Харисов Рафиҡ Хафиз улы

Рафиҡ Хафиз улы Харисов 1957 йылдың 15 авгусында Башҡорт АССР-ының Ҡыйғы районы Сирбай ауылында тыуған.

1974—1975 йылдар — Ҡыйғы районы «Киров» совхозының Сирбай бригадаһында төрлө эштәрҙә эшләй.

1975—1977 йылдар — Совет Армияһында хеҙмәт итә^[1].

1977—1980 йылдар — Дыуан ауыл хужалығы техникумында уҡый.

1980—1981 йылдар — «Киров» совхозының Аҫылғужа бүлексәһендә агроном-бригадир.

1981—1986 йылдар — Ҡыйғы районы «Киров» совхозының Аҫылғужа бүлексәһе управляющийы.

1986 йылда Башҡортостан ауыл хужалығы институтының^[2] агрономия факультетын тамамлай^[1].

1986 йыл — Ҡыйғы районы «Киров» совхозының баш агрономы.

1986—1989 йылдар — Ҡыйғы районы «Киров» совхозы директорының мал аҙығы әҙерләү буйынсы урынбаҫары^[1].

1989—2000 йылдар — Ҡыйғы районы Чкалов исемендәге колхоз рәйесе.

2000—2006 йылдар — Ҡыйғы районы хакимиәте башлығының беренсе урынбаҫары — ауыл хужалығы идаралығы начальнигы.

2006—2009 йылдар — Салауат районы хакимиәте башлығы^[1].

2011— май 2016 йылдар — Ҡыйғы районы хакимиәте башлығы^[3].

• Башҡортостан Республикаһының Почёт грамотаһы (2012)^[4]
• Башҡортостан Республикаһының мәғариф отличнигы^[1].