Йәнтилин Ғөзәйер Йыһанур улы

Ғөзәйер Йыһанур улы Йәнтилин Ырымбур губернаһы Орск өйәҙе (хәҙер Башҡортостан Республикаһының Баймаҡ районы) Кәрешкә ауылында Абдулхәйер-Йыһаннур Йәнтилиндәрҙең крәҫтиән ғаиләһендә тыуа^[1].

Башҡорт АССР-ының атҡаҙанған уҡытыусыһы Хөмәйрә Йыһанур ҡыҙы Йәнтилина һаҡлаған шәжәрәлә шундай мәғлүмәт бар: боронғо олаталары Аҡтай (1630), уның улы Аҙнаш (1670), Алдар (1720), Ғабдулла Алдаров (1740), Аллағыуат Алдаров (1754-1828), Йәнтилә Аллағыуатов (1791) — Йәнтилиндәрҙең ата-бабаһы, Юлмөхәмәт (1829), Абдулхәйер - Йыһаннур (1889-1964) — Ғөзәйер (1917-1985)^[2].

Тыуған ауылы Кәрешкә мәктәбендә тулы булмаған урта белемгә эйә була.

1937 йылда Баймаҡ тау-металлургия техникумын тамамлай.

1938-1943 йылдарҙа Эшсе-Крәҫтиән Ҡыҙыл Армияһы сафында хеҙмәт итә.

1941 йылда Баймаҡ район комиссариаты тарафынан фротҡа саҡырыла. Дон фронтына ҡараған 41-се гвардия уҡсылар дивизияһының 124-се гвардия уҡсылар полкы составында Бөйөк Ватан һуғышында ҡатнаша, ҡаты яралана^[3].

1955 йылда Орджоникидзе ҡалаһында (хәҙер — Төньяҡ Осетия — Аланияның баш ҡалаһы Владикавказ) Төньяҡ Кавказ тау-металлургия институтын тамамлай.

Бүребай һәм Түбә мәғдән идаралыҡтарының тау-байыҡтырыу фабрикаларында смена мастеры, фабрика начальнигы булып эшләй.

1957—1961 йылдар — Сибай ҡала советы башҡарма комитеты рәйесе.

1961—1975 йылдар — КПСС-тың Сибай ҡала комитеты беренсе секретары

1975—1979 йылдар — Башҡорт АССР-ының аҙыҡ-түлек сәнәғәте министры^[4].

ике Хеҙмәт Ҡыҙыл Байраҡ ордены (1963, 1966)

«Почёт Билдәһе» ордены (1971)

«Хәрби ҡаҙаныштары өсөн» миҙалы (16 октябрь 1942)

«1941—1945 йылдарҙағы Бөйөк Ватан һуғышында Германияны еңгән өсөн» миҙалы» (1945)^[2][3].

БАССР Юғары Советының 7-се һәм 8-се саҡырылыш депутаты.

• Сибай ҡалаһында Ғөзәйер Йәнтилин урамы бар.