15 июнь
15 июнь — рәсми календарь буйынса йылдың 166-сы (кәбисә йылында 167-се) көнө. Йыл аҙағына тиклем 199 көн ҡала.
| ← июнь → | ||||||
| Дш | Шш | Шр | Кс | Йм | Шм | Йк |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
| 2025 йыл | ||||||
Байрамдар һәм иҫтәлекле даталар
Халыҡ-ара
БМО:
- Оло йәштәгеләр менән мөнәсәбәттә баш-баштаҡлыҡ күрһәтеү тураһында бөтә донъя мәғлүмәт таратыу көнө.
- Бөтә донъя ел көнө.
Ер:
- Йәйәү йөрөү көнө.
- Иғәнә (хәйер-саҙаҡа) биреү көнө.
Милли
АҠШ: Электр көнө.
Коста-Рика: Ағас ултыртыу көнө.
Корея республикаһы: Ауыл хужалығы көнө.
СССР: Юннаттар ойошмаһы төҙөлгән көн.
Әзербайжан: Милли ҡотҡарыу көнө.
Әрмәнстан: Флаг көнө.
.svg){kind=small}
Һөнәри байрамдар
Италия: Инженерҙар көнө.
Ҡырғыҙстан: Янғын һүндереүселәр көнө.- Әрмәнстан
Беларусь 
Ҡаҙағстан 
Молдова
Рәсәй Федерацияһы: Медицина хеҙмәткәрҙәре көнө (июндең өсөнсө йәкшәмбеһе).
- 1844 йыл: Резинаны вулканлаштырып йәбештереүгә патент алына.
- 1911 йыл: АҠШ-та IBM компанияһы ойошторола.
тулы исемлек
- 1918 йыл: Мәскәүҙә Йәш натуралистарҙың үҙәк биостанцияһы (Йәш тәбиғәт яратыусылар станцияһы) ойошторола.
- 1931 йыл: ВКП (б)-ның Башҡортостан өлкә комитеты бюроһы Өфөлә финанс-иҡтисад техникумын (бөгөн Рәсәй Федерацияһы Хөкүмәте ҡарамағындағы Финанс университеты филиалы) асыу тураһында ҡарар ҡабул итә.
- 1954 йыл: Швейцарияла Европа футбол ассоциациялары союзы (УЕФА) ойошторола.
- 1973 йыл: Ишембай эксперименталь-механика заводы эшләй башлай.
- 2001 йыл: Шанхай хеҙмәттәшлек ойошмаһы төҙөлә.
Башҡортостан менән бәйле шәхестәр
0 һәм 5 һанына тамамланған йылдарҙа тыуғандар
- Нагаев Ғүмәр Ғибәт улы (1915—17.08.2005), ауыл хужалығы хеҙмәткәре, механизатор, колхоз рәйесе. Бөйөк Ватан һуғышында ҡатнашыусы, гвардия старшинаһы. 112-се Башҡорт кавалерия дивизияһының взвод командиры. Ике Ҡыҙыл Йондоҙ (1943), (1945), 1-cе (1989) һәм 2-се (1985) дәрәжә Ватан һуғышы ордендары кавалеры.
- Рахманов Тәлғәт Лотфулла улы (1920—24.08.2010), агроном, ауыл хужалығы һәм партия органдары хеҙмәткәре, йәмәғәтсе. 1962—1987 йылдарҙа КПСС-тың Илеш район комитетының беренсе секретары. КПСС-тың XXII—XXVI съездары делегаты, РСФСР-ҙың 9–11 саҡырылыш Юғары Советы депутаты. Социалистик Хеҙмәт Геройы (1966), Башҡорт АССР-ының атҡаҙанған агрономы. Илеш районының почётлы гражданы. Сығышы менән Абдулла ауылынан.
