8 август
8 август — григориан стиле буйынса йылдың 220-се (кәбисә йылында 221-се) көнө. Йыл аҙағына тиклем 145 көн ҡала.
| ← август → | ||||||
| Дш | Шш | Шр | Кс | Йм | Шм | Йк |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | |
| 2024 йыл | ||||||
Байрамдар һәм иҫтәлекле даталар
Халыҡ-ара
БМО:
- Альпинистар көнө.
- Офтальмология көнө.
Ер:
- Бөтә донъя бесәйҙәр көнө.
- Һыуытҡыстың «тыуған» көнө.
Милли
АҠШ: Доллар көнө.
Бутан: Бойондороҡһоҙлоҡ көнө.
Ҡытай Республикаһы: Атайҙар көнө.
Швеция: Флаг көнө.
Һөнәри
Иран: Журналистар көнө.
Украина: Ветеринарҙар көнө.
Тарихи ваҡиғалар
Был көндө тыуғандар
Башҡортостан менән бәйле шәхестәр
0 һәм 5 һанына тамамланған йылдарҙа тыуғандар
- Воробьёв Леонид Николаевич (1890—1.10.1969), тел белгесе-ғалим, филолог, профессор. 1929—1932 йылдарҙа К. А. Тимирязев исемендәге Башҡорт дәүләт педагогия институты (хәҙер Башҡорт дәүләт университеты) директоры урынбаҫары, тел ғилеме һәм әҙәбиәт кафедраһы мөдире.
- Рахманович Анисим Наумович (1905—10.03.1985), инженер-механик-ғалим. 1949—1983 йылдарҙа Өфө авиация институты уҡытыусыһы, шул иҫәптән 1958—1963 йылдарҙа авиация двигателдәре теорияһы кафедраһы мөдире. Техник фәндәр докторы (1948), профессор (1950). Сығышы менән хәҙерге Украинаның Кропивницкий ҡалаһынан.
тулы исемлек
- Лаврёнова Гөлшат Зиннәт ҡыҙы (1955), педагог, мәғариф һәм мәҙәниәт өлкәләре хеҙмәткәре. 2002—2016 йылдарҙа Әбйәлил район хакимиәтенең мәҙәниәт бүлеге етәксеһе. Башҡортостан Республикаһының атҡаҙанған уҡытыусыһы (2000) һәм мәғариф алдынғыһы (1994). Сығышы менән хәҙерге Башҡортостан Республикаһының Дыуан районы Иҫке Хәлил ауылынан.
- Фәрхетдинова Диана Руслан ҡыҙы (2000), спортсы, хоккейсы, ҡапҡа һаҡсыһы. Санкт-Петербург ҡалаһының «Динамо-Нева» ҡатын-ҡыҙҙар хоккей командаһы уйынсыһы. 2022 йылғы Ҡышҡы Олимпия уйындарында ҡатнашыусы. Спорт мастерлығына кандидат.
1 һәм 6 һанына тамамланған йылдарҙа тыуғандар
- Герасимов Иван Александрович (1921—4.06.2008), Бөйөк Ватан һуғышында, 1945 йылдағы совет-япон һуғышында ҡатнашҡан хәрби хеҙмәткәр, танкист, армия генералы (1977), йәмәғәтсе. 1938—1992 йылдарҙа СССР Ҡораллы Көстәрендә хеҙмәттә. СССР-ҙың 8—11-се саҡырылыш Юғары Советы депутаты; 2002 йылдан Украинаның халыҡ депутаты. Украина Геройы (1999). СССР-ҙың ике Ленин (1980, 1986), Октябрь Революцияһы (1986), өс Ҡыҙыл Байраҡ (1942, 1956, 1967), 1-се дәрәжә Ватан һуғышы (1985), ике Ҡыҙыл Йондоҙ (1943, 1951), 2-се (1988) һәм 3-сө (1975) дәрәжә «СССР Ҡораллы Көстәрендә Тыуған илгә хеҙмәт иткәне өсөн» ордендары кавалеры. Сығышы менән хәҙерге Башҡортостан Республикаһының Стәрлетамаҡ районы Оло Аксаков ауылынан.
- Фәрит Бикбулатов (1936—26.11.2016), йырсы, диктор, рәссам. 1968 йылдан Башҡорт АССР-ының Телевидение һәм радиотапшырыуҙар буйынса дәүләт комитеты дикторы, өлкән мөхәррире, 1989—1998 йылдарҙа «Башҡортостан» ижад клубының директоры һәм солисы. Башҡорт АССР-ының халыҡ артисы (1986). Өфө ҡалаһының почётлы гражданы (2005).
