23 май
23 май — рәсми календарь буйынса йылдың 143-сө (кәбисә йылында 144-се) көнө. Йыл аҙағына тиклем 222 көн ҡала.
| ← май → | ||||||
| Дш | Шш | Шр | Кс | Йм | Шм | Йк |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | |
| 2025 йыл | ||||||
Байрамдар һәм иҫтәлекле даталар
Халыҡ-ара
Ер:
- Бөтә донъя спорт көрәше көнө.
- Бөтә донъя гөбөргәйел көнө.
Милли
Һөнәри
Әзербайжан: Экология һәм тәбиғәт ресурстары министрлығы хеҙмәткәрҙәре көнө.
- 1759 йыл: Өфө кремленең Михайлов башняһына эләккән йәшендән көслө янғын сыға һәм ҡаланың 210 йорто, воевода йорто, провинция канцелярияһының бинаһы, төрмә, гауптвахта, сауҙа рәттәре, ҡатын-ҡыҙҙар монастыры, бер нисә сиркәү яна.
- 1922 йыл: Петроградта пионер ойошмаһы төҙөлә.
тулы исемлек
- 1930 йыл: «Комсомольская правда» гәзите Ленин ордены менән бүләкләнә.
- 1931 йыл: ВКП(б)-ның Башҡортостан өлкә комитеты бюроһы Умартасылыҡ үҙәге ойоштороу тураһында ҡарар ҡабул итә.
- 1933 йыл: Дыуан район гәзите сыға башлай.
- 1935 йыл: Өфө—Новосибирск маршруты буйынса велоуҙышҡа старт бирелә.
- 1972 йыл: Учалы ҡалаһында хәҙерге Салауат Низаметдинов исемендәге сәнғәт һәм мәҙәниәт колледжы асыла.
Башҡортостан менән бәйле шәхестәр
0 һәм 5 һанына тамамланған йылдарҙа тыуғандар
- Дәүләтов Бәкер Рәхим улы (1915—31.03.1982), Бөйөк Ватан һуғышында ҡатнашыусы. 16-сы гвардия Чернигов кавалерия дивизияһының пулемёт расчеты командиры, гвардия өлкән сержанты. Советтар Союзы Геройы (1944). Сығышы менән хәҙерге Башҡортостан Республикаһының Благовар районы Иҫке Әмир ауылынан.
- Байғужин Зыя Шакир улы (1930—2017), ауыл хужалығы хеҙмәткәре. 1953 йылдан Хәйбулла районының «Аҡъяр» совхозы Юлбарыҫ бүлексәһе комбайнеры, 1973 йылдан — ферма мөдире, 1986—1990 йылдан — почтальон. Ленин ордены кавалеры (1971). Сығышы менән ошо ауылдан.
тулы исемлек
- Дёмин Юрий Сергеевич (1940—13.11.2009), инженер, транспорт тармағы, газ сәнәғәте, партия, урындағы башҡарма һәм дәүләт органдары хеҙмәткәре. 1994—1995 йылдарҙа Башҡортостан Республикаһының Юғары Советы Рәйесе. 2000—2004 йылдарҙа «Газ-Сервис» йәмғиәтенең генераль директоры урынбаҫары. Башҡортостан Республикаһының атҡаҙанған транспорт хеҙмәткәре (1995). «Почёт Билдәһе» ордены кавалеры (1986).
- Закиров Марат Рәхим улы (1955), педагог. 1991—2021 йылдарҙа Балтас районы Уразай урта мәктәбе директоры. Башҡортостан Республикаһының атҡаҙанған уҡытыусыһы (2011) һәм мәғариф отличнигы (1999), Рәсәй Федерацияһының почётлы дөйөм белем биреү хеҙмәткәре. Сығышы менән ошо ауылдан.
- Сафина Марина Петровна (1960), педагог, музыкант, Өфөләге махсус урта музыка колледжы уҡытыусыһы. Башҡортостандың атҡаҙанған мәҙәниәт хеҙмәткәре.
