28 июнь
28 июнь — рәсми календарь буйынса йылдың 179-сы (кәбисә йылында 180-се) көнө. Йыл аҙағына тиклем 186 көн ҡала.
| ← июнь → | ||||||
| Дш | Шш | Шр | Кс | Йм | Шм | Йк |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
| 2025 йыл | ||||||
Байрамдар һәм иҫтәлекле даталар
Ер:
- Социаль бизнес көнө.
Рәсәй Федерацияһы:
- Адыгей Республикаһының Дәүләт суверенететы тураһында декларация көнө.
- Суд эксперттары көнө.
- Рәсәй Юстиция министрлығы хөкүм башҡарыу системаһының һаҡ хеҙмәткәрҙәре көнө.
- Букмекерҙар көнө.
Милли
АҠШ: Логистика көнө.
- Страховкалау көнө.
Вьетнам: Ғаилә көнө.
Польша: Милли хәтер көнө.
Украина: Конституция көнө.
Һөнәри байрамдар
Ҡаҙағстан: Элемтә һәм матбуғат хеҙмәткәрҙәре көнө.
- 1779: Мәскәүҙә һыу үткәргес төҙөү тураһында указ баҫылып сыға.
- 1865: Александр II указы менән Рәсәй империяһының Тимер юлы эштәре министрлығы ойошторола.
тулы исемлек
Башҡортостан менән бәйле шәхестәр
0 һәм 5 һанына тамамланған йылдарҙа тыуғандар
- Сәғитов Хәкимйән Әбделғәни улы (1935—6.05.2013), театр артисы, 1959—1995 йылдарҙа Мәжит Ғафури исемендәге Башҡорт дәүләт академия драма театры актёры. СССР Театр эшмәкәрҙәре союзы ағзаһы. Башҡорт АССР-ының атҡаҙанған мәҙәниәт хеҙмәткәре.
- Иванова Эвилина Алексеевна (1940), биохимик-ғалим. 1966—1972 һәм 1979—1981 йылдарҙа Башҡорт дәүләт медицина институты уҡытыусыһы, 1981 йылдан хәҙерге Рәсәй Фәндәр академияһы Өфө федераль тикшеренеүҙәр үҙәгенең Биология институты хеҙмәткәре, 1998 йылдан — төп, 2000 йылдан — баш ғилми хеҙмәткәр. Биология фәндәре докторы (1997). Сығышы менән Өфө ҡалаһынан.
тулы исемлек
- Мөхәмәтшин Фәһим Баязит улы (1955), юрист-ғалим, юғары мәктәп һәм эске эштәр органдары хеҙмәткәре, йәмәғәтсе. 2003—2017 йылдарҙа Рәсәй Эске эштәр министрлығының Өфө юридик институты начальнигы. 2010 йылдан «Рәсәй юристар ассоцияцияһы» Дөйөм Рәсәй йәмәғәт ойошмаһының Башҡортостан төбәк бүлексәһе рәйесе. Юридик фәндәр докторы (2005), профессор (2005). Полиция генерал-майоры (2004). Башҡортостан Республикаһының атҡаҙанған юрисы (1999), Салауат Юлаев ордены кавалеры (2015).
- Вилданова Гүзәл Булат ҡыҙы (1975), философ-ғалим. 1999 йылдан Башҡорт дәүләт университеты уҡытыусыһы. Философия фәндәре докторы (2009), доцент (2013).
- Ләйсән Үтәшева (1985), Рәсәй спортсыһы һәм телевидение тапшырыуҙарын алып барыусы. Художестволы гимнастика буйынса атҡаҙанған спорт мастеры, команда иҫәбендә донъя һәм ике тапҡыр Европа чемпионы; халыҡ-ара спорт комментаторы.
1 һәм 6 һанына тамамланған йылдарҙа тыуғандар
- Харитонов Константин Петрович (1881—1942), земство эшмәкәре, хоҡуҡ органдары хеҙмәткәре. Өфө губернаһынан Рәсәй империяһының өсөнсө саҡырылыш (1907—1912) Дәүләт Думаһы депутаты.
- Копылов Павел Иванович (1921—11.06.1999), Бөйөк Ватан һуғышында ҡатнашыусы, подполковник. Гвардия кавалерия дивизияһының танк взводы командиры. Советтар Союзы Геройы (1945).
