6 октябрь
Байрамдар һәм иҫтәлекле даталар
Халыҡ-ара
Милли
Бөйөк Британия:
- Шиғриәт көнө.
Төркмәнстан:
- Хәтер көнө.
Һөнәри
АҠШ:
- Тренерҙар көнө.
Беларусь:
- Архивсы көнө.
Иран:
- Ветеринарҙар көнө.
Ҡаҙағстан:
- Оборона сәнәғәте хеҙмәткәрҙәре көнө.
- Бухгалтерҙар һәм аудиторҙар көнө.
Мысыр:
- Ҡораллы көстәр көнө.
Рәсәй Федерацияһы:
- Страховкалаусы көнө.
Шри-Ланка:
- Уҡытыусылар көнө.
Тарихи ваҡиғалар
- 1769 йыл: Джеймс Кук Яңы Зеландияны аса.
- 1889 йыл: Томас Эдисон беренсе фильмын күрһәтә.
тулы исемлек
- 1908 йыл: Крит бойондороҡһоҙлоҡ иғлан итә.
- 1927 йыл: Нью-Йоркта беренсе тауышлы фильм премьераһы була.
- 1979 йыл: «Миг-29» беренсе осошон яһай.
Был көндә тыуғандар
Башҡортостан менән бәйле шәхестәр
0 һәм 5 һанына тамамланған йылдарҙа тыуғандар
- Михайлов Александр Викторович (1970), спортсы. 1997—2002 йылдарҙа Өфөләге Юғары спорт оҫталығы мәктәбе өсөн сығыш яһаусы. 1992—2002 йылдарҙа фристайл буйынса Рәсәй йыйылма командаһы ағзаһы, 1998 йылғы Олимпия уйындарында ҡатнашыусы. Рәсәйҙең халыҡ-ара класлы спорт мастеры (1994). Башҡортостан Республикаһының күренекле спортсыһы (1999). Донъя (1998) һәм Европа (2001) кубогы этаптары еңеүсеһе, Рәсәй чемпионы (1997—1999), Рәсәй кубогын яулаусы (2000), Рәсәй чемпионатының көмөш һәм Европа кубогының бронза призёры (икеһе лә — 2001). Көньяҡ Кореяла халыҡ ара ярыштар еңеүсеһе (1997). Сығышы менән Волгоград ҡалаһынан.
- Шульман Филипп Евгеньевич (1980), спортсы. 2002—2008 йылдарҙа биатлон буйынса Рәсәй йыйылма командаһы ағзаһы. Рәсәйҙең халыҡ ара класлы спорт мастеры (2001). Спринтта Бөтә донъя универсиадаһының көмөш призёры (2003), Рәсәй чемпионаттарының бронза призёры (2001—2002); эстафетала Бөтә донъя универсиадаһы (2003) һәм Рәсәй (2007) чемпионы. Европа чемпионатының (2003) һәм Бөтә донъя универсиадаһының (2001) көмөш призёры, Донъя кубогы этабының (2004) һәм Рәсәй чемпионатының (2002) бронза призёры. Үҫмер спортсылар араһында донъя (2002) һәм Европа (2000) беренселектәренең көмөш призёры. Сығышы менән Өфө ҡалаһынан.
1 һәм 6 һанына тамамланған йылдарҙа тыуғандар
- Тюгаев Прокофий Фёдорович (1931—2.03.2011), инженер-технолог, сәнәғәт тармағы хеҙмәткәре һәм йәмәғәтсе. 1977—1994 йылдарҙа «Салауатнефтеоргсинтез» производство берекмәһенең генераль директоры. Башҡорт АССР-ының 1I һәм 12-се саҡырылыш Юғары Советы депутаты. Рәсәй Федерацияһының Яғыулыҡ һәм энергетика министрлығының атҡаҙанған хеҙмәткәре (1994), Башҡорт АССР-ының атҡаҙанған нефтсеһе (1991), СССР-ҙың нефть эшкәртеү һәм нефтехимия сәнәғәте отличнигы (1985), СССР-ҙың уйлап табыусыһы (1988). СССР Министрҙар Советы премияһы лауреаты (1985). Хеҙмәт Ҡыҙыл Байраҡ ордены кавалеры (1971). Салауат ҡалаһының почётлы гражданы (2010).
2 һәм 7 һанына тамамланған йылдарҙа тыуғандар
- Ноғоманов Дәйләғи Сирай улы (1922—12.10.1944), Бөйөк Ватан һуғышында һәләк булған яугир. Танкист, взвод командиры, өлкән лейтенант. Советтар Союзы Геройы (1945, үлгәндән һуң). Сығышы менән хәҙерге Башҡортостан Республикаһының Ишембай районы Әрмет ауылынан.
- Метельский Леонид Васильевич (1927—?), энергетик. 1962—1987 йылдарҙа «Салауатбыяла» берекмәһенең баш энергетигы. Халыҡтар Дуҫлығы ордены кавалеры.
