Мөхәмәҙиев Венер Сәйфулла улы
Мөхәмәҙиев Венер Сәйфулла улы (16 апрель 1954 йыл) — музыкант, үҙешмәкәр композитор. 1983—2017 йылдарҙа Төмән өлкәһе Нефтеюганск ҡалаһының «Строитель» мәҙәниәт һарайы хеҙмәткәре. Ханты-Манси автономиялы округы — Юграның атҡаҙанған мәҙәниәт хеҙмәткәре (2002), Рәсәй Федерацияһы Мәҙәниәт министрлығының «Мәҙәниәттәге ҡаҙаныштары өсөн» билдәһе менән бүләкләнеүсе (2002).
Биографияһы
Венер Сәйфулла улы Мөхәмәҙиев 1954 йылдың 16 апрелендә Башҡорт АССР-ының Йәрмәкәй районы Иҫке Сүлле ауылында тыуған.
1969 йылда һигеҙ йыллыҡ мәктәпте тамамлай һәм Өфөләге 2-се музыка-педагогия училищеһының музыка бүлегенә уҡырға инә. 1973 йылда «баян» һөнәре буйынса урта махсус белем алып сыға һәм йүнәлтмә менән хәҙерге Хөсәйен Әхмәтов исемендәге Башҡорт дәүләт филармонияһында аккомпаниатор булып эш башлай[1].
1974—1976 йылдарҙа Совет Армияһында хеҙмәт итә. Запасҡа ҡайтарылғандан һуң Ейәнсура районы үҙәге Иҫәнғол ауылындағы балалар музыка мәктәбендә[2] уҡытыусы, 1977 йылдан — директор була[1].
1983 йылда ғаиләһе менән Төмән өлкәһенең Ханты-Манси автономиялы округында урынлашҡан Нефтеюганск ҡалаһына күсенә.
Маҡтаулы исемдәре һәм башҡа бүләктәре
- Ханты-Манси автономиялы округы — Юграның атҡаҙанған мәҙәниәт хеҙмәткәре (2002)
- Рәсәй Мәҙәниәт министрлығының «Мәҙәниәттәге ҡаҙаныштары өсөн» билдәһе (2002).
Иҫкәрмәләр
- ↑ 1 2 70 лет Мухамадееву Венеру Сайфуловичу. Государственная библиотека Югры. Официальный сайт
- ↑ 1999 йылдан Сөләймән Абдуллин исемендәге балалар сәнғәт мәктәбе.
Әҙәбиәт
- Богданова Н. Жизнь и вдохновение / Н. Богданова. – Текст : непосредственный // Вестник культуры. – 2002. – № 25 (Окт.). – С. 16. (рус.)
- Уткина Анастасия. Научно-исследовательская работа: «Музыкальное творчество самодеятельных композиторов г. Нефтеюганска». 2018 год (рус.)
Һылтанмалар
- Мухамадеев Венер Сайфулович / И. В. Гребнева. – Текст : непосредственный // Югория : Энциклопедия Ханты-Мансийского автономного округа. – Ханты-Мансийск; Екатеринбург, 2005. – Т. 4. – С. 193. (рус.)
- Государственная библиотека Югры. Официальный сайт (рус.)
- Муниципальное автономное учреждение «Редакция газеты «Здравствуйте, нефтеюганцы!». Официальный сайт. Имя Венера Мухамадеева широко известно в музыкальных кругах не только Нефтеюганска, но и всей России, в том числе Башкирии и Татарстана
- Ермекеевская централизованная библиотечная система. Официальный сайт
- Муниципальное автономное учреждение дополнительного образования ДЕТСКАЯ ШКОЛА ИСКУССТВ ИМ. С.АБДУЛЛИНА