Төхбәтуллин Эдуард Дауыт улы

Эдуард Дауыт улы Төхбәтуллин 1971 йылдың 13 октябрендә Башҡорт АССР-ы-ның Өфө ҡалаһында тыуған.

Н. Ф. Гастелло исемендәге спорт клубында еңел атлетика менән шөғөлләнә, тренер Н. Я. Попов етәкселегендә әҙерлек үтә. 1998 йылдан «Динамо» Бөтә Рәсәй физкультура-спорт йәмғиәте өсөн сығыш яһай, тренер Г. В. Якупованың тәрбиәләнеүсеһе була. Урал дәүләт физик культура академияһын тамамлай (1998).

Тәүге тапҡыр үҙе тураһында 1989 йыл миҙгелендә белдерә, ул саҡта Өфө марафонында 2:33:40 һөҙөмтәһе менән бишенсе була.

1991 йылда Себер халыҡ-ара марафонында 16-сы урынды ала (2:22:59).

1992 йылда Калининградта марафон буйынса Рәсәй чемпионатында көмөш миҙал яулай (2:16:12), Себер халыҡ-ара марафонында туғыҙынсы (2:20:50) һәм Эхтернах марафонында бишенсе (2:16:54) була.

1993 йылда Париж марафонында 36-сы һөҙөмтә күрһәтә (2:18:43), Мәскәүҙә бер туған Знаменскийҙар мемориалында 10 000 метрға йүгереүҙә — 13-сө, Себер халыҡ-ара марафонында еңеү яулай, шул уҡ ваҡытта ярыштарҙың ғәмәлдәге рекордын ҡуя — 2:13:03. Шулай уҡ был миҙгелдә Сан-Себастьянда марафон буйынса Донъя кубогында 23-сө урынды ала (2:13:28).

1994 йылда Гамбург марафонында еңеү яулай (2:12:58), Хельсинкиҙа Европа чемпионатындағы марафонда 33-сө урынды ала (2:17:26), Лиссабон марафонында финишҡа өсөнсө булып килә (2:12:59).

1995 йылда Гамбург марафонында өсөнсө була (2:12:29), Гетеборгта донъя чемпионатындағы марафонда 44-се урынды ала (2:31:19).

1996 йылда Кёнджу марафонында 12-се һөҙөмтә күрһәтә (2:13:52), Санкт-Петербургта ярыммарафонда 1:03:32 шәхси рекорды менән өсөнсө була, Себер халыҡ-ара марафонында икенсе (2:18:14) һәм Макао марафонында етенсе (2:23:28) булып финишҡа килә.

1997 йылда 2:12:07 шәхси рекорды менән Гамбург марафонында өсөнсө, Афинала донъя чемпионатындағы марафонда туғыҙынсы (2:17:44), Монтеррейҙағы марафонда өсөнсө (2:19:34) була.

1998 йылда Гамильтондағы Бермуд марафонында икенсе (2:28:58), Прага марафонында бишенсе (2:15:42), Nacht van Vlaanderen 100 километрлыҡ йүгереүендә унынсы була, Будапештта Европа чемпионатындағы марафонда 32-се урынды ала (2:21:38).

1999 йылда Гамильтонда марафонда икенсе була (2:20:57), Адлерҙа ярыммарафон буйынса Рәсәй чемпионатында 12-се һөҙөмтә күрһәтә (1:05:39), Түбәнге Новгородтағы ярыммарафонда — 20-се һөҙөмтә (1:05:58), Мәскәүҙәге марафон буйынса Рәсәй чемпионатында алтынсы һөҙөмтә күрһәтә (2:13:41), Өфө марафонында (2:22:30) бөтә ярышташтарын уҙып китә, Пекин марафонында (2:21: 26) 18-се урынды ала.

2000 йылда Роттердам марафонында — 29-сы урынды (2:16:54), Мәскәүҙә марафон буйынса Рәсәй чемпионатында дүртенсе урынды (2:20:04) ала.

2001 йылда Роттердам марафонында 22-се һөҙөмтә күрһәтә (2:17:02), Себер халыҡ-ара марафонында йәнә еңеү яулай (2:20:43), Палермо марафонында икенсе булып финишҡа килә (2:17:21).

2002 йылда Чхунджу марафонында 11-се һөҙөмтә күрһәтә (2:27:14), Себер халыҡ-ара марафонында дүртенсе (2:20:22) һәм Дублин марафонында һигеҙенсе (2:18:02) була.

2003 йылда Себер халыҡ-ара марафонында икенсе (2:18:34), Өфө марафонында беренсе (2:48:31), Кошицкий марафонында бишенсе (2:19:55) булып килә.

2005 йылда Эссендағы марафонда алтынсы (2:17:38), Оденселағы Ханс Кристиан Андерсен марафонында өсөнсө (2:18:35) була.

2006 йылда Раденциҙағы Өс йөрәк марафонында икенсе (2:19:34), Оденселағы Ханс Кристиан Андерсен марафонында өсөнсө (2:19:16) була.

2007 йылда Гамильтондағы Бермуд халыҡ-ара марафонында еңеү яулай (2:23:28), Раденциҙа Өс йөрәк марафонында финишҡа икенсе булып килә (2:20:55), Найроби марафонында 66-сы урынды ала (2:32:19).

2008—2009 йылдарҙа The Greatest Race on Earth марафондар серияһында ҡатнаша.

2014 йылда Дүртөйлө марафонында еңеү яулай (2:36:03).

2015 йылда Өфө халыҡ-ара марафонында еңеү яулай (2:28:57) һәм ошоноң менән спорт карьераһын тамамлай^[1][2].

• Рәсәйҙең халыҡ-ара класлы спорт мастеры (1993)^[3].