тулы исемлек
- Фәттәхетдинов Спартак Ғабдрахман улы (1932—13.12.1994), ғалим-геолог. 1954 йылдан (өҙөклөктәр менән) СССР Фәндәр академияһы Башҡортостан филиалының Геология институты хеҙмәткәре, шул иҫәптән 1961 йылда һәм 1969 йылдан — ғилми секретарь, 1966—1968 йылдарҙа директор вазифаһын башҡарыусы, 1991 йылдан палеовулканология һәм металлогения лабораторияһының төп ғилми хеҙмәткәре; 1971 йылдан СССР Фәндәр академияһы Башҡортостан филиалы Президиумының ғилми секретары, 1989 йылдан — баш ғилми секретарь. Геология-минералогия фәндәре кандидаты (1973). Башҡорт АССР-ының атҡаҙанған фән эшмәкәре (1981). Сығышы менән хәҙерге Силәбе өлкәһенең Мейәс ҡалаһынан.
- Рәхимов Рөстәм Хәлим улы (1937), инженер-химик, йәмәғәтсе. 1983 йылдан Стәрлетамаҡ «Каучук» заводының директоры, 1992 йылдан — генераль директоры (1992). Башҡортостан Республикаһының 2-се саҡырылыш Дәүләт Йыйылышы — Ҡоролтай депутаты (1999—2003). Рәсәй Федерацияһының һәм Башҡорт АССР-ының атҡаҙанған химигы, Халыҡтар Дуҫлығы ордены кавалеры. Стәрлетамаҡ ҡалаһының почётлы гражданы (2016). Сығышы менән Ауырғазы районы Иҫке Әпсәләм ауылынан.
3 һәм 8 һанына тамамланған йылдарҙа тыуғандар
- Нефёдов Филипп Диомидович (1838—12.03.1902), Рәсәй империяһы археологы, этнограф, журналист һәм яҙыусы. Башҡортостан тарихын һәм мәҙәниәтен өйрәнеүсе.
- Карпочев Николай Владимирович (1928—9.10.2024), тимер юлы һәм партия органдары хеҙмәткәре. 1969—1988 йылдарҙа КПСС-тың Өфө ҡалаһы Дим район комитетының беренсе секретары. Сығышы менән хәҙерге Һарытау өлкәһенең Камышлинка ауылынан.
- Сазонова (Иванова) Светлана Романовна (1943), ғалим-химик, юғары мәктәп уҡытыусыһы. Химия фәндәре докторы, профессор. СССР-ҙың юғары белем биреү отличнигы, Рәсәй Федерацияһы Хөкүмәтенең Фән һәм техника буйынса премияһы лауреаты. Сығышы менән хәҙерге Башҡортостан Республикаһының Яңауыл ҡалаһынан.
тулы исемлек
- Рәхимов Марат Науруз улы (1958), ғалим-химик‑технолог, юғары мәктәп уҡытыусыһы. Техник фәндәр докторы (2000), профессор (2006). Сығышы менән хәҙерге Башҡортостан Республикаһының Стәрлебаш районы Ибрай ауылынан.
4 һәм 9 һанына тамамланған йылдарҙа тыуғандар
- Солтанов Юнир Йонос улы (1954), табип, һаулыҡ һаҡлау өлкәһе һәм муниципаль орган хеҙмәткәре. 1984 йылдан Мәсетле районындағы «Ҡарағай» шифаханаһының баш табибы һәм директоры, 2005—2011 йылдарҙа Мәсетле район хакимиәте башлығы. Башҡортостан Республикаһының атҡаҙанған табибы (1994) һәм Почёт грамотаһы менән бүләкләнеүсе.
- Яҡупов Таһир Әнғәм улы (1959—12.12.2025), нефтсе-инженер, йәмәғәтсе. 1982 йылдан «Саҡмағошнефть» нефть һәм газ сығарыу идаралығы мастеры, әйҙәүсе инженеры; идаралыҡтың профсоюз комитеты рәйесе. 2024—2025 йылдарҙа Дүртөйлө район советы рәйесе. Башҡортостан Республикаһының атҡаҙанған, Рәсәйҙең почётлы нефтсеһе. Сығышы менән ошо райондың Йүкәлекүл ауылынан.
тулы исемлек
- Сафин Венер Рәсих улы (1964), хоккейсы, тренер. Спорт мастеры, Рәсәй Федерацияһының атҡаҙанған тренеры. «Салауат Юлаев» хоккей мәктәбе тәрбиәләнеүсеһе.
- Һабанбаев Ринат Әбделхәй улы (1969), спортсы, тренер. Учалы район хакимиәтенең физкультура һәм спорт буйынса комитеты ҡарамағындағы балалар-үҫмерҙәр спорт мәктәбенең уҡытыусы-тренеры. Каратэ буйынса спорт мастерлығына кандидат.
Дөйөм исемлек
тулы исемлек
- 1914 йыл: Тур Хейердал, Норвегия сәйәхәтсеһе.
- 1982 йыл: Левон Аронян, Әрмәнстан шахматсыһы.