20 июнь
20 июнь — рәсми календарь буйынса йылдың 171-се (кәбисә йылында 172-се) көнө. Йыл аҙағына тиклем 194 көн ҡала.
| ← июнь → | ||||||
| Дш | Шш | Шр | Кс | Йм | Шм | Йк |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
| 2026 йыл | ||||||
Байрамдар һәм иҫтәлекле даталар
Халыҡ-ара
БМО:
- Ҡасаҡтар көнө.
Ер:
- Wi-Fi көнө.
- Сәй һатып алыу көнө.
- Зоопарктарҙағы филдәрҙе һаҡлау көнө.
Милли
Һөнәри байрамдар
Рәсәй Федерацияһы:
- Хәрби-Диңгеҙ флотының мина-торпедо хеҙмәте белгестәре көнө.
Әзербайжан: Газ хужалығы хеҙмәткәрҙәре көнө.
Тарихи ваҡиғалар
- 1793 йыл: АҠШ-та мамыҡ таҙартыу машинаһына патент алына.
- 1840 йыл: АҠШ уйлап сығарыусыһы Сэмюэл Морзе телеграфҡа патент ала.
тулы исемлек
- 1881 йыл: Түбәнге Новгородта Рәсәй империяһындағы тәүге телефон линияһы эшләй башлай.
- 1895 йыл: Балтик һәм Төньяҡ диңгеҙҙәрен тоташтырыусы һәм оҙонлоғо 98 километр, һыу өҫтөндәге киңлеге 102 метр, тәрәнлеге 11,3 метр булған Киль каналы асыла.
- 1933 йыл: СССР-ҙың Генераль прокуратураһы ойошторола.
- 1937 йыл: Советтарҙың X Бөтә Башҡортостан съезы Башҡорт АССР-ының икенсе Конституцияһын ҡабул итә.
- 2003 йыл: Викимедиа фонды ойошторола.
Был көндә тыуғандар
- Мироненко Иван Иванович (1915—30.10.1989), архитектор, дәүләт органдары хеҙмәткәре, йәмәғәтсе. Бөйөк Ватан һуғышында ҡатнашыусы. 1962 йылдан Башҡорт АССР-ы Министрҙар Советының Төҙөлөш һәм архитектура эштәре идаралығы начальнигы; 1966—1968 йылдарҙа Башҡорт АССР-ы Архитекторҙар союзының идара рәйесе. РСФСР-ҙың атҡаҙанған архитекторы (1974). Ҡыҙыл Байраҡ (1941) һәм Ҡыҙыл Йондоҙ (1942) ордендары кавалеры. Сығышы менән Рәсәй империяһы Дон ғәскәре өлкәһенең Долотиновка утарынан.
- Сәйфуллин Шамил Шакамал улы (1920—6.12.1998), Бөйөк Ватан һуғышында ҡатнашыусы. 112-се Башҡорт кавалерия дивизияһы яугиры, гвардия өлкән сержанты. Ике Ҡыҙыл Йондоҙ ордены кавалеры.
тулы исемлек
- Бабенко Василий Яковлевич (1950), тарихсы-ғалим, педагог. 1999—2015 йылдарҙа М. А. Шолохов исемендәге Мәскәү гуманитар университетының Өфө филиалы директоры. Тарих фәндәре кандидаты (1985), доцент (2006). Башҡортостан Республикаһының атҡаҙанған халыҡ мәғарифы хеҙмәткәре (2006) һәм халыҡ мәғарифы отличнигы (2000). Йәрмәкәй районының почётлы гражданы.
- Солтанов Альберт Хан улы (1950), электр элемтәһе инженеры-ғалим. 1981 йылдан Өфө авиация институты һәм Өфө дәүләт авиация техник университеты уҡытыусыһы, шул иҫәптән 1999 йылдан телекоммуникация системалары кафедраһы мөдире, 2004 йылдан — Инфокоммуникация технологиялары институты директоры, 2022 йылдан — Өфө фән һәм технологиялар университеты уҡытыусыһы. Техник фәндәр докторы (1996), профессор (1998). Башҡортостан Республикаһының атҡаҙанған фән эшмәкәре (2002), Рәсәй Федерацияһы юғары мәктәбенең атҡаҙанған хеҙмәткәре (2016). Салауат Юлаев ордены кавалеры (2021).