- Нур Зарипов (1925—6.09.1997), фольклорсы-ғалим, әҙәбиәт белгесе. Бөйөк Ватан һуғышында ҡатнашыусы. 1957—1959 йылдарҙа һәм 1964 йылдан СССР Фәндәр академияһы Башҡортостан филиалының Тарих, тел һәм әҙәбиәт институты хеҙмәткәре, шул иҫәптән 1967—1969 йылдарҙа бүлек мөдире. 1971 йылдан СССР Яҙыусылар союзы ағзаһы. Филология фәндәре кандидаты (1964). Башҡорт АССР-ының атҡаҙанған фән эшмәкәре (1982) һәм Салауат Юлаев исемендәге дәүләт премияһы лауреаты (1987). II дәрәжә Ватан һуғышы ордены кавалеры (1985).
тулы исемлек
- Мырҙаҡаев Фәрүәз Ғиниәт улы (1935—14.06.1995), гигиенист-токсиколог-ғалим. 1963 йылдан Өфө гигиена һәм һөнәри ауырыуҙар ғилми-тикшеренеү институтының өлкән ғилми хеҙмәткәре, 1969 йылдан — лаборатория мөдире, 1975—1983 йылдарҙа — директорҙың фән буйынса урынбаҫары; бер үк ваҡытта 1981 йылдан Башҡорт дәүләт медицина институты уҡытыусыһы, шул иҫәптән 1983 йылдан — балалар һәм үҫмерҙәр гигиенаһы курсы менән коммуналь гигиена кафедраһы, 1990—1991 йылдарҙа — токсикология, профпатология, хеҙмәт һәм тирә яҡ мөхит гигиенаһы кафедраһы мөдире. Медицина фәндәре докторы (1974), профессор (1984). Башҡорт АССР-ының атҡаҙанған фән эшмәкәре (1986), СССР-ҙың һаулыҡ һаҡлау отличнигы (1969).
- Түлебаев Зәйнетдин Минәүетдин улы (1935—2007), ауыл хужалығы хеҙмәткәре. Хәйбулла районының элекке механизаторы. Хеҙмәт Ҡыҙыл Байраҡ һәм III дәрәжә Хеҙмәт Даны ордендары кавалеры.
- Лощенкова Римма Хәлиулла ҡыҙы (1955), педагог-методист-ғалим. 1981 йылдан хәҙерге Заһир Исмәғилев исемендәге Өфө дәүләт сәнғәт институты уҡытыусыһы. Философия фәндәре кандидаты (2010), профессор (2011). Башҡортостан Республикаһының атҡаҙанған сәнғәт эшмәкәре (2001). 1990 йылдан СССР Театр эшмәкәрҙәре союзы ағзаһы. «Халыҡ ижады — Рәсәй профсоюздарының 100 йыллығына» Бөтә Рәсәй фестивале лауреаты (Өфө, 2005).
- Нәсибуллин Рәсим Мөхлис улы (1960), рәссам, график. 1998 йылдан Рәсәй Рәссамдар союзы ағзаһы. 1982 йылдан республика, төбәк һәм ил кимәлендәге күргәҙмәләрҙә ҡатнашыусы. Башҡортостан Республикаһының атҡаҙанған рәссамы (2008).
- Әхмәрова Лариса Фёдоровна (1965), иҡтисадсы. Өфө ҡалаһы ҡала округының Инвестиция-төҙөлөш комитетының инвестиция-аналитика бүлегенең әйҙәүсе иҡтисадсыһы. Башҡортостан Республикаһының Почёт грамотаһы менән бүләкләнеүсе.
1 һәм 6 һанына тамамланған йылдарҙа тыуғандар
- Копылов Василий Данилович (1921—1.04.1966), Бөйөк Ватан һуғышында ҡатнашыусы, танк бригадаһының мотоуҡсылар отделениеһы командиры, сержант. Советтар Союзы Геройы (1944).
