Новый Белокатай (гәзит)
«Новый Белокатай» — «Яңы Балаҡатай» — Башҡортостан Республикаһы Балаҡатай районының ижтимағи-сәйәси гәзите.
Ойоштороусылары — Башҡортостан Республикаһының Матбуғат һәм киң мәғлүмәт саралары агентлығы, райондың «Новая жизнь» — «Яңы тормош» гәзите редакцияһы коллективы[1].
Балаҡатай районының Яңы Балаҡатай ауылында рус телендә «Новый Белокатай» һәм башҡорт телендә «Яңы Балаҡатай» исемдәре менән сыға[2]. Башҡорт АССР-ы Юғары Советы Президиумының Почёт грамотаһы менән бүләкләнгән (1981)[3].
Тарихы
Район гәзитенең беренсе һаны «Знамя колхозника» исеме менән рус телендә 1931 йылдың 1 сентябрендә 100 дана тираж менән баҫыла[2]. Ул ВКП (б)-ның Балаҡатай район комитеты, район советы башҡарма комитеты, район колхоздары союзы һәм райондың профсоюздар советы органы була[3].
Тәүге осорҙа гәзит биш көнгә бер тапҡыр сыға. Уның материалдары башта ҡулдан яҙыла, артабан машинкала баҫыла һәм стеклографта тиражлана[3].
1932 йылдың ноябренән гәзит Ҡыйғы һәм Дыуан райондары, «Алағуз» совхозының сәйәси бүлеге типографияларында, 1935 йылдан — Балаҡатай типорафияһында баҫыла[3].
1932 йылда тиражы 1300 дана, 1935 йылда —1100, 1937 йылда —3000, 1939 йылда — 3100, 1941 йылда — 3200 дана була[3].
Бөйөк Ватан һуғышы йылдарында һәм унан һуңғы осорҙа гәзит өҙөклөктәр менән баҫыла. 1952 йылдан ғына аҙнаһына ике тапҡыр — кесаҙна һәм йәкшәмбе көндәрендә сыға башлай, уның тиражы арта бара, 1961 йылда 2500 дана тәшкил итә[3].
1961 йылдан — «Заря коммунизма», 1963 йылдан башлап «Коммунист» исеме менән рус һәм башҡорт телдәрендә нәшер ителә, 1965 йылдан — «Новая жизнь» һәм «Яңы тормош», 2006 йылдан хәҙерге исемдәрен ала[2].
Иҫкәрмәләр
- ↑ Агентство по печати и средствам массовой информации Республики Башкортостан. Официальный сайт. Учрежденные СМИ: Редакция газеты «Новый Белокатай» (рус.) (Тикшерелеү көнө: 5 июнь 2025)
- ↑ 1 2 3 Региональный интерактивный энциклопедический портал «Башкортостан». «НОВЫЙ БЕЛОКАТАЙ», газета. Дата публикации: 10.10.2019. Дата последнего обновления публикации: 17.10.2019 (рус.) (Тикшерелеү көнө: 5 июнь 2025)
- ↑ 1 2 3 4 5 6 Белокатайский район история и современность.pdf / Историко-краеведческое издание. / Автор-составитель В. А. Ощепков. — Уфа : Издательство «Диалог», 2004. — 476 с. — ISBN 5-94524-028-1. (рус.) (Тикшерелеү көнө: 5 июнь 2025)
Әҙәбиәт
• Белокатайский район история и современность.pdf / Историко-краеведческое издание. / Автор-составитель В. А. Ощепков. — Уфа : Издательство «Диалог», 2004. — 476 с. — ISBN 5-94524-028-1. (рус.) (Тикшерелеү көнө: 5 июнь 2025)
Һылтанмалар
• Региональный интерактивный энциклопедический портал «Башкортостан». «НОВЫЙ БЕЛОКАТАЙ», газета. Дата публикации: 10.10.2019. Дата последнего обновления публикации: 17.10.2019 (рус.) (Тикшерелеү көнө: 5 июнь 2025)
• Агентство по печати и средствам массовой информации Республики Башкортостан. Официальный сайт. Учрежденные СМИ: Редакция газеты «Новый Белокатай» (рус.) (Тикшерелеү көнө: 5 июнь 2025)
• Официальный сайт издания «Новый Белокатай» (рус.) (Тикшерелеү көнө: 5 июнь 2025)
Был — тамамланмаған мәҡәлә. Һеҙ, мәҡәләне төҙәтеп һәм тулыландырып, РУВИКИ проектына ярҙам итә алаһығыҙ.