Балод Екатерина Мартыновна

Гражданлығы	Рәсәй империяһы; СССР;
Заты	ҡатын-ҡыҙ
Тыуған көнө	1898
Вафат булған көнө	29 декабрь 1978
Маҡтаулы исемдәре һәм башҡа бүләктәре	;
Вафат булған урыны	Рига, Латвия Совет Социалистик Республикаһы, СССР;
Тыуған урыны	Рәсәй империяһы;

Балод Екатерина Мартыновна (Балоде) (1898 йыл — 29 декабрь, 1978 йыл) — Латвия бассейнының Рига үҙәк дауаханаһы шәфҡәт туташы, Социалистик Хеҙмәт Геройы (1969).

Биографияһы

Балод Екатерина Мартыновна 1898 йылда хәҙерге Латвияның Бауский крайында тыуа. Милләте буйынса латыш^[1].

1919 йылда медицина шәфҡәт туташтары курсын тамамлай. РКП(б)/ВКП(б)/КПСС сафына инә. Граждандар һәм Бөйөк Ватан һуғыштарында ҡатнаша^[1].

1947 йылда Рига үҙәк дауаханаһының туберкулез бүлексәһенә шәфҡәт туташы булып урынлаша ^[1]. 30 йыл дауамында Балтика буйы моряктарының һаулығы һағында тора. Үҙенең эш тәжрибәһен йәштәр менән ихлас бүлешә.

СССР Юғары Советы Президиумының 1969 йылдың 4 февралендәге Указына ярашлы, Балод Екатерина Мартыновна «совет халҡы һаулығын һаҡлау өлкәһендәге ҙур ҡаҙаныштары өсөн» Социалистик Хеҙмәт Геройы исеменә лайыҡ була, Ленин ордены «Ураҡ һәм Сүкеш» алтын миҙалы менән наградлана^[1].

Латвия ССР-ы коммунистар партияһының XXI съезы делегаты (1971)^[1].

Хаҡлы ялға сыҡҡандан һуң Рига ҡалаһында йәшәй, 1978 йылдың 29 декабрендә вафат була, урындағы Урман зыяратында ерләнә^[1].

Ленин (04.02.1969), «Почет билдәһе» ордендары (28.10.1967), миҙалдар, шул иҫәптән «Хеҙмәт батырлығы өсөн миҙалы» менән наградлана (20.07.1950)^[1].

Иҫкәрмәләр

↑ ¹ ² ³ ⁴ ⁵ ⁶ ⁷ Т. Каримов. Балод Екатерина Мартыновна (билдәһеҙ). «Герои страны» сайты. Дата обращения: 27 апрель 2020.

Әҙәбиәт

М. К. Кузьмин. Ученые-медики - Герои Социалистического Труда. — Москва: Медицина, 1988. — 197 с. — ISBN 5-225-00135-1.

[вх-1] ¹ ² ³ ⁴ ⁵ ⁶ ⁷ Т. Каримов. Балод Екатерина Мартыновна (билдәһеҙ). «Герои страны» сайты. Дата обращения: 27 апрель 2020.

[1]