- Фәрүәз Урманшин (1970), ҡурайсы, йырсы, театр актёры. 2006 йылдан «Башҡортостан» дәүләт телерадиокомпанияһы «Юлдаш» радиоһының «Яңылыҡтар» бүлеге алып барыусыһы. Башҡортостандың атҡаҙанған артисы (2012).
1 һәм 6 һанына тамамланған йылдарҙа тыуғандар
- Ғамил Афзал (Абзалов Ғамил Ғимаҙетдин улы; 1921—20.08.2003), шағир. 1954—1964 йылдарҙа Башҡорт АССР-ының Ҡалтасы районы Шәрип ауылында йәшәй, ауылдаштарына «Шәрип ауылы», «Шәрип урманы» исемле шиғырҙарын арнаған. Татарстандың халыҡ шағиры (1991). Татар АССР-ының атҡаҙанған мәҙәниәт хеҙмәткәре (1985) һәм Ғабдулла Туҡай исемендәге дәүләт премияһы лауреаты (1977). Почёт Билдәһе ордены кавалеры (1981). Сығышы менән хәҙерге Татарстан Республикаһының Аҡтаныш районы Таҡталасыҡ ауылынан.
- Фәсхетдинова Рәйлә Ғариф ҡыҙы (1946—10.2024), шәхси эшҡыуар, көнкүреш хеҙмәте күрһәтеү өлкәһе хеҙмәткәре. 1993—2024 йылдарҙа Өфө ҡалаһындағы «Ғәлиә» яуаплылығы сикләнгән йәмғиәттең генераль директоры. Рәсәй Федерацияһының (2007) һәм Башҡортостан Республикаһының халыҡҡа көнкүреш хеҙмәте күрһәтеү өлкәһенең атҡаҙанған хеҙмәткәре. Сығышы менән хәҙерге Башҡортостан Республикаһының Ишембай районы Сәлих ауылынан.
тулы исемлек
- Панов Николай Михайлович (1951—15.06.2021), театр актёры. 1982 йылдан СССР Театр эшмәкәрҙәре союзы ағзаһы. 1974 йылдан Стәрлетамаҡ рус дәүләт драма театры актёры. Рәсәй Федерацияһының атҡаҙанған (1999) һәм Башҡортостан Республикаһының халыҡ (1991) артисы. Рәсәйҙең бәләкәй ҡалалары театрҙары фестивале дипломанты (Вышний Волочёк ҡалаһы, 2006).
- Грошева Надежда Дмитриевна (1961), эшсе. Күмертау авиация етештереү предприятиеһы ветераны. Башҡортостандың атҡаҙанған машина эшләүсеһе.
2 һәм 7 һанына тамамланған йылдарҙа тыуғандар
- Гәрәев Рәфит Яхъя улы (1937), ауыл хужалығы хеҙмәткәре. 1955—1997 йылдарҙа Дүртөйлө районы «Әсән» колхозы механизаторы. Хеҙмәт Ҡыҙыл Байраҡ ордены кавалеры. Сығышы менән ошо райондың Әсән ауылынан.
- Назаров Василий Фёдорович (1942—25.04.2019), физик-ғалим. 1981 йылдан Башҡорт дәүләт университеты уҡытыусыһы. Рәсәй Тәбиғи фәндәр академияһы академигы, техник фәндәр докторы (2002). Башҡортостан Республикаһының атҡаҙанған уйлап табыусыһы (2001), академик И. М. Губкин исемендәге премия лауреаты. Сығышы менән хәҙерге Башҡортостан Республикаһының Өфө районы Шемәк ауылынан.
тулы исемлек
- Дусов Данис Әкрәм улы (1947), комсомол, партия һәм дәүләт органдары, ауыл хужалығы хеҙмәткәре, йәмәғәтсе. Башҡорт АССР-ының 12-се саҡырылыш Юғары Советы депутаты. Башҡортостан Республикаһының атҡаҙанған ауыл хужалығы хеҙмәткәре (1993).
