Иннополис университеты

Иннополис университетын ойоштороу тураһында 2012 йылдың февралендә Карнега — Меллон университеты менән Татарстанда ИТ-кадрҙар әҙерләү үҙәген булдырыу буйынса һөйләшеүҙәрҙә иғлан ителә. Йылына 1000 белгес әҙерләү күҙ уңында тотола.

2012 йылдың июлендә Татарстан Республикаһының рәйесе Рөстәм Миңлеханов Карнега-Меллон университетының ИT-белем биреүҙе үҫтереү һәм популярлаштырыу, шулай уҡ Карнеги-Меллон университетының белем биреү программаларына лицензиялар һатыу менән шөғөлләнеүсе бүлендек компанияһы (Carnegie Mellon University — iCarnegie Global Learning) етәксеһе Гил Таран менән осраша. Һуңынан яҡтар Иннополис биләмәһендә яңы IT-университет асырға һөйләшеп килешә^[1].

2012 йылдың 21 декабрендә iCarnegie һәм Иннополис университеты Карнеги-Меллон университеты бүлексәһе белгестәре Рәсәйҙең IT-индустрияһын һәм IT-уҡытыу сифатын өйрәнеүе тураһында меморандумға ҡул ҡуя^[2]. Тикшеренеү һөҙөмтәләре артабан белем биреү концепцияһын эшләү өсөн файҙаланыла. Шулай уҡ Америка университеты белгестәре университет инфраструктураһын үҫтереүгә һәм белем биреү программаларын булдырыуға йәлеп ителә. Шул уҡ йылда Иннополиста кампус төҙөлә башлай.

2013 йылдың апрелендә Иннополис университеты конкурс буйынса уҡытыусылар һәм хеҙмәткәрҙәр ҡабул итеү тураһында иғлан итә^[3]. 15 урынға 700 ғариза бирелә, Әммә Software программаһы буйынсабер йыллыҡ уҡыуға 14 кеше китә^[4]. Шул уҡ йылда Ҡазанда юғары уҡыу йортоноң тәүге STEM (Science, Technology, Engineering, Mathematics) үҙәктәре асылды, унда 6-11 класс уҡыусыларын робот техникаһы, математика, физика, программалау һәм инглиз теле менән уҡыттылар. Тесты яҡшы биреүсе 50 тыңлаусы бушлай уҡый^[5].

2013 йылдың декабрендә Иннополис университеты федераль инновацион майҙансыҡҡа әүерелә^[6]. Еңеүселәр мәғлүмәт технологиялары өлкәһендә алдынғы тикшеренеүҙәр үҙәктәрен булдырыуға өҫтөнлөклө ярҙам ала^[7].

2013 йыл аҙағында Рәсәй Хөкүмәте Рәйесе Дмитрий Медведев Иннополис ҡалаһында Иннополис университетын төҙөүҙө хуплай^[8].

2014 йылдың февралендә юғары уҡыу йорто бакалаврҙар йыйыу тураһында иғлан итә кандидаттар сифатында Рәсәй һәм сит ил университеттарының 3—5 курсы студенттары ҡарала^[9]. 40 — 50 студент йыйыу планлаштырыла, ләкин 300 ғариза бирелһә лә^[10], 26 кеше генә юғары уҡыу йортона һайлап алына^[11]. Улар шул уҡ йылдың йәйендә университеттың Ҡазан майҙансығында уҡый башлай^[10].

2020 йылдың декабрендә Иннополис университеты Рәсәйҙә беренсе яһалма интеллект институтын булдыра, уның сиктәрендә ғәмәлдәге лабораторияларҙы һәм яһалма интеллект өлкәһендәге булған эшләнмәләрҙе һәм тикшеренеүҙәрҙе берләштерә^[12].

2022/2023 уҡыу йылында юғары уҡыу йортонда 1077 студент белем ала. Улар «Информатика һәм иҫәпләү техникаһы» һәм «Мәғлүмәттәрҙе анализлау һәм яһалма интеллект» бакалавр программалары, биш магистрлыҡ — «Мәғлүмәттәрҙе анализлау һәм яһалма интеллект», «Технологик эшҡыуарлыҡ», «Робот техникаһы һәм компьютерҙа күреү», «Программа тәьминәтен эшләү менән идара итеү» һәм «Компьютер хәүефһеҙлеге һәм селтәрҙәр» программалары буйынса белем ала. Аспирантураның программалары — «Информатика фәненең теоретик нигеҙҙәре» һәм «Математик моделләштереү, һанлы ысулдар һәм программа комплекстары». Белем биреү программаларына 175 дисциплина инә.

Өсөнсө курста студенттар «Программа тәьминәтен эшләү», «Ҙур мәғлүмәттәр», «Робот техникаһы» һәм «Мәғлүмәт хәүефһеҙлеге» йүнәлештәренең береһен һайлай ала.

Университетты бөтәһе 850 студент тамамлай, 2021 йылда — 208 кеше. Уны тамамлаусыларҙың 100 проценты Рәсәйҙең алдынғы компанияларына эшкә урынлаша: Сбертех, Яндекс, Тинькофф, S7, Мегафон, Qiwi, Сбербанк, МТС, ОМП, X5 Retail Group.

Университетта белем алыу дәүләт тарафынан финанслана һәм түләүле. 2022 йылда бюджет урындары түбәндәгесә билдәләнә: бакалавриат программаларына — 52, магистратура программаларына — 30, аспирантура программаларына — 6. 2022/2023 уҡыу йылында бакалавриат, магистратура һәм аспирантура программалары буйынса 1 йыл уҡыу хаҡы 800 000 һум тәшкил итә. Уҡыу хаҡын тулыһынса йәки өлөшләтә ҡапларға һәм айына 36 000 һумға тиклем стипендия алырға мөмкинлек биргән грант отоп була.

Уҡытыу инглиз телендә алып барыла.

2022/2023 уҡыу йылында университетта 171 дисциплина буйынса 1086 студент уҡый (2021 йылда — 882, 2020 йылда — 823, 2019 йылда — 771^[13], 2018 йылда — 254^[14], 2017 йылда — 255^[15], 2016 йылда — 313^[16]).

2013 йылда магистратурала 14, 2014 йылда 50 студент (26 бакалавриат, 24 магистратура), 2015 йылда 322 студент (236 бакалавриат, 86 магистратура) уҡый башлаған.

Университеттың 31,1 мең м² майҙанлы кампусы һәм майҙаны 35,3 мең квадрат метрлыҡ 1200 урынлыҡ дүрт ятаҡ корпусы федераль бюджет иҫәбенә төҙөлгән. 2013 йылда был маҡсатҡа (Иннополистың устав капиталына индергән аҡса иҫәбенә) 4,7 миллиард һум йүнәлтелгән^[17][18].

Университеттың кампусы уҡыу-лаборатория корпусынан, торлаҡ һәм спорт комплекстарынан тора.

2021 йылда Иннополис университеты Forbes журналының Рәсәйҙең иң яҡшы 100 юғары уҡыу йорто рейтингында 12-се урынды ала.

2022 йылда университет «Университеттың өс миссияһы» халыҡ-ара рейтингына инә, унда 601 — 650-се урындар араһында тора^[19].