- Хәсәнов Зөфәр Заһит улы (1955), иҡтисадсы, ауыл хужалығы, профсоюз, партия, муниципаль һәм дәүләт органдары хеҙмәткәре. 2000 йылдан Ҡалтасы район хакимиәте башлығының төҙөлөш буйынса урынбаҫары, 2001 йылдан — хакимиәт башлығының беренсе урынбаҫары — ауыл хужалығы идаралығы начальнигы, 2015—2019 йылдарҙа Рәсәй Федерацияһы Пенсия фондының Ҡалтасы районы буйынса идаралығы етәксеһе. Башҡортостан Республикаһының атҡаҙанған ауыл хужалығы хеҙмәткәре. Сығышы менән хәҙерге Башҡортостан Республикаһының Борай районы Таңһыҙар ауылынан.
- Саттаров Рәшит Фәнис улы (1960), хужалыҡ, дәүләт һәм муниципаль органдар хеҙмәткәре. 1999—2003 йылдарҙа Рәсәй Федерацияһының Һалым һәм йыйымдар министрлығының хәҙерге Башҡортостан Республикаһы буйынса идаралығы етәксеһе; 2008—2010 йылдарҙа Өфө ҡала хакимиәте башлығының беренсе урынбаҫары, 2010—2012 йылдарҙа Өфө районы хакимиәте башлығы. Башҡортостан Республикаһының атҡаҙанған төҙөүсеһе, Салауат Юлаев ордены кавалеры. Сығышы менән хәҙерге Башҡортостан Республикаһының Ауырғазы районы Степановка ауылынан.
- Сәлимов Мәхмүт Бакир улы (1960), хәрби хеҙмәткәр, яҙыусы, йәмәғәтсе. Отставкалағы подполковник. Осетин-ингуш низағында, чечен һуғышында ҡатнашыусы. Ростов ҡалаһы башҡорттары ҡоролтайы башҡарма комитеты рәйесе. 2014 йылдан Башҡортостан Яҙыусылар союзы ағзаһы. Салауат Юлаев ордены кавалеры (2019).
- Виноградов Илья Васильевич (1906—15.02.1978), СССР-ҙың хәрби хеҙмәткәре, генерал-лейтенант (1968). Граждандар һәм Бөйөк Ватан һуғыштарында ҡатнашыусы. Сығышы менән хәҙерге Башҡортостан Республикаһының Белорет районы Түбәнге Әүжән ауылынан.
- Суковатов Николай Иванович (1921—24.05.1992), Бөйөк Ватан һуғышында ҡатнашҡан хәрби хеҙмәткәр, гвардия подполковнигы. Советтар Союзы Геройы (1943).
тулы исемлек
- Селезнёв Юрий Акимович (1946—21.12.2025), баянсы, дирижёр, педагог. 1969 йылдан хәҙерге Заһир Исмәғилев исемендәге Өфө дәүләт сәнғәт институты уҡытыусыһы, шул иҫәптән 2008 йылдан оркестр менән дирижёрлыҡ итеү кафедраһы мөдире, бер үк ваҡытта 1993—2012 йылдарҙа Урта махсус музыка колледжы һәм Өфө сәнғәт училищеһы уҡытыусыһы, 1970—1993 йылдарҙа — хәҙерге Хөсәйен Әхмәтов исемендәге Башҡорт дәүләт филармонияһы солисы, концертмейстеры. Профессор (2009). Башҡортостан Республикаһының атҡаҙанған сәнғәт эшмәкәре (2006). «Pianello Val Tidone» халыҡ-ара конкурсы лауреаты (Пианелло Валь Тидон ҡалаһы, Италия; 2006). Сығышы менән Брянск ҡалаһынан.
- Тамара Ғәниева (1951), Башҡортостандың халыҡ шағиры (2019). Журналист-публицист, тәржемәсе. 1986 йылдан СССР Яҙыусылар союзы ағзаһы. Башҡортостан Республикаһының атҡаҙанған мәҙәниәт хеҙмәткәре (1993). Әҙәби премиялар лауреаты.
- Хәнәфина Гөлнур Шәйхетдин ҡыҙы (1961), дәүләт хеҙмәткәре. 2002 йылдан Рәсәй Пенсия фондының Башҡортостан Республикаһы буйынса бүлексәһенең идарасы урынбаҫары. Пенсия фонды отличнигы. Сығышы менән хәҙерге Башҡортостан Республикаһының Күгәрсен районынан.
- Асҡаров Рәхмәт Ғөбәйт улы (1927—4.02.1999), ауыл хужалығы хеҙмәткәре. 1943 йылдан Әбйәлил районы Ҡырҙас фермаһы, шул иҫәптән 1972—1987 йылдарҙа «Ҡырҙас» мал һимертеү совхозы малсыһы. «Почёт Билдәһе» ордены кавалеры (1976). Сығышы менән ошо ауылдан.
