Панов Николай Михайлович
Николай Михайлович Панов (1951 йылдың 23 майы, Райчихинск[d], Амур өлкәһе, СССР — 2021 йылдың 15 июне, Стәрлетамаҡ, Башҡортостан Республикаhы) — совет, Рәсәй театр актёры. 1982 йылдан СССР Театр эшмәкәрҙәре союзы ағзаһы. 1974 йылдан Стәрлетамаҡ рус драма театры актёры.Рәсәй Федерацияһының атҡаҙанған (1999) һәм Башҡортостан Республикаһының халыҡ артисы (1991). Рәсәйҙең бәләкәй ҡалалары театрҙары фестивале дипломанты (Вышний Волочёк ҡалаһы, 2006).
Биографияһы
1951 йылдың 23 майында Амур өлкәһенең Райчихинск ҡалаһында тыуған.
1973 йылда Фрунзе ҡалаһында Н. К. Крупская исемендәге Республика драма театрының театр студияһын (уҡытыусыһы Г. И. Иванов) тамамлай.
Артабан Черкес өлкә драма театрында эшләй, ә 1974 йылда Стәрлетамаҡ рус драма театрына күсә.
Театрҙа ҡуйған спектаклдәре: Н. М. Задорновтың «Последняя попытка» спектакле (1993), Э. В. Брагинскийҙың «Игра воображения» спектакле (1994), Н. М. Птушкинаның «Пока она умирала» спектакле (2001).
Театр сәнғәте ветераны 2021 йылдың 15 июнендә Стәрлетамаҡ ҡалаһына вафат була[4].
Спектаклдәрҙәге ролдәре
1973 йылда Черкес драма театрында дебюты була, А. В. Вампиловтың «Старший сын» пьесаһында Васенька ролен уйнай. Башҡарған ролдәре:
- Иван Грозный («Шестая жена Ивана Грозного»)
- Шариков («Собачье сердце», М. А. Булгаковтың шул уҡ исемле повесы буйынса)
- Дәрүиш («Ай тотолған төндә»)
- Джакомо Казанова («Великий обольститель», А. Лаврин һәм В. Коркияның «Великий любовник, или Последняя ночь Казановы» пьесаһы буйынса)
- Арбенин («Маскарад», М. Ю. Лермонтов)
- Анучкин («Женитьба», Н. В. Гоголь)
- Сорин («Чайка», А. П. Чехов)
- Люсиндо («Изобретательная влюблённая», Лоп де Вега)
- Генри Хиггинс («Пигмалион», Б.Шоу)
- Панталоне («Принцесса Турандот», К.Гоцци)
- фронтовик Жуков («Русская народная почта», О. Богаев).
Ғаиләһе
- Ҡатыны — Веры Новикова, артист;
- Улдары — Игорь, Магнитогорск драма театры актёры[5].
Маҡтаулы исемдәре һәм башҡа наградалары
- Башҡортостан Республикаһының атҡаҙанған артисы (1986);
- Башҡортостан Республикаһының халыҡ артисы (1991);
- Рәсәй Федерацияһының атҡаҙанған артисы (1999);
- Вышний Волочёк ҡалаһында 2006 йылда үткән Рәсәйҙең бәләкәй ҡалалары театрҙары фестивале дипломанты.
Иҫкәрмәләр
- ↑ 1 2 3 Башкирская энциклопедия (урыҫ) — Башкирская энциклопедия, 2005. — 4344 с. — ISBN 978-5-88185-053-1
- ↑ Башинформ / под ред. В. А. Валерьевич — 1992.
- ↑ Башинформ / под ред. В. А. Валерьевич — 1992.
- ↑ Скончался заслуженный артист России, народный артист Башкортостана Николай Панов. ИА «Башинформ», 16 июня 2021 года
- ↑ Рубрика: «Наша история. Корифеи башкирской сцены» : к 75- летию со дня рождения Панова Николая Михайловича. официальный аккаунт СТД РБ. Мөрәжәғәт итеү датаһы: 28 июль 2026.
Һылтанмалар
- Панов Николай Михайлович // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелеү көнө: 18 июнь 2021)
- Панов Николай Михайлович. Стерлитамаксий государственный русский драматический театр. Официальный сайт (рус.) (Тикшерелеү көнө: 18 июнь 2021)
- Панов Николай Михайлович. Неофициальный сайт Русского драматического театра 2004—2010 (рус.) (Тикшерелеү көнө: 18 июнь 2021)