13 октябрь
13 октябрь (рус. 13 октября) — рәсми календарь буйынса йылдың 286-сы көнө (кәбисә йылында 287-се). Йыл аҙағына тиклем 79 көн ҡала.
| ← октябрь → | ||||||
| Дш | Шш | Шр | Кс | Йм | Шм | Йк |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
| 2025 йыл | ||||||
Байрамдар һәм иҫтәлекле даталар
Халыҡ-ара
БМО: Стихия фәжиғәләре эҙемтәләрен кәметеү көнө
Милли
Афғанстан: Республиканың Милли ассамблеяһы нигеҙләнгән көн.
.svg){kind=small}
Һөнәри
Беларусь: Мәҙәниәт хеҙмәткәрҙәре көнө (октябрҙең икенсе йәкшәмбеһе).
Рәсәй Федерацияһы: Ауыл хужалығы һәм эшкәртеү сәнәғәте хеҙмәткәрҙәре көнө (октябрҙең икенсе йәкшәмбеһе).
Украина: Рәссам көнө.
Әзербайжан: Тимер юл хеҙмәткәрҙәре көнө.
Башҡортостан менән бәйле шәхестәр
0 һәм 5 һанына тамамланған йылдарҙа тыуғандар
- Закиров Рәүеф Абдулхаҡ улы (1915—14.08.1995), дәүләт эшмәкәре. 1953—1978 йылдарҙа Башҡорт АССР-ының торлаҡ-коммуналь хужалыҡ министры. Башҡорт АССР-ының 3-сө, 6—9-сы саҡырылыш Юғары Советы депутаты. Өс Хеҙмәт Ҡыҙыл Байраҡ (1949, 1971, 1976) һәм ике «Почёт Билдәһе» (1945, 1966) ордены кавалеры. Сығышы менән хәҙерге Дәүләкән ҡалаһынан.
- Сөләймәнов Шәриф Сөләймән улы (1920—12.02.1994), дәүләт, хужалыҡ һәм партия эшмәкәре. Бөйөк Ватан һуғышында ҡатнашыусы. 1971—1988 йылдарҙа Башҡорт АССР-ының финанс министры, ете саҡырылыш (IV—XI) БАССР Юғары Советы депутаты. Советтар Союзы Геройы (1943). Отставкалағы полковник.
тулы исемлек
- Чудинов Энгельс Матвеевич (1930—3.07.1980), ғалим-философ. 1955 йылдан Бөрө дәүләт педагогия институты, 1958 йылдан — Өфө авиация институты уҡытыусыһы, шул иҫәптән 1964 йылдан — марксистик-ленинсы философия һәм фәнни коммунизм кафедраһы мөдире; 1966 йылдан Мәскәү физика-техника институты уҡытыусыһы, шул иҫәптән 1970 йылдан философия кафедраһы мөдире. Философия фәндәре докторы (1968), профессор (1970). Сығышы менән хәҙерге Дәүләкән ҡалаһынан.
1 һәм 6 һанына тамамланған йылдарҙа тыуғандар
- Гончаров Борис Васильевич (1926—22.06.2014), ғалим-инженер-төҙөүсе. 1973—1980 йылдарҙа һәм 1987 йылдан Өфө нефть институты һәм Өфө дәүләт нефть техник университеты уҡытыусыһы, шул иҫәптән 1980 йылға тиклем төҙөлөш конструкциялары кафедраһы, 1988—1999 йылдарҙы төҙөлөш эштәре технологияһы һәм фундаменттар кафедраһы мөдире, бер үк ваҡытта 1988—1991 йылдарҙы инженер-төҙөлөш факультеты деканы. Техник фәндәр докторы (1970), профессор (1974). РСФСР-ҙың атҡаҙанған фән һәм техника (1986), Башҡортостан Республикаһының атҡаҙанған фән эшмәкәре, Башҡорт АССР-ының атҡаҙанған төҙөүсеһе (1976). Сығышы менән хәҙерге Смоленск өлкәһе Слобода ауылынан.