тулы исемлек
- Арыҫланов Рифхәт Мөхәмәт улы (1946), сценограф, рәссам. 1978 йылдан СССР Рәссамдар союзы ағзаһы. 1987—1990 йылдарҙа һәм 1995 йылдан Башҡорт дәүләт опера һәм балет театрының баш рәссамы, 2017 йылдан — ҡуйыусы рәссамы, бер үк ваҡытта 1978 йылдан хәҙерге Заһир Исмәғилев исемендәге Өфө дәүләт сәнғәт институты уҡытыусыһы. Рәсәй Федерацияһының (1999) һәм Башҡорт АССР-ының (1989) атҡаҙанған сәнғәт эшмәкәре, Башҡортостан Республикаһының халыҡ рәссамы (2013) һәм Салауат Юлаев исемендәге дәүләт премияһы лауреаты (2018).
- Назаров Николай Григорьевич (1946), ауыл хужалығы ветераны, хеҙмәт алдынғыһы. 1969—1992 йылдарҙа Учалы районы «Байрамғол» совхозының мал ҡараусыһы, 1990—1994 йылдарҙа — бригадиры. Хеҙмәт Даны орденының тулы кавалеры. Сығышы менән ошо райондың Вознесенка ауылынан.
- Дәүләтов Рауил Шәрифйән улы (1951), уҡытыусы, мәғариф, партия органдары, муниципаль һәм дәүләт хеҙмәте ветераны. 1979 йылдан КПСС-тың Дүртөйлө район комитеты инструкторы, ойоштороу бүлеге мөдире, 1990—1991 йылдарҙа КПСС-тың Дүртөйлө ҡала комитеты секретары; 1994—2010 йылдарҙа Дүртөйлө район хакимиәте башлығы; 2010—2015 йылдарҙа Башҡортостан Республикаһының тәбиғәттән файҙаланыу һәм экология министры урынбаҫары. Башҡортостан Республикаһының атҡаҙанған ауыл хужалығы хеҙмәткәре (1997). Почёт (2000) һәм Дуҫлыҡ (2007) ордендары кавалеры. Сығышы менән хәҙерге Башҡортостан Республикаһының Бөрө районы Яңы Яндыҙ ауылынан.
- Фәттәхов Мөхәрәм Миңлейәр улы (1956), ғалим-инженер-механик. 1978 йылдан Өфө нефть институты һәм Өфө дәүләт нефть техник университеты уҡытыусыһы, шул иҫәптән 2002 йылдан автомобиль юлдары һәм төҙөлөш производствоһы технологиялары кафедраһы мөдире, бер үк ваҡытта 2011—2015 йылдарҙа архитектура-төҙөлөш факультеты деканы. Техник фәндәр докторы (2010), профессор. Рәсәй Федерацияһының почётлы юғары һөнәри белем биреү хеҙмәткәре (2003). Сығышы менән Өфө ҡалаһынан.
2 һәм 7 һанына тамамланған йылдарҙа тыуғандар
- Круглов Григорий Михайлович (1927—26.08.2018), рәссам. Бөйөк Ватан һуғышында ҡатнашыусы. 1951—1985 йылдарҙа Башҡортостан ижади-производство комбинаты рәссамы. 1968 йылдан СССР-ҙың Рәссамдар союзы ағзаһы. Башҡортостан Республикаһының халыҡ рәссамы (1996). 2-се дәрәжә Ватан һуғышы ордены кавалеры (1985), Башҡорт АССР-ы Юғары Советы Президиумының Почёт грамотаһы менән бүләкләнеүсе (1962).
- Иванова Галина Андреевна (1932—21.07.2008), комсомол органдары һәм мәғариф хеҙмәткәре. 1956 йылдан ВЛКСМ-дың Салауат ҡала комитеты инструкторы, бүлек мөдире, секретары, 1960 йылдан — беренсе секретары; 1964 йылдан Салауат индустриаль техникумының көндөҙгө бүлек мөдире, 1974 йылдан 18-се мәктәп директорының уҡыу-тәрбиә эштәре буйынса урынбаҫары, 1981—2006 йылдарҙа 8-се лицей директоры. Башҡорт АССР-ы мәктәбенең атҡаҙанған уҡытыусыһы (1985), РСФСР-ҙың халыҡ мәғарифы отличнигы, Салауат ҡалаһының почётлы гражданы (1998). Сығышы менән Мәскәү ҡалаһынан.