- Ямалетдинов Сәғҙи Сәләх улы (1921—2005), Бөйөк Ватан һуғышында ҡатнашыусы, артиллерия бригадаһының отделение командиры, сержант. 1945 йылдың 30 апрелендә 13 сәғәт 20 минутта рейхстаг бинаһына беренсе булып Ҡыҙыл байраҡ элеүсе. Был батырлығы өсөн Ҡыҙыл Байраҡ орденын алыусы, тағы ла II дәрәжә Ватан һуғышы һәм Ҡыҙыл Йондоҙ ордендары кавалеры. Сығышы менән хәҙерге Башҡортостан Республикаһының Илеш районы Һеңрән ауылынан.
тулы исемлек
- Әйүпова Фәүзиә Вәлиулла ҡыҙы (1926—?), табип-терапевт, һаулыҡ һаҡлау өлкәһе хеҙмәткәре. 1962 йылдан Хәйбулла үҙәк район дауаханаһының баш табибы, 1965 йылдан Мәләүез үҙәк район дауаханаһы баш табибының дауалау эштәре буйынса урынбаҫары, 1973 йылдан Башҡорт АССР-ы Һаулыҡ һаҡлау министрлығының өлкән инспекторы, 1988—1995 йылдарҙа табип-статистигы. СССР-ҙың һаулыҡ һаҡлау отличнигы (1976), «Почёт Билдәһе» ордены кавалеры (1981). Сығышы менән Иркутск ҡалаһынан.
- Мөҡминов Рәйес Әғзәметдин улы (1941—15.05.2004), ғалим-тау инженеры.1963 йылдан Өфө нефть институты уҡытыусыһы, шул иҫәптән 1972—1984 йылдарҙа хеҙмәтте һәм тирә-яҡ мөхитте һаҡлау кафедрһы мөдире. Техник фәндәр докторы (1987), профессор (1988). Башҡортостан Республикаһының атҡаҙанған халыҡ мәғарифы хеҙмәткәре (1998), СССР-ҙың юғары мәктәбе отличнигы (1976) һәм уйлап табыусыһы (1985). Сығышы менән хәҙерге Башҡортостан Республикаһының Благовар районы Ҡашҡалаша ауылынан.
- Нуриев Марс Ғималетдин улы (1941—16.01.2024), уҡытыусы, яҙыусы, шағир һәм публицист. 2010 йылдан Рәсәйҙең һәм Башҡортостандың Яҙыусылар союздары ағзаһы. Халыҡ-ара әҙәби премия лауреаты.
- Әбделмәнов Илшат Ғаяз улы (1941—25.07.2007), ғалим-тау инженеры. 1976—1990 йылдарҙа Мәскәү геология-разведка институтының өлкән ғилми хеҙмәткәре, лаборатория мөдире, 1990—1991 йылдарҙа һәм 1994 йылдан «Экогеоцентр» ғилми-производство үҙәге директоры, бер үк ваҡытта «Металинк» яуаплылығы сикләнгән йәмғиәте директоры. Техник фәндәр докторы (1995), профессор (1995).
- Миһранов Фәнир Ғилметдин улы (1951), мәҙәниәт өлкәһе ветераны, музыкант. 1968—2016 йылдарҙа Миәкә районы Садовый ауыл мәҙәниәт йорто директоры. Башҡортостандың атҡаҙанған мәҙәниәт хеҙмәткәре.
- Ғәлиев Радик Гәрәй улы (1956), ғалим-стоматолог. Медицина фәндәре докторы, профессор (2004). 1987 йылдан Башҡорт дәүләт медицина институты һәм Башҡорт дәүләт медицина университеты уҡытыусыһы. Сығышы менән хәҙерге Башҡортостан Республикаһының Миәкә районы Яңы Ишле ауылынан.
- Иманғолов Айҙар Әҙһәм улы (1956), хужалыҡ һәм йәмәғәт эшмәкәре. 2000 йылдан «Октябрьсккоммунводоканал» муниципаль унитар предприятиеһы директоры. 2011 йылдан — Октябрьский ҡала Советы рәйесе. Башҡортостан Республикаһы хеҙмәтләндереү тармағынның атҡаҙанған хеҙмәткәре (2006). Сығышы менән ошо ҡаланан.