тулы исемлек
- Әхтәмов Ислам Әхтәм улы (1921— ?), Бөйөк Ватан һуғышында ҡатнашҡан хәрби хеҙмәткәр, 112-се Башҡорт кавалерия дивизияһы яугиры, майор. Ҡыҙыл Байраҡ, I һәм II дәрәжә Ватан һуғышы, Ҡыҙыл Йондоҙ ордендары кавалеры.
- Ситдиҡов Фәнил Ситдиҡ улы (1936—09.1995), хужалыҡ, совет һәм партия органдары эшмәкәре. 1975 йылдан Илеш район Советы башҡарма комитеты рәйесе, 1982—1991 йылдарҙа КПСС-тың Борай район комитетының беренсе секретары. Башҡорт АССР-ының бер нисә саҡырылыш Юғары Советы депутаты. Хеҙмәт Ҡыҙыл Байраҡ (1977) һәм «Почёт Билдәһе» (1973) ордендары кавалеры. Сығышы менән хәҙерге Башҡортостан Республикаһының Илеш районы Иҫке Дөмәй ауылынан.
- Кәримова Зинаида Фёдоровна (1941), муниципаль орган хеҙмәткәре. 1983—1998 йылдарҙа Салауат ҡала Советы башҡарма комитеты рәйесе урынбаҫары, 1998—2005 йылдарҙа ҡала хакимиәте ҡарамағындағы Тауар етештереүселәр советы рәйесе. 1980—1995 йылдарҙа ҡала Советы депутаты. Башҡортостан Республикаһының атҡаҙанған иҡтисадсыһы (1995). Ҡаланың почётлы гражданы (2008). Сығышы менән хәҙерге Пенза өлкәһенең Каменка ҡалаһынан.
- Низаметдинов Мөнәүис Зөфәр улы (ижади псевдонимы Мөнәүис Низами; 1961), уҡытыусы, журналист, шағир. «Нурлы Илеш» гәзите мөхәррире. Рәсәйҙең һәм Башҡортостандың Журналистар союздары ағзаһы. Сығышы менән хәҙерге Башҡортостан Республикаһының Илеш районы Үрнәк ауылынан.
2 һәм 7 һанына тамамланған йылдарҙа тыуғандар
- Кирәй Мәргән (1912—24.01.1984), журналист, ғалим-фольклорсы, әҙәбиәт белгесе, яҙыусы. Бөйөк Ватан һуғышында ҡатнашыусы. 1946 йылдан хәҙерге Рәсәй Фәндәр академияһы Өфө федераль тикшеренеүҙәр үҙәгенең Тарих, тел һәм әҙәбиәт институтының ғилми хеҙмәткәре, 1954 йылдан — сектор мөдире; 1965—1984 йылдарҙа Башҡорт дәүләт университеты уҡытыусыһы, шул иҫәптән 1969—1982 йылдарҙа башҡорт әҙәбиәте һәм фольклоры кафедраһы мөдире. Филология фәндәре докторы (1963), профессор (1965). «Почёт Билдәһе» ордены кавалеры (1955).
- Рәшит Йыһанов (1952), композитор, педагог, йәмәғәтсе. 1989 йылдан СССР Композиторҙар союзы ағзаһы. 1977—2012 йылдарҙа хәҙерге Заһир Исмәғилев исемендәге Өфө дәүләт сәнғәт институты уҡытыусыһы, шул иҫәптән 1995—2001 йылдарҙа композиция кафедраһы мөдире. 1992—1995 йылдарҙа Рәсәй Композиторҙар союзы Музыка фондының Башҡортостан бүлексәһе директоры, 1992—2000 йылдарҙа Башҡортостан Республикаһы Композиторҙар союзы рәйесе урынбаҫары. Профессор (1997). Рәсәй Федерацияһының (2008) һәм Башҡорт АССР-ының (1990) атҡаҙанған сәнғәт эшмәкәре.