- Йәрмөхәмәтов Мөхәмәтша Мөхәмәтдин улы (1927—22.03.2003), хеҙмәт алдынғыһы. 1952 йылдан хәҙерге Ырымбур өлкәһенең Степан Разин исемендәге колхоз бригадиры; 1958—1985 йылдарҙа Хәйбулла районы «Хәйбулла» совхозының иҫәпсеһе, келәт мөдире, һөт-тауар фермаһы бригадиры, бригадир ярҙамсыһы. «Почёт Билдәһе» ордены кавалеры (1957). Сығышы менән ошо райондың Үрге Иҫәнгилде ауылынан.
тулы исемлек
- Зайдман Александр Яковлевич (1932), инженер-электрик. 1955 йылдан Өфөләге «Кабель» махсус конструкторлыҡ бюроһының, 1988 йылдан — «Солитон» ғилми-тикшеренеү институтының яуаплы хеҙмәткәре, шул иҫәптән 1996 йылдан — институттың генераль директоры. «Почёт Билдәһе» ордены кавалеры, СССР-ҙың почётлы радисы. Сығышы менән Румынияның Хацег ҡалаһынан.
- Заманов Нәжип Сафи улы (1937—22.01.1992), механизатор. 1960—1992 йылдарҙа Баймаҡ районы «Һәүәнәк» совхозы тракторсыһы. III дәрәжә Хеҙмәт Даны ордены кавалеры (1976), коммунистик хеҙмәт ударнигы (1972). Сығышы менән шул уҡ райондың Билал ауылынан.
- Әбдрәзәков Эльверт Рөстәмхан улы (1947), хеҙмәт ветераны. 1970 йылдан Бәләбәй «Автонормаль» заводыныңның яуаплы хеҙмәткәре, шул иҫәптән генераль директорҙың беренсе урынбаҫары; 2000—2008 йылдарҙа — Бәләбәй спирт-араҡы заводы директоры. Башҡорт АССР-ының атҡаҙанған машина эшләүсеһе. Хеҙмәт Ҡыҙыл Байраҡ, Халыҡтар Дуҫлығы һәм «Почёт Билдәһе» ордендары кавалеры. Сығышы менән хәҙерге Башҡортостан Республикаһының Бүздәк районы Шланлыкүл ауылынан.
- Казаков Юрий Васильевич (1952), педагогик хеҙмәт ветераны. 1993 йылдан Өфө ҡалаһының Советтар Союзы Геройы Н. И. Кузнецов исемендәге 105-се гимназияһы директоры. Башҡортостан Республикаһының атҡаҙанған физик культура хеҙмәткәре (1994), Рәсәйҙең халыҡ мәғарифы отличнигы (1996).
- Кәримов Азат Әхмәтхан улы (1952—26.12.2017), табип, йәмәғәтсе. 1975 йылдан Учалы район үҙәк дауаханаһы табибы, 1979 йылдан — туберкулездан дауалау диспансерының баш табибы, 1985—1994 һәм 1999—2006 йылдарҙа район үҙәк дауаханаһының баш табибы. 1994—1999 йылдарҙа Мотлаҡ медицина страховкаһы республика фондының Учалы филиалы директоры. Башҡорт АССР-ының 12-се саҡырылыш (1990—1993) Юғары Советы депутаты. Башҡортостан Республикаһының атҡаҙанған табибы, Рәсәй Федерацияһының һаулыҡ һаҡлау отличнигы.
- Халиҡова Антонида Ивановна (1957), кинотехник, йәмәғәтсе. 2006 йылдан Баймаҡ районы «Ирәндек» кинотеатры директоры. 1980—2000 йылдарҙа район кино селтәрҙәренең профсоюз комитеты рәйесе. Рәсәйҙең почётлы кинематографисы (2001). Сығышы менән ошо райондың Хисмәт ауылынан.
- Якутов Иван Степанович (1868—7.11.1907), Рәсәй империяһындағы социал-демократик хәрәкәттә ҡатнашыусы, Өфө тимер юлсыларының марксистик түңәрәге етәксеһе. Ҡалала эшсе депутаттарҙың тәүге Советын ойоштороусы һәм уның рәйесе. Сығышы менән хәҙерге Башҡортостан Республикаһы Асҡын районының Королев ауылынан.
- Ғәйетбаев Наил Әсхәт улы (1948), шағир, яҙыусы, драматург. 1981 йылдан СССР Яҙыусылар союзы ағзаһы. 2014—2016 йылдарҙа Башҡортостан Республикаһы Яҙыусылар союзы рәйесе. Рәсәй Федерацияһының атҡаҙанған мәҙәниәт хеҙмәткәре (2011). Башҡортостандың атҡаҙанған сәнғәт эшмәкәре (1993).