- Ғәлиуллин Радик Зыя улы (1952—11.02.2016), төҙөүсе-инженер. 1976—1988 йылдарҙа «Башмелиоводхоз» махсус тресының 8-се күсмә механизацияланған колоннаһы һәм «Башмелиоводхоз» идаралығы Мәсетле филиалының инженеры, бүлек начальнигы, баш инженеры һәм директоры. Башҡортостан Республикаһының атҡаҙанған ауыл хужалығы хеҙмәткәре (2006). Сығышы менән ошо райондың Оло Аҡа ауылынан.
- Ғабдрахманова Рима Әсхәт ҡыҙы (1957), педагог. Өфө ҡалаһы 25-се Белем үҙәгенең элекке директоры. Башҡортостан Республикаһының атҡаҙанған уҡытыусыһы.
3 һәм 8 һанына тамамланған йылдарҙа тыуғандар
- Шамил Ҡолбарисов (1923—30.09.2004), композитор, йырсы (баритон) һәм режиссёр. Бөйөк Ватан һуғышында ҡатнашыусы. 1978 йылдан СССР Композиторҙар союзы ағзаһы. РСФСР-ҙың (1990) һәм Башҡорт АССР-ының (1968) атҡаҙанған сәнғәт эшмәкәре. II дәрәжә Ватан һуғышы (1985) һәм «Почёт Билдәһе» (1957) ордендары кавалеры.
- Чернов Николай Фёдорович (1923), эске эштәр органдары хеҙмәткәре, уҡытыусы. Бөйөк Ватан һуғышында ҡатнашыусы. I дәрәжә Ватан һуғышы, Ҡыҙыл Йондоҙ ордендары кавалеры[1][2].
тулы исемлек
- Таһиров Фәхрәзи Әхмәҙиә улы (1928—2019), электрик, 1948—1988 йылдарҙа «Башкирэнерго» берекмәһе электромонтёры, мастеры, 1964—1988 йылдарҙа өлкән мастеры. Социалистик Хеҙмәт Геройы (1971), Башҡорт АССР-ының атҡаҙанған энергетигы (1975). Сығышы менән хәҙерге Башҡортостан Республикаһы Ғафури районы Бәләкәй Үтәш ауылынан.
- Олейник Николай Николаевич (1953), ветеринария табибы-ғалим, муниципаль орган хеҙмәткәре. 1996—2014 йылдарҙа Өфө районы хакимиәте башлығының беренсе урынбаҫары — ауыл хужалығы идаралығы начальнигы. Ветеринария фәндәре кандидаты (1985), доцент. Рәсәйҙең (2005) һәм Башҡортостан Республикаһының (1993) атҡаҙанған ауыл хужалығы хеҙмәткәре. Райондың почётлы гражданы (2013). Сығышы менән Өфө ҡалаһынан.
4 һәм 9 һанына тамамланған йылдарҙа тыуғандар
- Айыуханов Закир Насир улы (1889—22.06.1961), тел белгесе, педагог-методист. 1937—1959 йылдарҙа К. А. Тимирязев исемендәге Башҡорт дәүләт педагогия институты уҡытыусыһы. 1959–1961 йылдарҙа СССР Фәндәр Академияһы Башҡортостан филиалы Тарих, тел һәм әҙәбиәт институтының ғилми хеҙмәткәре. Башҡорт алфавитын төҙөүселәрҙең береһе, дәреслек һәм уҡытыу‑методик әсбаптар, шул иҫәптән «Әлифба»ның авторы.
- Шәһәров Ишбулды Рәжәп улы (1929—2010), ғалим-хирург, юғары мәктәп уҡытыусыһы. Медицина фәндәре кандидаты, доцент. Һаулыҡ һаҡлау отличнигы. Башҡорт АССР-ының атҡаҙанған табибы. Сығышы менән хәҙерге Башҡортостан Республикаһының Күгәрсен районы Тәүәкән ауылынан.
