Әбдрәшитов Ринат Хатмулла улы

Ринат Хатмулла улы Әбдрәшитов 1958 йылдың 25 июлендә Башҡорт АССР-ының Салауат районы Ҡаратаулы ауылында тыуа.

1980 йылда Башҡорт дәүләт педагогия университетын тамамлай.

Хеҙмәт эшмәкәрлеген БДПУ-ны тамамлап ҡайтҡандан һуң Малаяҙ урта мәктәбендә химия һәм биология уҡытыусыһы булып башлай.

1989—1990 йылдарҙа халыҡ контроле район комитеты рәйесе урынбаҫары була. 1990—1991 йылдарҙа — Салауат ауыл советы башҡарма комитеты рәйесе. 1991—1992 йылдарҙа район советы башҡарма комитеты рәйесе урынбаҫары булып эшләй. 1992 −1996 йылдарҙа — Салауат районының дәүләт милке менән идара итеү буйынса дәүләт комитеты рәйесе, 113-сө СПТУ директоры. 1996 −2005 йылдарҙа — «На земле Салавата» редакция-нәшриәт комплексы директоры. 2005—2009 йылдарҙа — Башҡортостан Республикаһы Салауат районы муниципаль районының социаль мәсьәләләр һәм кадрҙар менән эшләү буйынса хакимиәт башлығы урынбаҫары.

2009 йылдан — «Россельхозбанк» төбәк филиалының Мәсәғүт ауылындағы өҫтәмә офисы идарасыһы урынбаҫары. 2012 йылдан — «Янғантау» шифаханаһы директорының ойоштороу һәм кадрҙар менән эшләү буйынса урынбаҫары, Салауат районы советы рәйесе^[1]. 2019 йылдан «Башҡортостан Республикаһы» нәшириәт йорто филиалы — Салауат районы мәғлүмәт үҙәгенең директоры-баш мөхәррире булып эшләй.

• Башҡортостан Республикаһының матбуғат һәм киң мәғлүмәт хеҙмәткәре (2023)^[2]
• Башҡортостан Республикаһының Почёт грамотаһы (2015)
• Башҡортостан Республикаһы Дәүләт Йыйылышы-Ҡоролтайҙың Почёт грамотаһы (2015)