тулы исемлек
- Бәхтиев Индус Мәғәфүр улы (1937), зоотехник. 1974—2002 йылдарҙа Краснокама районы «1 Май» колхозы рәйесе. Башҡортостан Республикаһының атҡаҙанған ауыл хужалығы хеҙмәткәре (1993), Башҡорт АССР-ы Юғары Советы Президиумының (1987) һәм Башҡортостан Республикаһының (1997) Почёт грамоталары менән бүләкләнеүсе. Халыҡтар Дуҫлығы ордены кавалеры (1986), райондың почётлы гражданы (2005).
- Мәғәфүрова Флүрә Фаат ҡыҙы (1952), ғалим-селекционер. 1976 йылдан Башҡортостан ауыл хужалығы ғилми-тикшеренеү институтының ғилми хеҙмәткәре, 1999 йылдан — өлкән ғилми хеҙмәткәр, 2012 йылдан — лаборатория мөдире. Ауыл хужалығы фәндәре кандидаты (2006).
- Косарев Михаил Николаевич (1957), ғалим-урмансы. 1981 йылдан «Шүлгәнташ» дәүләт тәбиғәт ҡурсаулығы хеҙмәткәре, 1993 йылдан — директоры. Ауыл хужалығы фәндәре кандидаты (2000). Рәсәй Федерацияһының атҡаҙанған экологы (2018), Башҡортостан Республикаһының атҡаҙанған урмансыһы.
- Ғарипова Ленария Даһи ҡыҙы (1962), һаулыҡ һаҡлау өлкәһе хеҙмәткәре, шәфҡәт туташы. 1980 йылдан Һаулыҡ һаҡлау министрлығының 1-се дауаханаһы, 1998 йылдан — 2-се Республика клиник дауаханыһының Психоневрология һәм эпилептология балалар үҙәге, 2004 йылдан — Республика балалар клиник дауаханаының шәфҡәт туташы. Башҡортостан Республикаһының атҡаҙанған һаулыҡ һаҡлау хеҙмәткәре (2005). Сығышы менән хәҙерге Башҡортостан Республикаһының Дүртөйлө районы Гөлөк ауылынан.
- Хаматшин Тимур Зәбир улы (1982), инвалид спортсы. 2009 йылдан инвалид арбаһында фехтование буйынса Рәсәйҙең паралимпия йыйылма командаһы ағзаһы. Терәк-хәрәкәт аппараттары зарарлағандар араһында Рәсәйҙең спорт мастеры (2010). Донъя кубогы призёры, донъя, Европа һәм Рәсәй чемпионаттарының күп тапҡырҙыр еңеүсеһе һәм призёры. Башҡортостан Республикаһының Почёт грамотаһы менән бүләкләнеүсе (2012). Сығышы менән хәҙерге Башҡортостан Республикаһының Кушнаренко районы Шыршы-Тартыш ауылынан.
3 һәм 8 һанына тамамланған йылдарҙа тыуғандар
- Мельников Борис Васильевич (1923—6.12.1951), Бөйөк Ватан һуғышында ҡатнашҡан хәрби осоусы, эскадрилья командиры урынбаҫары, гвардия капитаны (1947). Советтар Союзы Геройы (1945). Сығышы менән хәҙерге Томск ҡалаһынан. Бала сағынан Өфөлә йәшәй.
- Ибәтуллин Ғәйнулла Хәлиулла улы (1943), ауыл хужалығы хеҙмәткәре. Стәрлетамаҡ районының элекке «Йондоҙ» колхозы бригадиры. Башҡорт АССР-ының атҡаҙанған ауыл хужалығы хеҙмәткәре, Хеҙмәт Ҡыҙыл Байраҡ һәм «Почёт Билдәһе» ордендары кавалеры. Сығышы менән ошо райондың Талас ауылынан.
тулы исемлек
- Буланкин Дмитрий Александрович (1978), спортсы. Боҙҙа мотоуҙыш буйынса Рәсәйҙең халыҡ-ара класлы спорт мастеры (2003) һәм атҡаҙанған спорт мастеры (2010). Ғабдрахман Ҡадиров исемендәге спорт клубы өсөн 2000 йылдан башлап сығыш яһай. 2002 йылдан Рәсәй йыйылма командаһы ағзаһы. Салауат Юлаев ордены кавалеры (2004).