тулы исемлек
- Аҙнабаев Әхмәр Мөхәмәтдин улы (1934—4.10.2021), тел белгесе, педагог‑методист, партия һәм юғары мәктәп эшмәкәре. 1976—1989 йылдарҙа КПСС-тың Башҡортостан өлкә комитетының бүлек мөдире; 1989—2001 йылдарҙа Башҡорт дәүләт педагогия институты һәм М. Аҡмулла исемендәге Башҡорт дәүләт педагогия университеты проректоры. Башҡорт АССР-ының 10-сы һәм 11-се саҡырылыш Юғары Советтары депутаты. Педагогия фәндәре кандидаты (1967), профессор (1994). Башҡортостан Республикаһының атҡаҙанған халыҡ мәғарифы хеҙмәткәре (1994), Рәсәй Федерацияһының почётлы юғары профессиональ белем биреү хеҙмәткәре (2007). Жәлил Кейекбаев исемендәге премия лауреаты (2006). Дуҫлыҡ ордены кавалеры.
- Кашелевский Геннадий Исаакович (1934—10.02.2009), конструктор. 1967—1979 йылдарҙа Өфө приборҙар эшләү производство берекмәһе, 1979—2009 йылдарҙа Өфөләге Етештереү технологияһы һәм уны ойоштороу институты хеҙмәткәре. 80‑дән ашыу уйлап табыу авторы. Рәсәй Федерацияһы Хөкүмәте премияһы лауреаты (1998). Сығышы менән Брянск ҡалаһынан.
Дөйөм исемлек
- 1707 йыл: Карл Линней, Швецияның тәбиғәтте өйрәнеүсеһе, табиб; хайуандар һәм үҫемлектәр доньяһының дөйөм классификацияһын төҙөүсе.
- 1790 йыл: Жюль Себастьен Сезар Дюмон-Дюрвиль, Францияның диңгеҙ сәйәхәтсеһе, Тымыҡ океанды тикшереүсе.
тулы исемлек
- 1805 йыл: Иоганн Генрих Буфф, Германия ғалимы, химик һәм физик.
- 1810 йыл: Маргарет Фуллер, АҠШ яҙыусыһы.
- 1885 йыл: Николай Зубов, Рәсәй империяһы һәм СССР-ҙың океандар тикшереүсеһе, контр-адмирал-инженер.
- 1925 йыл: Джошуа Ледерберг, АҠШ ғалимы, генетик, физиология һәм медицина буйынса 1958 йылғы Нобель премияһы лауреаты.
- 1930 йыл: Виталий Вульф, СССР һәм Рәсәй тәнҡитсеһе, театр белгесе, телетапшырыуҙар алып барыусы, Рәсәйҙең атҡаҙанған сәнғәт эшмәкәре (1998).
- 1935 йыл: Фәсил Әхмәтов, СССР композиторы, РСФСР-ҙың (1981) һәм Татар АССР-ының (1977) атҡаҙанған сәнғәт эшмәкәре, Рәсәйҙең (1992) һәм Татарстандың (1995) халыҡ артисы.
- 1935 йыл: Флора Әхмәтова-Урмансы, СССР ғалимы, фольклорсы, тәржемәсе, Татарстандың Ғабдулла Туҡай исемендәге дәүләт премияһы лауреаты.
- 1945 йыл: Михаил Багдасаров, цирк артисы, Әрмән ССР-ының атҡаҙанған (1980) һәм Рәсәйҙең халыҡ (1997) артисы.
Иҫкәрмәләр
- ↑ Лица Победы: участник Великой Отечественной войны Николай Чернов. Официальный сайт Администрации городского округа город Уфа Республики Башкортостан. 13 апрель 2020 года (рус.) (Тикшерелеү көнө: 11 август 2024)
- ↑ Подарки от коллег: с Днём Победы ветерана войны Николая Чернова поздравили представители МВД республики. Сайт «Любимый город». 6 мая 2022 года (рус.) (Тикшерелеү көнө: 11 август 2024)