Рус телендәге версияМахсус проекттар
Телде алмаштырырға
РУВИКИ ТУРАҺЫНДА

Арыҫланов Һаҙый Мөхәмәҙи улы

РУВИКИ интернет-энциклопедияһында Арыҫланов фамилиялы башҡа кешеләр тураһында мәҡәләләр бар.

Һаҙый Мөхәмәҙи улы Арыҫланов (рус. Арсланов Гадий Мухамадиевич; 1925 йылдың 29 марты, Үрге Этҡол ауылы, Башҡорт АССР-ы — 1998 йылдың 21 авгусы, Стәрлетамаҡ, Башҡортостан Республикаhы) — СССР һәм Рәсәй журналисы, «Стерлитамакский рабочий» гәзитенең баш мөхәррире (1966—1990). Экология мәсьәләләре буйынса мәҡәләләр авторы.

СССР Журналистар союзы ағзаһы (1957). СССР Журналистар союзы премияһы лауреаты (1975). РСФСР-ҙың (1979), Башҡорт АССР-ының атҡаҙанған мәҙәниәт хеҙмәткәре (1975).

Биографияһы

Һаҙый Мөхәмәҙи улы (Ғәди Мөхәмәт улы) Арыҫланов Стәрлетамаҡ медучилищеһын тамамлай[1]

Бөйөк Ватан һуғышында ҡатнашыусы. II дәрәжә Ватан һуғышы ордены менән бүләкләнгән (1985). Фронт тураһында иҫтәлектәр баҫтыра, улар хаҡында яҙыусы Виктор Астафьев хатлашҡан саҡта былай ти: «Күңелдәргә үтеп инерлек, дөрөҫ, ялтырауыҡһыҙ әҫәрҙәрегеҙ талантығыҙҙан ғына түгел, ә һыҙландырып, һуғыш тураһында бөтәһен дә әйтеү теләген ҡуҙғытып, Һеҙгә ҡаҙалып торған шул шырауҙан да ул…Һеҙ — халыҡтың выжданы, ә ул бик тә кәрәк, айырыуса хәҙер».

Һуғыштан һуңғы йылдарҙа Этҡол ауылы (хәҙер Ишембай районы) участка дауаханаһының етәксеһе була, ауырыуҙарға медицина хеҙмәте күрһәтеүгә, туҡландырыуға һәм уларҙың хәл-торошона бик иғтибарлы була[1].

1951 йылдан КПСС ағзаһы[2]. КПСС Үҙәк Комитеты эргәһендәге Юғары партия мәктәбен тамамлай (Мәскәү, 1966).

1955—1966 йылдарҙа — «Стерлитамакский рабочий» гәзитенең партия тормошо бүлеге мөдире, 1966—1990 йй. — был гәзиттең баш мөхәррире.

Хәтер

  • 1998 йылда Башҡортостанда Һаҙый Арыҫланов иҫтәлегенә «Башҡортостан экологияһы» тигән йыл да тапшырылыусы журналистик премия булдырыла, ул тирә-яҡ мөхит темаһына яҙылған материалдар өсөн бирелә[3][4].
  • 2005 йылда Стәрлетамаҡтағы бер урамға Арыҫланов исеме биреләа[5]

Иҫкәрмәләр

Һылтанмалар

Категориялар