4 һәм 9 һанына тамамланған йылдарҙа тыуғандар
- Чулошников Александр Петрович (1894—1941), тарихсы-ғалим. 1921—1931 йылдарҙа Санкт-Петербург дәүләт университеты уҡытыусыһы, бер үк ваҡытта 1921 йылдан Тау институты, Петроград университетының тарих-ғилми тикшеренеүҙәр институты, 1923 йылдан алып — РСФСР-ҙың Үҙәк архивы, 1930 йылдан Тарих-археография институтының ғилми хеҙмәткәре, 1936 йылдан — СССР Фәндәр академияһы Тарих институтының Ленинград бүлексәһенең өлкән ғилми хеҙмәткәре. Ҡаҙағстан, Урта Азия һәм Башҡортостан тарихы буйынса белгес. Тарих фәндәре кандидаты (1935).
- Маньшин Василий Петрович (1924—18.04.1945), Бөйөк Ватан һуғышында һәләк булған яугир, уҡсылар дивизияһы артиллерия полкының орудие расчёты командиры, гвардия старшинаһы. Дан орденының тулы кавалеры. Сығышы менән хәҙерге Башҡортостан Республикаһының Бишбүләк районы Шкапов ауылынан.
тулы исемлек
- Шамаев Әмир Ғабдрахман улы (1929—25.03.2017), табип-терапевт-ғалим, йәмәғәтсе. 1977 йылдан Башҡорт дәүләт медицина институты уҡытыусыһы, 1985 йылдан Өфөләге 21-се ҡала клиник дауаханаһының, 1987 йылдан Республика кардиология диспансерының баш табибы, 1999 йылдан Башҡортостан Республикаһы Һаулыҡ һаҡлау министрлығы ҡарамағындағы Республика лицензия-аккредитациялау комиссияһы рәйесе. Медицина фәндәре докторы (1998), профессор (1998). Рәсәй Федерацияһының (1998) һәм Башҡорт АССР-ының (1989) атҡаҙанған табибы. Ике «Почёт билдәһе» һәм Гиппократ ордены кавалеры. Мәләүез районының почётлы гражданы.
- Шаһиәхмәтова Светлана Георгиевна (1939), композитор, педагог. 1964 йылдан Өфө сәнғәт училищеһы уҡытыусыһы, бер үк ваҡытта 1967—1972 йылдарҙа Башҡорт АССР‑ы Композиторҙар союзының яуаплы секретары. Башҡортостан Республикаһының атҡаҙанған сәнғәт эшмәкәре (2011), Башҡорт АССР‑ының атҡаҙанған уҡытыусыһы (1977). Сығышы менән Өфө ҡалаһынан.
- Жернаков Владимир Сергеевич (1944), инженер-механик-ғалим. 1967 йылдан Өфө авиация институтының ғилми хеҙмәткәре һәм уҡытыусыһы, 1993—2003 йылдарҙа Өфө дәүләт авиация техник университетының фән буйынса проректоры. Башҡортостан Фәндәр академияһы академигы (2018), техник фәндәр докторы (1992), профессор (1993). Рәсәй Федерацияһының атҡаҙанған фән эшмәкәре (1999), Башҡортостан Республикаһының атҡаҙанған машиналар эшләүсеһе (1992), Рәсәйҙең почётлы юғары һөнәри белем биреү хеҙмәткәре (2007), СССР-ҙың уйлап табыусыһы (1985). Сығышы менән Дәүләкән ҡалаһынан.
- Добрынин Андрей Викторович (1969), эшсе. Благовещен арматура заводы слесаре. Башҡортостан Республикаһының атҡаҙанған машина эшләүсеһе (2022).
- Күлбаев Мөсәлим Георгий улы (1969), режиссёр. 1999—2010 йылдарҙа һәм 2011 йылдан Башҡортостан Республикаһының Мостай Кәрим исемендәге Милли йәштәр театры урыҫ труппаһының баш режиссёры, бер үк ваҡытта 2012 йылдан — театрҙың художество етәксеһе. Башҡортостан Республикаһының атҡаҙанған сәнғәт эшмәкәре (2011) һәм Шәйехзада Бабич исемендәге йәштәр дәүләт премияһы лауреаты (2005).
- Искәндәр Ғәзизов (1984), йырсы. 2010 йылдан Хөсәйен Әхмәтов исемендәге Башҡорт дәүләт филармонияһы солисы, Башҡортостан Республикаһының атҡаҙанған артисы (2022).
Дөйөм исемлек
- 1790: Ференц Кёльчеи, Венгрияның романтик шағиры, дәүләттең милли гимнының һүҙҙәр авторы.
- 1930: Арунас Жебрюнас, СССР һәм Литва кинорежиссёры, сценарист.
тулы исемлек
Был көндө вафат булғандар
Йыл көндәре
