Абдуллин Мөхәмәтғәли Усман улы
| Гражданлығы | |
|---|---|
| Заты | ир-ат |
| Хәрби звание | кесе сержант |
| Ғәскәр төрө | кавалерия |
| Һуғыш/алыш | |
| Маҡтаулы исемдәре һәм башҡа бүләктәре |
   |
| Вафат булған көнө | 1987 |
| Һөнәр төрө | яугир |
| Тыуған урыны | |
| Тыуған көнө | 18 август 1922 |
Абдуллин Мөхәмәтғәли Усман улы (рус. Абдуллин Мухаметгали Усманович) (1922—1987) — 112-се Башҡорт кавалерия дивизияһы яугиры, шайморатовсы. 62-се гвардия кавалерия полкы разведчигы[1], полк батареяһының ат йөрөтөүсеһе, 1-се эскадрондың посыльныйы. Гвардия кесе сержанты. Ҡыҙыл Йондоҙ ордены, II дәрәжә Ватан һуғышы ордены кавалеры[2].
Биографияһы
Мөхәмәтғәли (Мөхәмәтйән) Усман (Ҡоман)[3] улы 1922 йылдың 18 авгусында Өфө губернаһы Өфө өйәҙе (хәҙер — Башҡортостан Республикаһының Ҡырмыҫҡалы районы) Бишауыл-Уңғар ауылында тыуған[2].
1941 йылдың 1 октябрендә Ҡырмыҫҡалы районы хәрби комиссариаты тарафынан Эшсе-Крәҫтиән Ҡыҙыл Армияһы сафына хеҙмәткә алына.
Гвардия кесе сержанты Абдуллин Мөхәмәтғәли Усман улы 112-се Башҡорт (16-сы гвардия Чернигов) кавалерия дивизияһында хеҙмәт итә. 62-се гвардия кавалерия полкы разведчигы, полк батареяһының ат йөрөтөүсеһе, 1-се эскадрондың посыльныйы була[1].
Ҡыйыу яугир Мөхәмәтғәли Усман улы Абдуллиндың батырлығы тураһында командирының фекере:
|
1942 йылдың 24 апрелендә формалашҡандан башлап, 62-се полкта Абдуллин иптәш разведчик булып хеҙмәт итте. 1942 йылдың 1 декабрендә яраланғандан һуң, хәрби хеҙмәткә сикләнгән яраҡлы булғанлыҡтан, эскадрондың связнойы булды, ҡыйыу яугир булараҡ командованиеның бойороҡтарын теүәл башҡарҙы.
1943 йылдың 19 сентябрендә дошман аяуһыҙ көслө бомбаға тотҡанда, ҡаты яраланған полк парторгы гвардия өлкән лейтенанты Хәсәновты хәүефһеҙ урынға күтәреп алып сығып, тәүге медицина ярҙамы күрһәтте. Бынан тыш, парторг ҡулында булған полктың бөтә партия документтарын һаҡлап алып ҡалды. 1943 йылдың 25 сентябренән 26 сентябренә ҡаршы төндә уға 10 йөк боеприпасты алғы һыҙыҡҡа дошмандан тулыһынса таҙартылмаған территория буйынса оҙатып алып барыу бурысы ҡуйылды. Абдуллин, шәхсән үҙе юлды разведкалап, башы яралнһа ла, боеприпастарҙы имен-аман алып барып тапшырҙы. Госпиталгә ятыуҙан баш тартты, әле лә һуғышып йөрөй. Бурыстарын намыҫлы үтәй, егәрле.[1] |
|
Маҡтаулы исемдәре һәм бүләктәре
- «Батырлыҡ өсөн» миҙалы (1943)
- Ҡыҙыл Йондоҙ ордены (1945)
- II дәрәжә Ватан һуғышы ордены (1985)[1].
Хәтер
Абдуллин Мөхәмәтғәли Усман улының исеме Башҡортостанда нәшер ителгән баҫмаларҙа[4] һәм БР-ҙың Ҡырмыҫҡалы районы Бишауыл-Уңғар ауылында Бөйөк Ватан һуғышында ҡатнашыусылар хөрмәтенә ҡуйылған һәйкәлдәге исемлеккә индерелгән.
Сығанаҡтар
- ЦАМО. Фонд 33. Опись 690155. Единица хранения 5684.
Һылтанмалар
- Шаймуратовцы. Абдуллин Мухаметгали Усманович (рус.) (Тикшерелеү көнө: 22 июль 2021)
- Память народа. Абдуллин Мухаметгали Усманович(недоступная ссылка) (рус.) (Тикшерелеү көнө: 22 июль 2021)
- Дорога памяти. Абдуллин Мухаметгали Усманович 2021 йылдың 7 июнь көнөндә архивланған.
- Они вернулись с победой (списки военнослужащих, вернувшихся живыми с Великой Отечественной войны 1941—1945 гг.) Т. 7: Российская Федерация, Республика Башкортостан. Кармаскалинский район. — 2004. — 669 с.; ISBN 5-295-03392-9 / редкол.: Х. Х. Ишмуратов и др. — Уфа : Китап, 2001
Иҫкәрмәләр
- ↑ 1 2 3 4 Память народа. Абдуллин Мухаметгали Усманович
- ↑ 1 2 Шаймуратовцы. Абдуллин Мухаметгали Усманович
- ↑ Шайморатовсылар. Абдуллин Мөхәмәтғәли Усман улы
- ↑ Они вернулись с победой (списки военнослужащих, вернувшихся живыми с Великой Отечественной войны 1941—1945 гг.) Т. 7: Российская Федерация, Республика Башкортостан. Кармаскалинский район. — 2004. — 669 с.; ISBN 5-295-03392-9 / редкол.: Х. Х. Ишмуратов и др. — Уфа : Китап, 2001
| «Башҡорт атлы дивизияһы» порталы |
