Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Алопина Ксения Алексеевна

Алопина Ксения Алексеевна (1992 йылдың 30 майы, Белорет, Башҡортостан Республикаhы[1][2] (башҡа мәғлүмәттәр буйынса — Мәскәүҙә[3]), Рәсәй) — Рәсәй тау саңғысыһы, слаломда 2016 йылғы Рәсәй чемпионы[4], үҫмерҙәр араһында ике тапҡыр Рәсәй чемпионы, Сочиҙағы 2014 йылғы Олимпия уйындары ҡатнашыусыһы. Рәсәйҙең халыҡ-ара класлы спорт мастеры. Слалом дисциплиналарында махсуслаша.

Тәүге тренеры — Рафиҡ Ғабдрахманов[5], шәхси тренеры — Г. Е. Лебедев.

Силәбе өлкәһе вәкиле булараҡ сығыш яһай. Рәсәй дәүләт физик культура, спорт, йәштәр һәм туризм университетында уҡый[6].

Карьераһы

Ксения Алопина Донъя кубогында 2013 йылдың 15 ғинуарынан башлап сығыш яһай. Тәүге мәрәйҙәрен 2015/16 йылдар миҙгелендә йыя, 2016 йылдың 15 февралендә Швейцарияның Кран-Монтан ҡалаһында слаломда 23-сө урынды яулай (еңеүсе Микаэле Шиффриндан 2,79 секундҡа ҡалыша). Киләһе миҙгелдә Финляндияның Леви ҡалаһында слаломда 27-се була (еңеүсе Шиффриндан 4,36 секундҡа артта ҡала), ә 2017 йылдың 3 ғинуарында Загребта Донъя кубогы этабында слалом трассаһында карьераһындағы иң юғары 21-се урынға үрләй (еңеүсе Вероника Велес-Зузулованан 5,52 секундҡа ҡалыша). Шул уҡ ваҡытта иң яҡшы егерме спортсылар исемлегенә инеү өсөн уға ни бары 0,02 секунд етмәй.

2016 йылдың 9 февралендә, Швейцариянан Кьяра Гмюр менән беренсе урынды бүлешеп, Болгарияның Пампорово ҡалаһында Европа кубогы этабында слаломда еңеү яулай[7][8].

2014 йылда Сочиҙа үткән Олимпия уйындарында слаломда 23-сө була (чемпион Микаэле Шиффриндан 7,20 секундҡа ҡалыша).

Карьераһында биш донъя чемпионатында ҡатнаша, иң яҡшы һөҙөмтәһе — 2019 йылғы донъя чемпионатындағы слаломда 33-сө урын (чемпион Шиффриндан 11,53 секундҡа ҡалыша).

Ете тапҡыр слаломда Рәсәйҙең асыҡ чемпионаты призеры була: бер алтын (2016), биш көмөш (2010, 2011, 2014, 2017, 2018) һәм бер бронза миҙал (2019).

Карьераһын 2019 йылдың яҙында тамамлай.

Ҙур ярыштарҙағы һөҙөмтәләре

Ҡышҡы Олимпия уйындары

Олимпия уйындары Тиҙлеккә шыуып төшөү Супергигант Гигант
слаломы 		Слалом Комбинация
2014 Сочи — — — 23 —

Донъя чемпионаттары

Донъя чемпионаты Тиҙлеккә шыуып төшөү Супергигант Гигант
слаломы 		Слалом Комбинация Командалар
2011 Гармиш — — — DNF1 — —
2013 Шладминг — — — 40 — —
2015 Вейл/Бивер-Крик — — — DNF2 — 1/8
2014 Санкт-Мориц — — — DNF2 — 1/8
2019 Оре — — — 33 — 1/8[9]

Донъя кубогы этаптарында иң яҡшы 30 иҫәбенә инеүҙәре (3)

№ Миҙгел Дата Үткәреү урыны Дисциплина Урын Отчёт
1 15 фев 2016 Швейцария Кран-Монтана Слалом 23 [1]
2 12 ноя 2016 Финляндия Леви Слалом 27 [2]
3 3 мар 2017 Хорватия Загреб Слалом 21 [3]

Ғаиләһе

Атаһы — Алексей Анатольевич, әсәһе — Эльвира Фәғит ҡыҙы[10].

Иҫкәрмәләр

  1. ↑ Alopina Ksenia - Biographie. Мөрәжәғәт итеү датаһы: 9 декабрь 2025. Архивировано 3 март 2014 года.
  2. ↑ Белоречанка Ксения Алопина выступит в Сочи в составе олимпийской сборной России по горнолыжному спорту. bashinform.ru (21 февраль 2014). Мөрәжәғәт итеү датаһы: 9 декабрь 2025.
  3. ↑ Алопина Ксения: спортивная биография. Мөрәжәғәт итеү датаһы: 9 декабрь 2025.
  4. ↑ Горнолыжница Алопина стала чемпионкой России в слаломе. Мөрәжәғәт итеү датаһы: 9 декабрь 2025.
  5. ↑ Болеем за Ксюшу! resbash.ru (18 февраль 2014). Мөрәжәғәт итеү датаһы: 9 декабрь 2025.
  6. ↑ Белоречанка Ксения Алопина выступит в Сочи в составе олимпийской сборной России по горнолыжному спорту. bashinform.ru (21 февраль 2014). Мөрәжәғәт итеү датаһы: 9 декабрь 2025.
  7. ↑ Ксения Алопина – лучшая в слаломе в Кубке Европы. Мөрәжәғәт итеү датаһы: 9 декабрь 2025. Архивировано 4 ғинуар 2017 года.
  8. ↑ European Cup - Ladies' Slalom. Pamporovo. 09.02.2016. Мөрәжәғәт итеү датаһы: 9 декабрь 2025. Архивировано 4 ғинуар 2017 года.
  9. ↑ Была в заявке, но не выходила на старт
  10. ↑ Болеем за Ксюшу! resbash.ru (18 февраль 2014). Мөрәжәғәт итеү датаһы: 9 декабрь 2025.

Һылтанмалар

Категориялар