- Ҡаҙыева Розалия Мәүләүи ҡыҙы (1956), педагогик хеҙмәт ветераны. 1977—2012 йылдарҙа Мәсетле районы Яңы Мөслим урта мәктәбе уҡытыусыһы. РСФСР мәктәбенең халыҡ мәғарифы отличнигы (1992). Рәсәй Федерацияһының «Мәғариф» өҫтөнлөклө милли проекты буйынса үткәрелгән «Рәсәйҙең иң яҡшы уҡытыусылары» конкурсы еңеүсеһе (2008). Сығышы менән ошо райондың Абдулла ауылынан.
- Хафизов Фәнил Шамил улы (1956), ғалим-химик-технолог. 1987 йылдан Өфө нефть институты һәм Өфө дәүләт нефть техник университеты уҡытыусыһы, 2007 йылдан янғын һәм сәнәғәт хәүефһеҙлеге кафедраһы мөдире. Техник фәндәр докторы (1997), профессор (2001). Башҡортостан Республикаһының атҡаҙанған уйлап сығарыусыһы (2002). Сығышы менән Приют ҡасабаһынан.
- Мөслимова Әлфиә Рәшит ҡыҙы (1961), ғалим-гинеколог. 2003 йылдан Республика клиник перинаталь үҙәгенең Ғаиләне планлаштырыу һәм репродукция үҙәге мөдире. Медицина фәндәре кандидаты (2000). Сығышы менән хәҙерге Башҡортостан Республикаһының Баҡалы районы Баҡалы ауылынан.
2 һәм 7 һанына тамамланған йылдарҙа тыуғандар
- Ищериков Пётр Федорович (1892—5.09.1961), тарихсы, археолог, крайҙы өйрәнеүсе, 1945-1958 йылдарҙа СССР Фәндәр Академияһының Башҡортостан филиалы Тарих, тел һәм әҙәбиәт институтының ғилми хеҙмәткәре. Беренсе донъя, Граждандар һәм Бөйөк Ватан һуғыштарында ҡатнашыусы.
- Шамун Фидаи (1902—06.1920), башҡорт шағиры, журналист, комсомол органдары хеҙмәткәре. Граждандар һуғышында ҡатнашыусы.
тулы исемлек
- Ғата Сөләймәнов (1912—25.06.1988), башҡорт йырсыһы, ҡурайсы һәм актёр. РСФСР-ҙың атҡаҙанған мәҙәниәт хеҙмәткәре (1978), Башҡорт АССР-ының атҡаҙанған (1953) һәм халыҡ (1963) артисы. Салауат Юлаев исемендәге дәүләт премияһы лауреаты (1971).
- Төхвәт Аслаев (1922—28.10.1995), педагог-методист, башҡорт теле белгесе, дәреслектәр һәм методик ҡулланмалар авторы, профессор (1995), педагогия фәндәре кандидаты (1969), Хеҙмәт Ҡыҙыл Байраҡ һәм «Почёт билдәһе» ордендары кавалеры, Башҡортостан Республикаһының атҡаҙанған фән эшмәкәре (1994), РСФСР (1957) һәм БАССР (1955) мәктәбенең атҡаҙанған уҡытыусыһы. РСФСР-ҙың халыҡ мәғарифы отличнигы (1958).
- Фәтҡулла Комиссаров (1922—24.07.1981), башҡорт журналисы, Бөйөк Ватан һуғышында ҡатнашыусы. Ҡыҙыл Йондоҙ һәм Почёт Билдәһе ордендары кавалеры, Башҡорт АССР-ының атҡаҙанған мәҙәниәт хеҙмәткәре. СССР Журналистар союзы ағзаһы.
- Алейников Александр Иванович (1927—13.03.2002), хеҙмәт алдынғыһы, 1945 йылғы совет-япон һуғышында ҡатнашыусы. 1953 йылдан Хәйбулла районы Һамар МТС-ы, 1957 йылдан — «Аҡъяр» совхозы һәм Һамар автотранспорт предприятиеһы, 1970—1987 йылдарҙа — Хәйбулла урман хужалығы водителе. Хеҙмәт Ҡыҙыл Байраҡ ордены кавалеры (1957). Сығышы менән Һамар ауылынан.