- Максимов Глеб Юрьевич (1926—26.08.2001), ғалим-инженер-конструкторы, уйлап табыусы. Техник фәндәр кандидаты. Ерҙең донъялағы беренсе яһалма юлдашын эшләүсе һәм уны осороусыларҙың береһе. Ленин премияһы лауреаты, Ленин ордены кавалеры. Сығышы менән Өфө ҡалаһынан.
тулы исемлек
- Ғаязова Гөлһылыу Хәлил ҡыҙы (1936—15.02.2004), хеҙмәт алдынғыһы, йәмәғәтсе. 1964—1976 йылдарҙа Ҡарман ГРЭС-ының төҙөлөш идаралығы маляры. Башҡорт АССР-ының туғыҙынсы саҡырылыш (1975—1980) Юғары Советы депутаты. Социалистик Хеҙмәт Геройы (1974), Нефтекама ҡалаһының почётлы гражданы (1978).
- Золоева Галина Михайловна (1941), ғалим-тау инженеры-геофизик. 1966 йылдан И. М. Губкин исемендәге Мәскәү нефтехимия һәм газ сәнәғәте институты һәм И. М. Губкин исемендәге Рәсәй нефть һәм газ университеты уҡытыусыһы, шул иҫәптән 1976—1983 йылдарҙа өлкән ғилми хеҙмәткәр. Геология минералогия фәндәре докторы (1994), профессор (1996). Почётлы ер аҫты разведкалаусыһы (2005). Сығышы менән хәҙерге Башҡортостан Республикаһының Йәрмәкәй районы Йәрмәкәй ауылынан.
- Уйылданов Рауил Нуретдин улы (1941—20.07.2000), ғалим-ветеринар врач. 1978 йылдан Башҡортостан ауыл хужалығы институтының биохимия лабораторияһы мөдире, 1989 йылдан — Башҡортостан ауыл хужалығы ғилми-тикшеренеү институтының үҙәк аналитик лабораторияһы, 1997 йылдан — ветеринария һәм зоогигиена лабораторияһы мөдире, бер үк ваҡытта Башҡорт дәүләт аграр университеты уҡытыусыһы. Биология фәндәре докторы (1995), профессор (1997). Сығышы менән хәҙерге Башҡортостан Республикаһының Учалы районы Һәйтәк ауылынан.
- Давыдова Лариса Владимировна (1961), педагог, йәмәғәт эшмәкәре. 2007 йылдан Салауат ҡалаһы 1-се гимназия директоры, бер үк ваҡытта 2012 йылдан Салауат ҡала Советы рәйесе. Башҡортостан Республикаһының атҡаҙанған уҡытыусыһы (2013), Рәсәйҙең почётлы дөйөм белем биреү хеҙмәткәре (2013). Сығышы менән ошо ҡаланан.
- Хәйруллина Минзәлә Ғәйнетдин ҡыҙы (1961), театр актёры. 1990 йылдан СССР-ҙың Театр эшмәкәрҙәре союзы ағзаһы. 1983 йылдан хәҙерге Мәжит Ғафури исемендәге Башҡорт дәүләт академия драма театры актёры. Башҡортостан Республикаһының халыҡ артисы (2004).
- Төхбәтуллин Эдуард Дауыт улы (1971), спортсы. 1992—1998 йылдарҙа еңел атлетика буйынса Рәсәй йыйылма командаһы ағзаһы. 80 километрға йүгереүҙә Мексика чемпионы (1998), Команда зачётында 100 километрға йүгереүҙә Европа чемпионы (1998) һәм Европа чемпионатының көмөш призёры (1997). Рәсәйҙең халыҡ-ара класлы спорт мастеры (1993). Сығышы менән Өфө ҡалаһынан.
2 һәм 7 һанына тамамланған йылдарҙа тыуғандар
- Солтанов Барый Муллағәли улы (1907—21.01.1945), Бөйөк Ватан һуғышында һәләк булған яугир, пулемётсылар отделениеһы командиры, өлкән сержант. Советтар Союзы Геройы (1945).
