].

2007 йылға гәзит ағалы-ҡустылы Ананьевтарҙың Медиа3 холдингы составына инә^[7].

2011 йылдың 1 майынан редакциялағы үҙгәрештәрҙән һуң ^[8] гәзитте ойоштороусы, үҙенең ҡарарын сығымдарҙы оптималләштереү менән нигеҙләп һәм «Медиа3» холдингының бөтә предприятиеларының табышлылығын арттырыу буйынса программаға таянып, «Труд», «Труд7» гәзиттәре һәм «Труд» гәзитенең электрон версияһы өсөн материалдар әҙерләү буйынса «Издательский дом Труд» ябыҡ акционерҙар йәмғиәте менән редакция килешеүен өҙә.

«Труд» гәзите өсөн материалдарҙы артабан холдингтың бөтә редакция бүлексәләренән, атап әйткәндә, «Аргументы и факты» гәзитенән һатып алыу планлаштырыла. Холдинг шулай уҡ «Труд» бренды аҫтында эшләгән нәшриәт проекттарын һатыу мөмкинлеген ҡарай^[9].

2011 йылдың көҙөндә «Труд» гәзите алдағы хужаһы — «Media3» холдингынан һатып алына һәм Оло Дмитровка, 9-сы йорт адресы буйынса үҙенең тарихи бинаһына ҡайта^[10]. 2012 йылдың февралендә ойоштороусылары Юрий Лужковтың элекке матбуғат секретары Сергей Цой, журналистар Валерий Симонов^[11] һәм Юрий Ряжский^[12] булған йәмәғәт «Ирекле журналистика институты»^[13] гәзиттең яңы хужаһы тип иғлан ителә.

2015 йылдан гәзит аҙнаһына бер тапҡыр йома көндәрендә сыға.

• Александр Потапов (1985 — 2006^[14]) (КПСС Үҙәк Комитеты ҡарары менән тәғәйенләнгән һуңғы баш мөхәррир ^[15]);
• Валерий Симонов (2006^[14] — 2007);
• Владимир Бородин (сентябрь^[7] 2007 — апрель 2010) ^[8]);
• Владислав Вдовин (апрель 2010 — декабрь 2010^[8]);
• Валерий Симонов (2012 — хәҙерге ваҡытҡаса^[16][17].

• Ленин ордены (1971)
• Хеҙмәт Ҡыҙыл Байраҡ ордены (1951)