- Ғәйетбаев Мәүлитбай Шиһап улы (1932—13.05.1998), ауыл хужалығы хеҙмәткәре. 1952—1991 йылдарҙа Баймаҡ районы «Баймаҡ» совхозы механизаторы. Башҡорт АССР-ының атҡаҙанған механизаторы (1974). «Почёт Билдәһе» ордены кавалеры. Сығышы менән ошо райондың Буранбай ауылынан.
- Исхаҡов Йәүҙәт Әбдрәхим улы (1932—19.03.2017), хеҙмәт алдынғыһы. 1955—1997 йылдарҙа Салауат нефть химияһы комбинаты һәм «Салауатнефтеоргсинтез» берекмәһе слесары. Хеҙмәт Ҡыҙыл Байраҡ (1980), III дәрәжә Хеҙмәт Даны (1975) ордендары кавалеры. Сығышы менән хәҙерге Башҡортостан Республикаһының Ишембай районы Ҡыҙыл Йондоҙ ауылынан.
- Әхмәҙиев Ирек Нуретдин улы (1942), Башҡортостан һәм Ҡырым Республикаларының атҡаҙанған мәҙәниәт хеҙмәткәре.
- Иҫәнбаев Рәшит Сафи улы (1947), шахтёр, спортсы. 1973 йылдан Ҡаҙағстандың «Экибастузуголь» производство берекмәһенең тау мастеры, 1987 йылдан — участка начальнигы; 1999—2002 йылдарҙа Хәйбулла юл төҙәтеү-юл һалыу идаралығының юл мастеры, хәүефһеҙлек техникаһы буйынса инженер. 1-се (1998), икенсе (1994) һәм өсөнсө (1983) дәрәжә Шахтёр даны билдәһе эйәһе; Самбо буйынса СССР-ҙың спорт мастеры (1973). Сығышы менән хәҙерге Башҡортостан Республикаһының Хәйбулла районы Быҙаулыҡ ауылынан.
- Мукимова Асия Абдулла ҡыҙы (1947), хеҙмәт ветераны. 1972—2013 йылдарҙа Салауат башҡорт дәүләт драма театрының костюмеры, сәхнә костюмдары цехы мөдире. Башҡортостан Республикаһының атҡаҙанған мәҙәниәт хеҙмәткәре (1999). Сығышы менән хәҙерге Башҡортостан Республикаһының Ғафури районы Красноусол ауылынан.
- Сирусина Ынйыбикә Шаһибал ҡыҙы (1952), педагог. 1972 йылдан Баймаҡ районы мәктәптәре, 1981—2009 йылдарҙа Баймаҡ ҡалаһының 2-се урта мәктәбе уҡытыусыһы. Башҡортостан Республикаһының атҡаҙанған уҡытыусыһы (2009) һәм мәғариф отличнигы (2000). Сығышы менән ошо райондың Темәс ауылынан.
- Абыҙгилдин Айрат Юнир улы (1962—22.10.2016), инженер‑технолог. Техник фәндәр докторы (1998). Сығышы менән Ишембай ҡалаһынан.
3 һәм 8 һанына тамамланған йылдарҙа тыуғандар
- Ғайнан Хәйри (1903—16.10.1938), яҙыусы, шағир һәм журналист. ХХ быуаттың 30-сы йылдарында комсомол органдары хеҙмәткәре. Беренсе башҡорт романы «Боролош»тоң авторы. 1934 йылдан СССР Яҙыусылар союзы ағзаһы. Пролетар яҙыусыларҙың I Бөтә Союз съезы делегаты.