- Нурия Ирсаева (1942), театр һәм кино актёры, йырсы, педагог. 1965 йылдан хәҙерге Мәжит Ғафури исемендәге Башҡорт дәүләт академия драма театры актрисаһы, бер үк ваҡытта 1987—1995 йылдарҙа хәҙерге Заһир Исмәғилев исемендәге Өфө дәүләт сәнғәт институты уҡытыусыһы. РСФСР-ҙың (1984), Башҡорт АССР-ының (1980) һәм Татарстан Республикаһының (1998 ) халыҡ артисы. Башҡорт АССР-ының Салауат Юлаев исемендәге дәүләт премияһы (1987), Миәкә районының М. Аҡмулла исемендәге (1998) премияһы лауреаты. Халыҡтар дуҫлығы (2017) һәм Салауат Юлаев (2013) ордендары кавалеры, Өфө ҡалаһының почётлы гражданы (2019).
тулы исемлек
- Головин Владимир Вениаминович (1952), инженер. Учалы тау-байыҡтырыу комбинаты Сибай филиалының элекке баш механигы. Рәсәй Федерацияһының атҡаҙанған металургы (2014) һәм почётлы таусыһы (2001), Сибай ҡалаһының почётлы гражданы (2020).
- Жирнов Владимир Алексеевич (1952), музыкант-баянсы, педагог. Өфө сәнғәт училищеһы директорының уҡыу-тәрбиә эштәре буйынса урынбаҫары; 2003—2012 йылдарҙа Салауат музыка училищеһы (2008 йылдан колледж) директоры, бер үк ваҡытта баян һәм аккордеон классы буйынса уҡытыусы. Башҡортостан Республикаһының атҡаҙанған мәҙәниәт хеҙмәткәре (2006). Сығышы менән хәҙерге Башҡортостан Республикаһының Йәрмәкәй районы Талдыболаҡ ауылынан.
- Нурғәлина Зөлфирә Рәил ҡыҙы (1962), педагог. 1986 йылдан Әбйәлил районы Гусев мәктәбенең өлкән пионер вожатыйы һәм уҡытыусыһы, 1996 йылдан — Асҡарҙың 1-се мәктәбе уҡытыусыһы, 2002 йылдан — район мәғариф бүлеге методисы, 2014 йылдан — Башҡортостан Мәғарифты үҫтереү институтының өлкән ғилми хеҙмәткәре. Рәсәйҙең почётлы дөйөм белем биреү хеҙмәткәре (2011). Сығышы менән Әбйәлил районының Таҡһыр ауылынан.
3 һәм 8 һанына тамамланған йылдарҙа тыуғандар
- Степанов Никита Андреевич (1913—22.09.1953), Бөйөк Ватан һуғышында ҡатнашыусы. 16-сы гвардия кавалерия (Башҡорт атлы) дивизияһының взвод командиры ярҙамсыһы, гвардия өлкән сержанты. Советтар Союзы Геройы (1944).
- Әсхәт Мирзаһитов (1928—24.11.1989), башҡорт драматургы, актёр, режиссёр һәм тәржемәсе, йәмәғәт эшмәкәре. 1973—1988 йылдарҙа БАССР Яҙыусылар союзы идараһы председателе, 1976—1988 йылдарҙа СССР Яҙыусылар союзы секретары. Башҡорт АССР-ының IХ, Х һәм ХI саҡырылыш Юғары Советы депутаты һәм Юғары Совет рәйесе. Ике Хеҙмәт Ҡыҙыл Байраҡ (1971, 1978) һәм Халыҡтар дуҫлығы (1984) ордендары кавалеры. Салауат Юлаев исемендәге дәүләт (1976) һәм республика комсомолының Ғәлимов Сәләм исемендәге (1969) премиялар лауреаты.