3 һәм 8 һанына тамамланған йылдарҙа тыуғандар
- Мифтәхетдинов Нурхәниф Шәһәбутдин улы (1928), агроном, комсомол органдары һәм ауыл хужалығы хеҙмәткәре, тыуған яҡты өйрәнеүсе, үҙешмәкәр сәнғәттә ҡатнашыусы, йәмәғәтсе. 1952—1954 йылдарҙа ВЛКСМ-дың Дүртөйлө район комитетының ойоштороу бүлеге мөдире; 1957 йылдан Карл Маркс исемендәге колхоз агрономы, баш агрономы, 1985—1988 йылдарҙа — рәйес урынбаҫары; 1969—1985 йылдарҙа Ленин исемендәге колхоз рәйесе. 1988—2018 йылдарҙа Тәкәрлек ауылы ветерандар советы рәйесе; 1996—2002 йылдарҙа ветерандарҙың «Беҙ ҡабыҙған уттар» хоры етәксеһе. Башҡорт АССР-ының атҡаҙанған агрономы (1967) һәм Юғары Советы Президиумының Почёт грамотаһы менән бүләкләнеүсе (1967), Хеҙмәт Ҡыҙыл Байраҡ (1879) һәм ике «Почёт Билдәһе» (1967, 1972) ордены кавалеры. Сығышы менән ошо райондың Иҫке Солтанбәк ауылынан.
- Кознов Александр Вячеславович (1963—20.12.2009), СССР һәм Рәсәйҙең театр һәм кино актёры. 1990 йылдан Мәскәүҙәге Евгений Вахтангов исемендәге дәүләт академия театры артисы. Сығышы менән Өфө ҡалаһынан.
4 һәм 9 һанына тамамланған йылдарҙа тыуғандар
- Буранбаев Вара Бәшәр улы (1924—04.2015), мәғариф, матбуғат, партия һәм дәүләт органдары хеҙмәткәре, тыуған яҡты өйрәнеүсе. Бөйөк Ватан һуғышында ҡатнашыусы. II дәрәжә Ватан һуғышы (1985) һәм «Почёт Билдәһе» (1967) ордендары кавалеры. Баймаҡ районының Сәғит Мифтахов (1990) һәм Батыр Вәлид (2000) исемендәге әҙәби премиялары лауреаты. Баймаҡ ҡалаһының һәм Баймаҡ районының почётлы гражданы (1998).
- Туҡаев Нуран Хөснөлхаҡ улы (1949), малсы. Көйөргәҙе районы Киров исемендәге ауыл хужалығы кооперативының элекке малсыһы. Башҡортостан Республикаһының атҡаҙанған ауыл хужалығы хеҙмәткәре (2003). Сығышы менән ошо райондың Иҫке Мораптал ауылынан.
- Ринат Камал (1954), журналист, яҙыусы. 1991—2016 йылдарҙа «Ағиҙел» журналының һәм «Китап» нәшриәтенең бүлек мөдире. 1992 йылдан Башҡортостан Яҙыусылар союзы ағзаһы. Башҡортостан Республикаһының халыҡ яҙыусыһы (2022) һәм атҡаҙанған мәҙәниәт хеҙмәткәре (1998). Салауат Юлаев исемендәге дәүләт премияһы (2010) һәм Мәсетле районының Рәшит Әхтәри исемендәге әҙәби премияһы лауреаты (2002).
Дөйөм исемлек
- 1577: Питер Пауль Рубенс, Нидерланд рәссамы, барокко сәнғәтенә нигеҙ һалыусы.
- 1712: Жан-Жак Руссо, Францияның мәғрифәтселек дәүере философы, яҙыусы.
тулы исемлек
- 1860: Сергей Платонов, Рәсәй империяһы һәм СССР-ҙың тарихсы ғалимы.
- 1930: Николай Каретников, СССР һәм Рәсәй композиторы, авангардист.
- 1940: Мөхәммәт Юныс, Бангладеш банкиры, Нобель премияһы лауреаты.
- 1940: Павел Финн, СССР киносценарисы, актёр, РСФСР-ҙың атҡаҙанған сәнғәт эшмәкәре (1991).
- 1945: Розалина Шәһиева, СССР һәм Рәсәйҙең сәнғәт белгесе, шағир, тәржемәсе һәм рәссам. Татарстандың атҡаҙанған сәнғәт эшмәкәре (1993) һәм Ғабдулла Туҡай исемендәге дәүләт премияһы лауреаты (2017).
- 1955: Николай Зимятов, СССР спортсыһы, саңғысы, дүрт тапҡыр олимпия чемпионы.