- Әхмәтғәлин Хәкимйән Рәхимйән улы (1923—19.07.1944), Бөйөк Ватан һуғышында һәләк булған яугир, уҡсылар полкының взвод командиры ярҙамсыһы, өлкән сержант. Советтар Союзы Геройы (үлгәндән һуң, 1945). Сығышы менән хәҙерге Башҡортостан Республикаһының Учалы районы Сәфәр ауылынан.
тулы исемлек
- Байраҡаев Зәкир Мөхәмәтйән улы (1928—7.06.2012), малсы. 1943—1988 йылдарҙа Баймаҡ районы «Һәүәнәк» совхозының мал ҡараусыһы. Башҡорт АССР-ының атҡаҙанған малсыһы (1981). Ленин ордены кавалеры (1966). Сығышы менән ошо райондың Билал ауылынан.
- Әйүпова Зилара Ғайса ҡыҙы (1933—20.09.2014), бейеүсе, 1955—1975 йылдарҙа хәҙерге Фәйзи Ғәскәров исемендәге дәүләт академия халыҡ бейеүҙәре ансамбле солисы. Башҡорт АССР-ының атҡаҙанған артисы (1959). «Почёт Билдәһе» ордены (1955) кавалеры. Театр актёры Хәмит Яруллиндың ҡатыны.
- Ишмакаев Марс Нурғәли улы (1938—1995), механизатор. 1961 йылдан Дүртөйлө районы «Победа» колхозы тракторсыһы, механигы. Башҡорт АССР-ы ауыл хужалығының атҡаҙанған механизаторы (1981). Сығышы менән ошо райондың Бишнарат ауылынан.
- Зарипова Ғәйникамал Ҡиям ҡыҙы (1943), селекционер-ғалим. 1975 йылдан Башҡортостан ауыл хужалығы ғилми-тикшеренеү институтының ғилми хеҙмәткәре, 1976 йылдан — өлкән, 1991 йылдан төп ғилми хеҙмәткәр, 1998 йылдан — бүлек мөдире. Ауыл хужалығы фәндәре кандидаты (1978). Башҡортостан Республикаһының атҡаҙанған ауыл хужалығы хеҙмәткәре (1995).
- Щедрина Софья Георгиевна (1943), педагог. 1968 йылдан Салауат ҡалаһының 15-се урта мәктәбе уҡытыусыһы, 1969 йылдан — директор урынбаҫары; 1988 йылдан 10-сы лицейҙың директор урынбаҫары; 2001 йылдан Уҡыу-методик үҙәгенең педагогИк мәғлүмәт бүлеге мөдире; 2007—2013 йылдарҙа Туризм һәм крайҙы өйрәнеү балалар һауыҡтырыу-белем биреү үҙәге педагогы һәм методисы. Башҡортостан Республикаһының атҡаҙанған уҡытыусыһы (1994), РСФСР-ҙың халыҡ мәғарифы отличнигы (1985). Сығышы менән Ишембай ҡалаһынан.
- Әхсәнов Владик Әбүбәкир улы (1943), инженер. 1977 йылдан Благовар районы Киров исемендәге колхоз рәйесе, «Мир» совхозы директоры, 1998–2010 йылдарҙа «Мир» агрофирмаһы директоры. Башҡортостан Республикаһының 4-се саҡырылыш (2008–2013) Дәүләт Йыйылышы — Ҡоролтай депутаты. Рәсәйҙең һәм Башҡортостан Республикаһының атҡаҙанған ауыл хужалығы хеҙмәткәре. Салауат Юлаев ордены кавалеры (2001). Сығышы менән хәҙерге Башҡортостан Республикаһының Благовар районы Иҫке Һынны ауылынан.
- Зәйнәшева Әнүзә Шамил ҡыҙы (1953), коммуналь хужалыҡ хеҙмәткәре. 1970 йылдан Әбйәлил торлаҡ-коммуналь хужалығы производство идаралығының контролёр-электригы, 1972—2008 йылдарҙа кадрҙар бүлеге инспекторы һәм иҫәпсе-кассиры. Башҡортостан Республикаһы хеҙмәтләндереү өлкәһенең атҡаҙанған хеҙмәткәре (2008). Сығышы менән ошо райондың Асҡар ауылынан.