тулы исемлек
- Шафиҡов Хәниф Хәмит улы (1958—30.05.2021), йөҙөү буйынса юғары категориялы тренер. Башҡортостан һәм Татарстан Республикаларының атҡаҙанған физик культура хеҙмәткәре.
4 һәм 9 һанына тамамланған йылдарҙа тыуғандар
- Әбдрәхимов Рәйеф Рамазан улы (1969), төҙөүсе-инженер, муниципаль һәм дәүләт органдары хеҙмәткәре, йәмәғәтсе. 2018 йылдан Башҡортостан Республикаһы Хөкүмәтенең Премьер-Министр урынбаҫары, 2022 йылдан — «Башспирт» йәмғиәтенең генераль директоры. Башҡортостан Республикаһының 4-се саҡырылыш (2008—2013) Дәүләт Йыйылышы — Ҡоролтай депутаты. Рәсәй Федерацияһының (2022) һәм Башҡортостан Республикаһының атҡаҙанған төҙөүсеһе.
- Әйүпов Вадим Рәмил улы (1974), спортсы, тренер. 1995—2005 йылдарҙа фехтование буйынса Рәсәй йыйылма командаһы ағзаһы. 2006—2009 йылдарҙа рапира менән фехтование буйынса Рәсәй үҫмер спортсылар йыйылма командаһының өлкән тренеры. СССР-ҙың спорт мастеры (1990), Рәсәйҙең халыҡ-ара класлы спорт мастеры (2001). Башҡортостан Республикаһының күренекле спортсыһы (1996).
тулы исемлек
- Әһлетдинов Эдуард Феликс улы (1974), биохимик-ғалим. 1997 йылдан Башҡорт дәүләт медицина университеты уҡытыусыһы. Медицина фәндәре докторы (2011). Сығышы менән хәҙерге Башҡортостан Республикаһының Благовар районы Первомайск ауылынан.
Дөйөм исемлек
- 1880: Саша Черный (ысын исеме Александр Михайлович Гликберг), Рәсәй империяһы шағиры, яҙыусы.
- 1899: Алексей Сурков, СССР шағиры, йәмәғәт эшмәкәре, Социалистик Хеҙмәт Геройы (1969).
тулы исемлек
- 1925: Маргарет Тэтчер, 1979-1990 йылдарҙа Бөйөк Британия премьер-министры.
- 1933: Марк Заха́ров, СССР һәм Рәсәйҙең театр һәм кино режиссёры, сценарист һәм педагог, профессор. СССР-ҙың халыҡ артисы (1991).
- 1934: Саве́лий Кра́маров, СССР һәм АҠШ-тың театр һәм кино актёры, РСФСР-ҙың атҡаҙанған артисы (1974).
- 1939: Леонид Неведомский, СССР һәм Рәсәй театр һәм кино актёры, РСФСР-ҙың халыҡ артисы (1994).
- 1956: Крис Картер, АҠШ сценарисы, «Йәшерен материалдар» сериалы авторы.
- 54: Клавдий, Рим императоры.
- 1815: Иоахим Мюрат, Франция маршалы, Наполеон Бонапарттың күпселек походтарында ҡатнашыусы.
тулы исемлек
- 1882: Жозеф де Гобино, Франция социологы, расизм теорияһына нигеҙ һалыусы.
- 1928: Мария Федоровна, Рәсәй императрицаһы, Александр III ҡатыны, Николай II әсәһе.
- 1961: Золтан Корда, Англия режиссёры («Джунглиҙар китабы»).
- 1997: Рәғиҙә Янбулатова, театр актёры, шағир, драматург һәм тәржемәсе, РСФСР-ҙың атҡаҙанған (1955), Башҡорт АССР-ының халыҡ (1954) артисы.
- 2003: Бертрам Брокхауз, Канада физигы, Нобель премияһы лауреаты (1994).
- 2013: Ольга Аро́сева, СССР һәм Рәсәйҙең театр һәм кино актёры, РСФСР-ҙың халыҡ артисы (1984).
