Ишбирҙин Эрнст Фәйзрахман улы
Ишбирҙин Эрнст Фәйзрахман улы (20 декабрь 1934 йыл — 24 май 2019 йыл) — ғалим-башҡорт теле белгесе, юғары мәктәп уҡытыусыһы. Филология фәндәре докторы (1990), профессор. Башҡортостан Республикаһының атҡаҙанған фән эшмәкәре (1995).
Биографияһы
Эрнст Фәйзрахман улы Ишбирҙин 1934 йылдың 20 декабрендә Башҡорт АССР-ының Баймаҡ районы Ишбирҙе руднигы ҡасабаһында тыуған.
1963 йылда Башҡорт дәүләт университетын тамамлай.
1963—1966 йылдарҙа Баймаҡ мәктәп-интернатында эшләй.
1970—1976 йылдарҙа Стәрлетамаҡ дәүләт педагогия институтында уҡыта.
1969—1976 йылдарҙа СССР Фәндәр академияһы Башҡортостан филиалының Тарих, тел һәм әҙәбиәт институтының өлкән ғилми хеҙмәткәре, 1988 йылдан бүлек мөдире.
2000 йылдан башлап Башҡорт дәүләт университетында уҡыта.
Ғалим оҙайлы ауырыуҙан һуң 2019 йылдың 24 майында Өфөлә вафат булды[1].
Ғилми эшмәкәрлеге
Эрнст Ишбирҙиндең фәнни тикшеренеүҙәре башҡорт әҙәби теле тарихына, башҡорт теле лексикаһын тасуирлауға, шулай уҡ диалектология мәсьәләләренә арналған. 150-нән ашыу фәнни хеҙмәт авторы.
Хеҙмәттәре
- Башҡорт әҙәби теленең тарихы. — Өфө, 1993 (авторҙаш);
- Башҡортостан ҡоштары. — Өфө, 1986;
- Башҡорт теленең игенселек һәм баҡсасылыҡ терминдары. — Өфө, 2002;
- Историческое развитие лексики башкирского языка. — М., 1986.
Маҡтаулы исемдәре һәм башҡа бүләктәре
- Башҡортостан Республикаһының атҡаҙанған фән эшмәкәре (1995).
Иҫкәрмәләр
- ↑ Не стало известного ученого, языковеда-тюрколога Эрнста Ишбердина. ИА «Башинформ», 27 мая 2019 года (рус.) (Тикшерелеү көнө: 27 май 2019)
Һылтанмалар
- Ишбирҙин Эрнст Фәйзрахман улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.