- Мөхәмәтшина Фәүзиә Миҙхәт ҡыҙы (1953), журналист. 1981 йылдан «Совет Башҡортостаны», 2008 йылдан — «Киске Өфө» гәзите хеҙмәткәре. 1985 йылдан СССР Журналистар союзы ағзаһы. Башҡортостан Республикаһының атҡаҙанған мәҙәниәт хеҙмәткәре (1998). Башҡорт АССР-ы Юғары Советы Президиумының (1991) һәм Башҡортостан Республикаһының (2008) Почёт грамоталары менән бүләкләнеүсе. Шәһит Хоҙайбирҙин исемендәге премия лауреаты (2016).
4 һәм 9 һанына тамамланған йылдарҙа тыуғандар
- Әсфәғәнов Минислам Ислам улы (1889—1965), биолог-ғалим, урындағы башҡарма органдар хеҙмәткәре. Беренсе донъя һәм граждандар һуғышында ҡатнашыусы. 1932—1963 йылдарҙа Башҡорт дәүләт медицина институты уҡытыусыһы, шул иҫәптән 1941 йылдан биология кафедраһы мөдире. Биология фәндәре кандидаты (1940). Сығышы менән хәҙерге Башҡортостан Республикаһының Мәсетле районы Яңы Мөслим ауылынан.
- Ишмаев Әхмәт Мөхәмәт улы (1909—?), агроном-ғалим. Бөйөк Ватан һуғышында ҡатнашыусы, лейтенант. 1959—1977 йылдарҙа Башҡортостан ауыл хужалығы ғилми-тикшеренеү институтының өлкән ғилми хеҙмәткәре, үҫемлектәрҙе һаҡлау бүлеге мөдире. Биология фәндәре кандидаты. Ҡыҙыл Йондоҙ ордены кавалеры (1943). Сығышы менән хәҙерге Башҡортостан Республикаһының Шишмә районы Сыуалкип ауылынан.
- Миңләхмәтов Нурлы Миңләхмәт улы (1914—9.09.1989), ауыл хужалығы хеҙмәткәре. Бөйөк Ватан һуғышында ҡатнашыусы. Уҡсылар дивизияһы айырым сапёр батальонының отделение командиры, гвардия сержанты. Советтар Союзы Геройы (1944). Сығышы менән хәҙерге Башҡортостан Республикаһының Ҡариҙел районы Асҡыш ауылынан.
тулы исемлек
{{{content}}}
Дөйөм исемлек
- 1330 йыл: Эдуард Плантагенет (ҡушаматы «Ҡара Принц»), 100 йыллыҡ һуғыштың танылған хәрби эшмәкәре.
- 1755 йыл: Антуан де Фуркруа, Франция ғалимы, химик, сәйәси эшмәкәр.
тулы исемлек
- 1880 йыл: Сергей Антимонов, Рәсәй империяһы һәм СССР-ҙың театр актёры.
- 1915 йыл: Томас Хакл Уэллер, АҠШ-тың вирусолог-табибы, академик, Нобель премияһының 1954 йылғы лауреаты.
- 1920 йыл: Алла Казанская, СССР һәм Рәсәйҙең театр һәм кино актёры, театр педагогы, РСФСР-ҙың халыҡ артисы (1971).
- 1920 йыл: Альберто Сорди, Италия актёры, кинорежиссёр.
- 1930 йыл: Одиль Версуа, Франция актрисаһы, сығышы менән рус милләтенән, Марина Владиҙың апаһы.
- 1930 йыл: Магомедали Магомедов, СССР һәм Рәсәйҙең дәүләт эшмәкәре, 1994—2006 йылдарҙа Дағстан Республикаһының Дәүләт Советы рәйесе. Рәсәй Федерацияһының Хеҙмәт Геройы (2019).
- 1950 йыл: Любомирас Лауцявичюс, СССР һәм Литваның театр һәм кино актёры.
