Урал аръяғы ТЭЦ-ы

ТЭЦ-ты төҙөү 2002 йылдың 22 декабрендә башлана^[1].

Үҙәк йылытыу электр системаһы 2004 йылдың 5 мартында тантаналы рәүештә сафҡа индерелә. Ошо ваҡиғаға арналған митингыла сығыш яһап, Башҡортостандың элекке президенты Мортаза Рәхимов, төҙөлгән станция уникаль характеристикаларға эйә, тип билдәләй: электр энергияһы етештереүҙә файҙалы эш коэффициенты яҡынса — 43 %, ә яғыулыҡты файҙаланыу коэффициенты 83,3 % тәшкил итә^[2].

Бөгөн предприятие йылытыу ихтыяждарына эҫе һыуға электр һәм йылылыҡ энергияһын бүлә, Башҡортостандың Урал аръяғында электр энергияһының һәм Сибай ҡалаһы өсөн йылылыҡтың төп сығанағы булып тора.

2009—2011 йылдарҙа Урал аръяғы ТЭЦ-ын киңәйтеү һөҙөмтәһендә ҡаҙанлыҡ цехы һәм һыу йылытыу ҡаҙанлығы-утилизаторы менән ҡеүәте 16 МВт булған газ турбинаһы ҡоролмаһы төҙөү иҫәбенә уның айырымланған бүлексәһе — «Сибай» ГТЭС-ы барлыҡҡа килә. Газ турбиналы электр станцияһы (электр ҡеүәте 16 МВт, йылылыҡ ҡеүәте 95,54 Гкал/сәғ.) Сибай ҡалаһы ихтыяжы өсөн электр һәм йылылыҡ энергияһын бүлеүҙе арттырырға һәм Башҡортостандың Урал аръяғында энергия дефицитын кәметергә мөмкинлек бирә.

2008 һәм 2009 йылдар аҙағында станцияның электр ҡеүәте 24,92 МВт, йылылыҡ ҡеүәте сәғәтенә 22,2 Гкал тәшкил итә. 2010 йыл аҙағына станцияның ҡеүәте ике тапҡырға кәмей: электр ҡеүәте — 12,46 МВт-ҡа тиклем, йылылыҡ ҡеүәте сәғәтенә 11,11 Гкал-ға тиклем^[3].

2011 йылдың 12 октябренә ҡарата станцияның ҡеүәте үҙгәрмәй^[4]. 2010 йылда Урал аръяғы ТЭЦ-ы 67,4 млн кВт/сәғ. электр энергияһы етештерә, был Башҡортостан Республикаһы биләмәһендә электр энергияһы етештереүҙең 0,3 процентын тәшкил итә^[5]. 2010 йылда билдәләнгән электр ҡеүәтен файҙаланыу коэффициенты 35,3 процент тәшкил итә. Шул уҡ йылда етештерелгән йылылыҡ энергияһын оҙатыу 109 мең Гкал. тәшкил итә^[3].