Хурамшин Тәлғәт Закир улы
Хурамшин Тәлғәт Закир улы (1 май 1932 йыл — 3 март 2019 йыл) — совет дәүләт һәм хужалыҡ эшмәкәре, РСФСР Юғары Советының 10-сы саҡырылыш депутаты, Социалистик Хеҙмәт Геройы (1971). СССР‑ҙың һаулыҡ һаҡлау отличнигы (1978), РСФСР‑ҙың халыҡ мәғарифы отличнигы (1977), СССР‑ҙың уйлап табыусыһы (1976, 1985)[1].
Белеме
- 1964 йыл — Өфө нефть институтын инженер-технолог һөнәре буйынса тамамлаған[1].
- 1973 йыл — Мәскәү халыҡ хужалығы идаралығы институтын тамамлаған.
Биографияһы
Тәлғәт Закир улы Хурамшин 1932 йылдың 1 майында Башҡорт АССР-ы Шишмә районы Ибраһим ауылында крәҫтиән ғаиләһендә тыуған[1]. 1948—1951 — Черниковка нефть техникумында уҡый[1]. 1951—1956 — Өфө нефть ҡыуыу заводында насостар һәм компрессорҙар ҡоролмаһы механигы, ремонт-техник цехы начальнигы, Черниковка. 1956—1978 — Яңы-Өфө нефть эшкәртеү заводында (Өфө): өлкән цех механигы, цех начальнигы, партком секретары, завод директоры (1965 йылдан). 1978—1979 — РСФСР Министрҙар Советы эргәһендәге транспорт һәм нефть һәм нефть продукттары менән тәьмин итеү буйынса баш идаралығы начальнигы 1979—1981 — РСФСР нефть продукттары тәьмин итеү буйынса Дәүләт комитеты рәйесе. 1981 йылдан — СССР нефть продукттары тәьмин итеү буйынса Дәүләт комитеты рәйесе. Хурамшин етәкселегендә Яңы Өфө НЭЗ‑ы нефтехимия сәнәғәте һәм нефть эшкәртеү сәнәғәтенең иң алдынғы предприятиелары иҫәбенә инә[1].
Ҡулға алыу
1985 йылдың 5 декабрендә ҡулға алына. СССР Юғары Судының енәйәт эштәре буйынса суд коллегияһы 1986 йылдың 26 сентябрендә ришүәт алған өсөн 5 йылға иркенән мәхрүм итә. 1987 йылдың 4 ғинуарында мәхрүм ителә.1990 йылдың декабрендә азат ителә.
Азат ителгәндән һуң
1990—1992 — Яғыулыҡ һәм энергетика министрлығының нефть сығарыу һәм нефтехмия сәнәғәтенең Бөтә Союз ғилми-тикшеренеү һәм проектлау институтында баш инженер. 1992 йылдан генераль директоры-президент АООТ «Башҡорт сауҙа һәм технологиялар йорто» АООТ-ның генераль директор-президенты, Мәскәүҙәге «Башҡорт яҡташлығы» региональ йәмәғәт ойошмаһы Советының рәйесе. Рәсәй Федерацияһы Президентының 2010 йылдың 7 декабрендәге Указына яашлы СССР дәүләт наградаларына хоҡуҡтары яңынан тергеҙелә.
Маҡтаулы исемдәре һәи башҡа бүләктәре
- Социалистик Хеҙмәт Геройы (1971);
- Ленин ордены;
- Октябрь Революцияһы ордены;
- ике Хеҙмәт Ҡыҙыл Байраҡ ордены;
- СССР Министрҙар Советы премияһы (1974);
- Халыҡтар дуҫлығы ордены (2012, Башҡортостан Республикаһы).
20‑нән ашыу фәнни хеҙмәт һәм 50 уйлап табыу авторы[1].
Библиографияһы
Хурамшин Т. З. По нелëгким дорогам жизни — М.: Ист-факт, 2002. — 238 с.
Иҫкәрмәләр
- ↑ 1 2 3 4 5 6 ХУРАМШИН Тәлғәт Закир улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.
Әҙәбиәт
Государственная власть СССР. Высшие органы власти и управления и их руководители. 1923—1991 гг. Историко-биографический справочник / Сост. В. И. Ивкин. — М., 1999. — ISBN 5-8243-0014-3
Һылтанмалар
- Хурамшин Тәлғәт Закир улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 27 апрель 2022)
- Хурамшин Талгат Закирович. «Герои страны» сайты. Мөрәжәғәт итеү датаһы: 14 июль 2016.