Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Алсынбаев Нияз Зәбихулла улы

РУВИКИ интернет-энциклопедияһында Алсынбаев фамилиялы башҡа кешеләр тураһында мәҡәләләр бар.

Нияз Зәбихулла улы Алсынбаев[1] (рус. Нияз Забихуллович Алсынбаев; 1963 йылдың 1 майы, Ишмырҙа, Башҡорт АССР-ы — 2026 йылдың 9 июне, Өфө) — СССР һәм Рәсәй журналисы,яҙыусы. Башҡортостан Республикаһының атҡаҙанған матбуғат һәм киң мәғлүмәт хеҙмәткәре (2004). Башҡортостан Республикаһы Яҙыусылар союзы ағзаһы (2014)[2].

Биографияһы

Алсынбаев Нияз Зәбихулла улы 1963 йылдың 1 майында Башҡорт АССР-ының Баймаҡ районы Ишмырҙа ауылында тыуған. Башҡорт дәүләт педагогия университетының тарих-инглиз теле факультетын тамамлай. 1986 йылдан алып 1989 йылға тиклем Баймаҡ районы мәктәптәрендә инглиз теле уҡытыусыһы булып эшләй. 1989—1991 йылдарҙа Башҡорт АССР-ының ТВ һәм радиотапшырыуҙары Дәүләт комитеты корреспонденты булып хеҙмәт итә. 1992—1997 йылдарҙа — Әбйәлил районының «Осҡон» хәбәрсеһе. 1997 йылдан алып «Башҡортостан» Дәүләт теле-радио компанияһында башта — сәнәғәт бүлеге хәбәрсеһе, Урал аръяғындағы үҙ хәбәрсеһе[3], һуңынан бүлек мөдире, радиотапшырыуҙар хеҙмәте начальнигы урынбаҫары булып эшләй[2].

2004 йылдан алып года «Юлдаш» музыкаль-мәғлүмәти канал менән етәкселек итә. Шулай уҡ «Майҙан», «Даира» йәмәғәт-сәйәси программалары, «Кесерткән» радиофельетондар циклы алып барыусыһы булараҡ билдәле. «Шәхси фекер», «Шәжәрә» программаларының авторы һәм алып барыусыһы. 1990-сы йылдарҙан әҙәби ижад менән шөғөлләнә башлай. Тәүге хикәйәләре республика гәзиттәре һәм журналдары биттәрендә донъя күрә.

2013 йылда «Евразия тауышы» Бөтә Рәсәй конкурсында төп призды яулай (теле-радио компаниялары араһында «Радиола иң яҡшы алып барыусы» номинацияһы). «Алпамыша — бер риүәйәт эҙҙәре артынан» документаль фильмы авторы һәм режиссеры (2013)[2].

Журналист һәм яҙыусы оҙайлы ауырыуҙан һуң 2026 йылдың 9 июнендә Өфө ҡалаһында вафат булды[4].

Төп әҫәрҙәре[2]:

  • Серле мосафир. Өфө,2008;
  • Эйәрҙә ҡалған егет. Өфө,2009;
  • Изге бүре балалары. Өфө,2013;
  • Йәйге селлә. Өфө,2014.

Әҙәбиәт

  • Әлибаев З.Дәүер һулышын тойоп.//Ағиҙел.-2010.4-се һан. 156—157 биттәр;
  • Күзбәков Ф. Йәштәр тауышы..//Ағиҙел.-2010. 5-се һан. 153 бит;
  • Баймакская энциклопедия. Уфа,2013.- 61 бит;
  • Писатели земли башкирской. Уфа,2015.- 34-35 бит.

Иҫкәрмәләр

Һылтанмалар

Категориялар