тулы исемлек
- Ҡаһарманов Әсғәт Кирам улы (1948), спортсы, тренер. 1975 йылдан Силәбе трактор заводы спортклубының саңғы спорты буйынса тренеры, 1981—1987 йылдарҙа «Пермьстрой» төҙөлөш тресының физкультура буйынса уҡытыусы-тренеры. Саңғыла уҙышыу буйынса СССР-ҙың спорт мастеры (1972) һәм чемпионы (1973), РСФСР халыҡтары (1977) һәм СССР профсоюздары (1977) спартакиадалары еңеүсеһе. Сығышы менән хәҙерге Башҡортостан Республикаһы Әбйәлил районының Рысҡужа ауылынан.
- Насибуллина Минзиә Биктимир ҡыҙы (1948—5.04.2021), бейеүсе, Башҡорт АССР-ының атҡаҙанған артисы (1989).
- Хәбиров Әнғәм Әғләм улы (1948), нефтсе. 1969 йылдан «Өфөнефть» нефть һәм газ сығарыу идаралығы операторы, скважиналар ремонтлау мастеры, диспетчеры. III дәрәжә Хеҙмәт Даны ордены кавалеры. Сығышы менән хәҙерге Башҡортостан Республикаһы Дүртөйлө районының Иҫке Байыш ауылынан.
- Кәримов Азат Әхмәтхан улы (1958—26.12.2017), фтизиатр-табип, йәмәғәтсе. 1985—1994 һәм 1999—2006 йылдарҙа Учалы ҡала үҙәк дауаханаһының баш табибы. Башҡорт АССР-ының 12-се саҡырылыш (1990—1993) Юғары Советы депутаты. Башҡортостан Республикаһының атҡаҙанған табибы, Рәсәйҙең һаулыҡ һаҡлау отличнигы.
- Ғәлләмов Әбүзәр Карам улы (1939—6.03.2006), инженер-механик-ғалим. 1962 йылдан Өфө нефть институты һәм Өфө дәүләт нефть техник университеты уҡытыусыһы, шул иҫәптән 1974—2006 йылдарҙа математика кафедраһы мөдире. Техник фәндәр докторы (1974), профессор (1976). РСФСР-ҙың (1982) һәм Башҡорт АССР-ының (1978) атҡаҙанған фән эшмәкәре, Рәсәй Федерацияһының почётлы юғары һөнәри белем биреү хеҙмәткәре (2004). Почёт ордены кавалеры (1998).
- Фәттәхова Фәйхүнә Фәмүтдин ҡыҙы (1944), педагог. 1965—1996 йылдарҙа Благовар һәм Тәтешле райондары мәктәптәре уҡытыусыһы. Башҡорт АССР-ының атҡаҙанған уҡытыусыһы (1987).
тулы исемлек
- Ғәлимова Ғәлиә Ғәли ҡыҙы (1949), нәшриәт хеҙмәткәре. 1992—2011 йылдарҙа хәҙерге Башҡортостандың Зәйнәб Биишева исемендәге «Китап» нәшриәтенең баш мөхәррире. Рәсәй Федерацияһының (2007) һәм Башҡортостан Республикаһының атҡаҙанған мәҙәниәт хеҙмәткәре, Булат Рафиҡов һәм Зәйнәб Биишева исемендәге әҙәби премиялар лауреаты. Сығышы менән хәҙерге Башҡортостан Республикаһының Әлшәй районы Себенле ауылынан.
- Мөхәмәтйәнов Самат Әбдрәхим улы (1949), педагог-, философ-ғалим, журналист. 1990—2005 йылдарҙа хәҙерге М. Аҡмулла исемендәге Башҡорт дәүләт педагогия университеты һәм Өфөләге 144-се гимназия уҡытыусыһы. Педагогия фәндәре кандидаты (1995), философия фәндәре докторы (2000), профессор (2002).
- Ниғмәтуллин Радик Әсхәт улы (1959—5.10.2012), хирург-ғалим. 1991 йылдан Башҡорт дәүләт медицина институты һәм Башҡорт дәүләт медицина университеты уҡытыусыһы. Медицина фәндәре докторы (1999), профессор (2002). Сығышы менән хәҙерге Башҡортостан Республикаһының Борай районы Салҡаҡ ауылынан.
- 1615 йыл: Сальватор Роза, Италия рәссамы, гравёр, шағир һәм музыкант.
- 1915 йыл: Теренс Янг, Англия кинорежиссёры, сценарист.
тулы исемлек
- 1940 йыл: Владимир Коренев, СССР һәм Рәсәйҙең театр һәм кино актёры, Рәсәй Федерацияһының халыҡ артисы (1998).
- 1943 йыл: Александра Навроцки, АҠШ-тың геофизик-ғалимы, геохимик.