Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Әйүпов Вадим Рәмил улы

РУВИКИ интернет-энциклопедияһында Әйүпов фамилиялы башҡа кешеләр тураһында мәҡәләләр бар.

Вадим Рәмил улы Әйүпов (рус. Аюпов, Вадим Рамильевич, 1974 йылдың 13 октябре, Өфө, Башҡорт АССР-ы, РСФСР, СССР) — спортсы, тренер. 1995—2005 йылдарҙа фехтование буйынса Рәсәй йыйылма командаһы ағзаһы. 2006—2009 йылдарҙа рапира менән фехтование буйынса Рәсәй үҫмер спортсылар йыйылма командаһының өлкән тренеры. СССР-ҙың спорт мастеры (1990), Рәсәйҙең халыҡ-ара класлы спорт мастеры (2001). Башҡортостан Республикаһының күренекле спортсыһы (1996)[2].

Биографияһы

Вадим Рәмил улы Әйүпов 1974 йылдың 13 октябрендә Башҡорт АССР-ының баш ҡалаһы Өфөлә тыуған.

«Локомотив» балалар спорт йәмғиәте, 4-се олимпия резервындағы махсус балалар-үҫмерҙәр спорт мәктәбе, Башҡортостан Республикаһының юғары спорт оҫталығы мәктәбе (беренсе тренеры — атаһы Рәмил Исмәғил улы Әйүпов) тәрбиәләнеүсеһе[3].

1997—2002 йылдарҙа Мәскәү ҡалаһы (тренерҙары — М. П. Мидлер, Д. С. Шевченко) өсөн сығыш яһай.

Урал дәүләт физик культура академияһын тамамлаған (1999).

Лос-Анджелес ҡалаһында (АҠШ) спорт клубы тренеры[4]

Һөҙөмтәләре

Шәхси зачетта
  • Бөтә донъя йәйге Универсиаданың бронза призеры (1997; 2001);
  • Рәсәй чемпионы (2000);
  • Хәрби хеҙмәткәрҙәр араһында донъя чемпионатының көмөш призеры (1997) ,
  • Рәсәй чемпионатының көмөш призеры (1999),
  • Донъя Кубогы этабының көмөш призеры (2003);
  • Ир-егеттәр араһында Рәсәй Кубогын яулаусы (1995).
  • Егеттәр араһында СССР чемпионы (1990).
  • Үҫмер спортсылар араһында Европа беренселегенең бронза призеры (1993).
Команда зачетында
  • Бөтә донъя йәйге Универсиадаһы чемпионы (1995),
  • Европа чемпиондары Кубогын яулаусы (1998),
  • Хәрби хеҙмәткәрҙәр араһында донъя чемпионы (1997);
  • Рәсәй чемпионы (1997, 1998, 2001, 2003),
  • «Ете милләт» халыҡ-ара турнир еңеүсеһе,
  • Донъя Кубогы этабы еңеүсеһе (1996).

Маҡтаулы исемдәре һәм башҡа бүләктәре

  • Башҡортостан Республикаһының күренекле спортсыһы (1996).

Иҫкәрмәләр

  1. ↑ 1 2 3 4 https://infosport.ru/person/fehtovanie/ayupov-vadim
  2. ↑ Аюпов Вадим Рамильевич. Башкирская энциклопедия: в 7 тт. (20 октябрь 2021). Мөрәжәғәт итеү датаһы: 5 декабрь 2025.
  3. ↑ Аюпов Вадим Рамильевич. Институт Башэнциклопеди АН РБ. Мөрәжәғәт итеү датаһы: 5 декабрь 2025.
  4. ↑ Российские спортсмены. Спортивная Россия. Мөрәжәғәт итеү датаһы: 5 декабрь 2025.

Категориялар