Ишбулатов Хажиәхмәт Исхаҡ улы

Ишбулатов Хажиәхмәт Исхаҡ улы
Тыуған ваҡыты	16 март 1851({{padleft:1851|4|0}}-{{padleft:3|2|0}}-{{padleft:16|2|0}})
Тыуған урыны	Өфө губернаһы Өфө өйәҙе (хәҙерге Башҡортостан Республикаһы Благовар районы) Өйҙөрәкбаш ауылы
Үлгән ваҡыты	1921({{padleft:1921|4|0}})
Вафат урыны	Башҡорт АССР-ы Стәрлетамаҡ ҡалаһы
Хеҙмәт иткән урыны	Рәсәй империяһы Башҡортостан
Хеҙмәт итеү йылдары	1916 — 1917 1918 — 1920
Хәрби звание	Генерал-майор Генерал-лейтенант
Командалыҡ итеү	Башҡорт айырым корпусы 1-се Башҡорт пехота дивизияһы
Хәрби алыш/һуғыш	Беренсе бөтә донъя һуғышы, граждандар һуғышы
Наградалар һәм премиялар

Ишбулатов Хажиәхмәт Исхаҡ улы (16 март 1851 йыл — 1921 йыл) — Рәсәй империяһы һәм Рәсәйҙә Граждандар һуғышы осороноң хәрби эшмәкәре. Генерал-лейтенант (1918). Беренсе бөтә донъя һәм Граждандар һуғыштарында ҡатнашыусы.

Башҡортостандың һәм Рәсәйҙең күренекле дәүләт һәм хәрби эшмәкәре. Башҡорт. 1918—1920 йылдарҙа Башҡорт милли-азатлыҡ хәрәкәтендә ҡатнашыусы.

Биографияһы

Хажиәхмәт Исхаҡ улы Ишбулатов Өфө губернаһының Өфө өйәҙе (хәҙерге Башҡортостан Республикаһының Благовар районы Өйҙөрәкбаш ауылында 1851 йылдың 16 мартында тыуған. Атаһы Исхаҡ Мөхәммәтрәхим улы — 3-сө Мишәр кантонының хәрби старшинаһы.

1866 йылда Ырымбур кадет корпусын тәмамлай. 1900—1904 йылдарҙа — Орск пехота полкында. 1908 йылда генерал-майор чинында отставкаға сыға. Беренсе донъя һуғышы башланғас, 1915 йылда яңынан хәрби хеҙмәткә саҡырыла.

1916 йылдың 18 апреленән 152-се запас пехота полкы командиры. 1918 йылдың 8 ғинуарынан 1-се Мосолман уҡсылар бригадаһы командиры. 1917 йылда — Бәләбәй гарнизоны башлығы.

1918 йылда башҡорт милли хәрәкәтенә ҡушылып. 1918 йылдың 28 сентябренән 1-се Башҡорт пехота дивизияһы башлығы, һуңынан Башҡорт айырым корпусы командиры. Октябрҙә генерал-лейтенант званиеһы бирелә. 1918 йылдың 28 ноябренән — Башҡорт милли ғәскәре башлығы.

1921 йылда Стәрлетамаҡ ҡалаһында вафат була.

Наградалары

• 3-сө дәрәжә ҡылыслы Изге Станислав ордены;
• 3-сө дәрәжә Изге Анна ордены;
• 2-се дәрәжә Изге Станислав ордены;
• 2-се дәрәжә Изге Анна ордены;
• 4-се дәрәжә Изге Владимир ордены.

Хәтер

• Башҡортостан Республикаһының Благовар районы Өйҙөрәкбаш ауылында бюст ҡуйылған.

Ғаиләһе

Ҡатыны — Бибизәйнәп, Бохара сауҙагәре Камалбай Йәҙгәровтың ҡыҙы.

Улдары

Сәйетгәрәй (1904—1983), Бөйөк Ватан һуғышында ҡатнашыусы, Өфө моторҙар эшләү заводы хеҙмәткәре.

Рөстәм (1905—1938) — хәрби эшмәкәр. Ҡара диңгеҙ флоты һыу аҫты кәмәләре дивизионының командиры. 3-сө ранг капитаны.

Ҡыҙы — Миәссәр (1907—1964), Мәскәү медицина институтының ике курсын тамамлай, Ҡырымда йәшәй, 1926 йылда Башҡортостанға ҡайта.

Һылтанмалар

• Булатов Ғ. Ғ., Таймаҫов Р. С. Ишбулатов Хажиәхмәт Исхаҡ улы // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.
• Ислам на Урале. Энциклопедический словарь. Серия Ислам в Российской Федерации. Выпуск V. Москва-Нижний Новгород. ИД «Медина». 2009. — 479 с.
• сайт «Русская армия в Первой мировой войне»
• Шежере Ишбулатова Х. И. 2016 йылдың 4 март көнөндә архивланған.
• Ганин А. В., Семенов В. Г. Офицерский корпус Оренбургского казачьего войска (1891—1945): Биографический справочник. — М., 2007. — 676с.:ил (на с.242)