Швайштейн Моисей Хаимович
Швайштейн Моисей Хаимович (Швайштейн Михаил Ефимович; 1936 йылдың 2 октябре, Витебск — 2025 йылдың 20 майы, Мәскәү) — скрипкасы, педагог, юғары мәктәп уҡытыусыһы. Профессор (1993). Башҡортостан Республикаһының халыҡ артисы (1995).
Биографияһы
Моисей Хаимович (Михаил Ефимович[1]; Швайштейн 1936 йылдың 2 октябрендә Белорус ССР-ның Витебск ҡалаһында тыуған.
1954 йылда Өфө музыка училищеһын (педагогы М. Г. Файн), 1959 йылда — П. И. Чайковский исемендәге Мәскәү дәүләт консерваторияһын (педагогы М. Б. Питкус) тамамлаған.
Консерваторияны тамамлағандан һуң 1959-1962 йылдарҙа Башҡорт дәүләт опера һәм балет театрында оркестр солисы һәм концертмейстеры булып эшләй. 1959 йылдан — Башҡорт дәүләт филармонияһы солисы.
Концерт эшмәкәрлеге менән бер үк ваҡытта 1962-1972 йылдарҙа Өфө сәнғәт училищеһында ҡыллы ҡоралдар бүлегендә, 1972 йылдан — Өфө сәнғәт институтында уҡытыусы булып эшләй, 1986 йылдан — ҡыллы музыка ҡоралдары кафедраһы мөдире, профессор (1993).
Музыкант һәм педагог 2025 йылдың 20 майында Мәскәү ҡалаһында вафат була[2].
Уҡыусылары
- Скрипкасылар Л. Айкаев, Л Минибаева, Ф. Ситдиҡова, Н. Кириллова.
Хеҙмәттәре
- 20 ғилми-методик хеҙмәт, скрипка өсөн ике пьесалар йыйынтығы авторы (Өфө, 1982, 1986).
- «Мелодия» фирмаһында уның башҡарыуында башҡорт композиторҙарының скрипка музыкаһы яҙылған 2 диск сығарылған.
Репертуары
Сит ил әҫәрҙәре, рус классикаһы, хәҙерге заман, шул иҫәптән башҡорт композиторҙары, әҫәрҙәре.
Маҡтаулы исемдәре һәм башҡа бүләктәре
- Башҡортостан Республикаһының халыҡ артисы (1995)
- Башҡорт АССР-ының атҡаҙанған артисы (1972)
Иҫкәрмәләр
- ↑ Башкирская энциклопедия — Швайштейн Михаил Ефимович 2019 йылдың 24 декабрь көнөндә архивланған. (рус.) (Тикшерелеү көнө: 27 февраль 2018)
- ↑ Ушёл из жизни народный артист Башкортостана, педагог Михаил Швайштейн. ИА «Башинформ», 22 мая 2025 года (рус.) (Тикшерелеү көнө: 22 май 2025)
Һылтанмалар
- Швайштейн Моисей Хаимович // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 19 сентябрь 2019)
- Литература. Культура. Имена 2017 йылдың 5 март көнөндә архивланған.. Журнал Бельские просторы.
- Әҙәбиәт. Мәҙәниәт. Исеме 2017 йылдың 5 март көнөндә архивланған.. Журнал Бельские просторы.